Faxi - 01.03.1970, Page 10

Sögulegur atburður.
Laugardaginn 5. marz s. 1. gerðist sá merkis
atburður, að Island var formlega tekið inn í
EFTA, fríverzlunarsamtök Evrópu. Gerðist
þetta við hátíðlega athöfn, þar sem forseti
EFTA-ráðsins, Portúgalinn Antonio de Siq-
cira Freire, flutti ávarp og bauð ísland vel-
komið í samtökin. Fastafulltrúi íslands, Ein-
ar Benidiktsson, þakkaði ámaðaróskir fyrir
Islands hönd og síðar um daginn sat hann
svo sinn fyrsta fund í ráðinu.
Vegleg hátíðahöld.
Sunnudaginn 1. marz s. 1. var hinn árlegi
æskulýðsdagur Þjóðkirkjunnar haldinn há-
tíðlegur um allt land. í kirkjum hér á Suður-
nesjum var messað þenna dag og voru guðs-
þjónustur þessar vel sóttar. Kvöldvaka var
síðar um daginn haldin í félagsheimili Njarð-
víkurvíkur — Stapa, þar sem saman voru
komin um 700 manns.
Kvöldvökunni í Stapa stjórnaði sóknar-
presturinn, sr. Bjöm Jónsson, en ræðumenn
vom þeir Jóhann G. Jóhannsson guðfræði-
nemi, og Logi Þormóðsson gagnfræðaskóla-
nemi. Fluttu báðir mál sitt af miklum mynd-
arskap. Umtalsefni beggja þessara ungu
manna var hið athyglisverðasta og hafa þeir
góðfúslega leyft birtingu þess hér í blaðinu.
Auk þeirra töluðu þarna á kvöldvökunni
skiptinemar þjóðkirkjunnar, er sögðu á
skýran og skemmtilegan hátt frá dvöl sinni
meðal erlendra þjóða.
Fermingarbörn úr Njarðvíkum og Kefla-
vík sýndu tvo fallega helgileiki. Var flutn-
ingur ungmennanna mjög fagur og hljóðlátur
og vel við hæfi efnisins.
A kvöldvöku þessari söng æskulýðskór
kirkjunnar undir stjóm Siguróla Geirssonar,
einnig sungu skátastúlkur úr Njarðvíkum
mjög geðþekkt og fallega. Kristín Sigtryggs-
dóttir söng einsöng við mikla hrifningu áheyr-
enda, og sama máli gegndi um söng Kefla-
víkurkvartettsins, sem þama kom fram til
skemmtunar og ánægju fyrir viðstadda.
Hljómsveitin Júdas skemmti þama einnig,
en þessi hljómsveit nýtur nú mikilla og vax-
andi vinsælda meðal unga fólksins. Og að
lokum kom þama fram þjóðlagasöngkonan,
Kristín Olafsdóttir, sem er löngu þjóðkunn
orðin fyrir listræna túlkun á íslenzkum þjóð-
lögum. Kvöldvökunni lauk svo með áhrifa-
ríkri og fagurri helgistund undir handleiðslu
sr. Björns. Þótti kvöldvaka þessi bæði virðu-
leg og aðlaðandi, og veita viðstöddum inni-
haldsríka ánægjustund, jafnframt því sem
hún var öllum, er að henni stóðu, til hins
mesta sóma.
H. Th. B.
Yfirlit um starfsemi bókasafnsins
í Keflavík árið 1969.
Lánaðar voru út á árinu 22.110 bækur í út-
lánsdeild. A lestrarsal voru lánuð um 8.000
bækur og blöð. Lánþegar voru 1094 og gestir
á lestrarsal 1629. Framlag Keflavíkurbæjar
til safnsins var 450 þúsund. kr.
Vinsælustu íslenzku bækurnar eru:
1. Ingibjörg Sigurðardóttir ...... 311 bindi
2. Jenna og Hreiðar .............. 220 bindi
3. Guðrún frá Lundi............... 202 bindi
4. Armann Kr. Einarsson .......... 191 bindi
5. Stefán Júlíusson .............. 169 bindi
6. Ingibjörg Jónsdóttir .......... 129 bindi
7. Kristmann Guðmundsson .... 122 bindi
8. Ragnheiður Jónsdóttir..... 115 bindi
9—10. Guðmundur G. Hagalín .... 101 bindi
9—10. Halldór Kiljan Laxness .... 101 bindi
Bókaeign safnsins er nú um 14.550 bindi.
Leiðrétting.
I minningargrein um Sigurð B. Helgason í
síðasta tbl. Faxa, urðu þau mistök, að hinn
látni var nefndur Sigurður Benidikt, en hann
hét fullu nafni Sigurður Benóný Helgason.
Eru aðstandendur beðnir velvirðingar á
þessum leiðu mistökum.
Fimm ára félag.
Nú um þessar mundir er Systrafélag Kefla-
víkurkirkju 5 ára. Þó félagið sé ekki gamalt,
hefir það látið mjög til sín taka ýmis mann-
úðar- og merkismál, einkum þó er varða hag
og velferð kirkjunnar. Eiga forustukonur
þessa unga félagsskapar miklar þakkir okkar
Keflvíkinga fyrir menningarlegt tillag þeirra
í þágu byggðarlagsins. Megi blessun fylgja
störfum þeirra um langa framtíð.
ALMENNUR
LÍFEYRISSJÓÐUR
IÐNAÐARMANNA
Sjóðurinn er öryggis- og tryggingarstofn
allra iðnaðarmanna.
Á sama tíma og þið tryggið framtíð ykkar
og fjölskyldunnar, þá byggið þíð upp lána-
stofnun, sem þið hafið ávallt aðgang að.
Innganga strax gefur lánaréttindi fyrr.
Iðnaðarmenn, látið ekki dragast að gerast
aðilar að lífeyrissjóði ykkar.
UPPLÝSINGAR ERU VEITTAR 4 SKRIFSTOFU
LANDSSAMBANDS IDNAÐARMANNA
- HÚSI IÐNAÐARBANKANS SlMI 15363
<ö>
42 — FAXI