Prentarinn - 01.12.1936, Blaðsíða 4

PRENTARINN
ALÞYÐUHUS REYKJAVIKUR
Þetta hús er ein veglegasta byggingin í
borginni. Það er byggt í „funkisstíl". Byrjað
var á smíðinni 31. maí 1935 og verkinu lokið
á tæpu ári. Þórir Baldvinsson gerði teikning-
arnar, Kornelíus Sigmundsson tók verkið að
sér, en Tómas Vigfússon var yfirsmiður.
Með byggingu þessa húss er lokið langri
baráttusögu verklýðsfélaganna í Reykjavik
fyrir viðunanlegum samastað handa einum
merkasta og sterkasta félagsskap í landinu.
Samtökin höfðu orðið að vera á hrakhólum
með alla starfsemi sina frá stofnun sinni, og
háði það auðvitað heilbrigðri framþróun
þeirra mjög tilfinnanlega og á margan hátt.
Hér fer á eftir lýsing af húsinu:
Rúmmál byggingarinnar er alls 55 hundruð
rúmmetrar. Hæð hússins er fimm hæðir og
kjallari með Ingólfsstræti, en fjórar hæðir og
kjallari með Hverfisgötunni. Þar eð húsið
stendur í talsverðlnn liaila, er kjallarinn sama
og ekki í jörðu við neðri enda þess við Hverf-
isgötu, en þar er gengið inn í fundarsal luiss-
ins, sem er í kjallaranum, og ætlaður fyrir
smærri fundi. Tekur liann 132 manns í sæti.
Lengd hússins með Hverfisgötu er 25,26
m., með Ingólfsstræti 16,85 m. Breiddin er
með Hverfisgötu 10:37 m., með Ingólfsstræti
11,00. Kjallari hússins er þó byggður yfir alla
byggingarlóðina, en hún er alls 25,26x16.85
fermetrar. En í kjallaranum er auk þess, sem
áður er getið, prentvélasalur, stórt eldhús,
snotur veitingasalur, mjög fullkom,-
in miðstöð, sem brennir kolasalla
og hitar allt lnisið, sumpart og að
mestu leyti með vatni um venju-
lega miðstöðvarofna og sumpart
með heitu lofti, sem dælt er um
samkomusal og veitingastofur. Tæki
þessi dæla líka 'hreinu Tofti um
þennan hluta hússins. Þá er enn-
fremur í kjallara hússins all-stórt
geymsluherbergi og herbergi fyrir
pappírsgeymslu, fatageymsla, snyrt-
ingarherbergi, salerni og klefi með
áhöldum fyrir steypiböð.
Á fyrstu hæð fyrir ofan kjallara
eru húsakynni prentsmiðjunnar.
Er gengið inn í þau frá Hverfis-
götu, um sömu dyr og gengið er inn í
fundarsalinn. Hér er herbergi fyrir setjara-
vélar, setjarasalur, herbergi fyrir bókhald,
afgreiðslu, prófarkalestur, blýbræðslu, bið-
herbergi fyrir blaðadrengi, auk ytra og innra
fordyris. Úr prentsmiðjunni má ganga út á
þak fundarsalsins. Þessi hluti götuhæðar
hússins er alveg skilinn frá þeim hluta henn-
ar, sem að Ingólfss'træti veit. En í þeim hluta
götuhæðar er sölubúð Pöntunarfélags verka-
manna í horni hússins með tilheyrandi
skrifstofu og geymslu og snyrtiklefa. Til
vinstri handar í aðalfordyri hússins, sem
veit út að Ingólfsstræti, er allstór veitinga-
stofa. |
A 2. hæð hússins eru skrifstofur verklýðs-
félaga og Alþýðublað'sins. Á þeirri hæð eru og
herbergi Vinnumiðlunarskrifstofunnár o. fl.,
en á 4. liæð er skrifstofa Hins ísl. prentarafé-
lags. Auk þessa eru ýmsar aðrar skrifstofur í
húsinu, en efst uppi liefur Alþýðusamband
íslands skrifstofu sína.
Alt húsið er byggt úr járnbentri steinsteypu
og er einangrunarlag einfalt úr íslenzkum
vikurplötum í öllum útveggjum, en tvöfalt í
þaki. Hliðar hússins eru húðaðar með muln-
ingi úr kvarzi og hrafntinnu.
í húsnefndinni eru OddurÓlafsson, Ingimar
Jónsson og Jón A. Pétursson. Þeir hafa leyst
feikna starf af höndum. En aðalhvatamaður
þess, að nú var hafizt handa, mun hafa verið
prentari, Hallbjörn Halldórsson.