Morgunblaðið - 19.02.2009, Síða 14

14 FréttirINNLENT
MORGUNBLAÐIÐ FIMMTUDAGUR 19. FEBRÚAR 2009
Opið virka daga kl. 9-18
og lau. kl. 10-16
Laugavegi 20 - Sími 552 4320
www.brynja.is - brynja@brynja.is
Póstkassar
15% afsláttur
af póstkössum
í febrúar
Margar gerðir
FRÉTTASKÝRING
Eftir Sigrúnu Ásmundsdóttur
sia@mbl.is
KATRÍN Jakobsdóttir mennta-
málaráðherra hefur þegar svarað
bréfi Vilmundar Sigurðssonar, föður
fórnarlambs tilefnislausrar árásar í
Fjölbrautaskóla Suðurlands fyrir
um fjórum vikum, sem sagt var frá í
Morgunblaðinu í gær. Vilmundur
ritaði henni bréf nú fyrir stuttu þar
sem hann bað hana að beita sér í
máli sonar síns. „Hún er búin að
svara bréfinu og þetta er í form-
legum fasa í ráðuneytinu,“ segir Sig-
tryggur Magnason, aðstoðarmaður
Katrínar. „Það hefur verið haft sam-
band við [Örlyg Karlsson] skóla-
meistara og beðið um upplýsingar
um atvikið og viðbrögð skóla-
yfirvalda. Þetta er litið alvarlegum
augum, að sjálfsögðu,“ segir Sig-
tryggur.
„Vekur óhug“
Í svari Katrínar til Vilmundar seg-
ir m.a.: „Frásögn þín af þeim atburð-
um sem áttu sér stað í Fjölbrauta-
skóla Suðurlands og því ofbeldi sem
beitt var gagnvart […] syni þínum
vekja óhug. […] Ef skólameistari
hefur ekki brugðist við á réttan hátt
mun menntamálaráðuneytið að sjálf-
sögðu grípa til viðeigandi aðgerða.“
„Málið er í rannsókn,“ segir Þor-
grímur Óli Sigurðsson, aðstoðaryf-
irlögregluþjónn hjá lögreglunni á
Selfossi, um árásarmálið í FSu. Vil-
mundur kærði árásina á sínum tíma
til lögreglu, en Þorgrímur Óli segir
misjafnt hversu langan tíma rann-
sóknir taka. Í þessu tilfelli hafi þó
verið reynt að hraða ferlinu. „Það
þarf að kalla marga til, það eru hátt í
15 aðilar sem þarf að taka hérna í
skýrslutöku og þetta er komið lang-
leiðina,“ segir Þorgrímur Óli. Áætl-
að er að málinu verði lokið innan
þriggja vikna og þá verður það sent
til saksóknara til frekari ákvörð-
unar.
Aðspurður hvort árásin sé litin al-
varlegum augum svarar hann að svo
sé, eins og með allar árásir. „Auðvit-
að er það alltaf alvarlegt þegar fleiri
en einn ráðast að einum. Þannig að
það má segja að við höfum tekið
þetta fastari tökum þess vegna, til að
geta lokið þessu sem fyrst.“
Þorgrímur Óli kvað ekki hægt að
upplýsa um feril árásaraðilanna og
gætt væri jafnræðis í rannsókninni.
„Hún hefur gengið nokkuð vel og við
höfum tekið hana fram yfir aðrar
vegna þess hversu stór hópurinn er
sem þarf að ná utan um.“
Fram kom í máli lögfræðings FSu
í gær að innan skólans væri farið
með árásarmál þetta samkvæmt
stjórnsýslulögum. Í námsskrá fyrir
framhaldsskóla segir: „Veita skal
nemanda viðvörun áður en til refs-
ingar kemur nema brotið sé þess eðl-
is að því verði ekki við komið, svo
sem brot á almennum hegning-
arlögum …“ Þá segir jafnframt:
„Leitast skal við að afgreiða brot á
skólareglum með skjótum hætti.“
Andmælaréttur og rannsókn
Trausti Fannar Valsson, lektor við
lagadeild Háskóla Íslands, segir að
þegar vísað er í stjórnsýslulög með
tilliti til þess hvort vísa eigi nem-
endum úr skóla sé væntanlega verið
að vitna til andmælaréttar og þess
að rannsókn fari fram áður en nem-
anda sé vísað úr skóla. „Samkvæmt
lögum um framhaldsskóla á að fylgja
ákvæðum stjórnsýslulaga ef nem-
anda er vísað úr skóla í fleiri en einn
skóladag eða ef nemanda er meinað
að sækja kennslutíma í ákveðnu fagi
eða námsgrein um nokkurt skeið. Til
þess að taka svona íþyngjandi
ákvörðun, eins og að vísa nemanda
úr skóla, þarf að rannsaka málið með
fullnægjandi hætti samkvæmt 10.
grein stjórnsýslulaganna, og eftir at-
vikum að veita nemandanum and-
mælarétt áður en ákvörðunin er tek-
in. Það getur þá þýtt það að ekki sé
hægt að vísa nemanda samdægurs
úr skólanum heldur þurfi að leggja
grundvöll að ákvörðuninni. Svo væri
á síðari stigum hægt að vísa honum
úr skóla á grundvelli þessara at-
vika,“ segir Trausti Fannar. „Án
þess að ég þekki þetta einstaka mál
er ekkert í stjórnsýslulögum sem
bannar beinlínis að nemar séu reknir
úr skóla, en nemendur eiga rétt á því
að ganga í framhaldsskóla, eins og
grunnskóla, og það þarf að horfa til
þess líka,“ segir Trausti Fannar.
Morgunblaðið/Kristinn
Lögreglumál Árás hóps á nemanda í Fjölbrautaskóla Suðurlands er nú í rannsókn lögreglunnar á Selfossi. Áætlað er að ljúka málinu innan þriggja vikna.
Litið alvarlegum augum
 Menntamálaráðherra skoðar mál fórnarlambs tilefnislausrar árásar í FSu
 Hefur óskað eftir upplýsingum og gögnum frá skólameistara um málið
Þorlákur Helgason, framkvæmdastjóri Olweus-
áætlunarinnar á Íslandi, telur að leggja eigi fyrir einelt-
iskönnun í framhaldsskólum landsins með það að mark-
miði að taka upp áætlunina. „Það fer ekkert á milli mála
í mínum huga að framhaldsskólar á landinu ættu að taka
upp Olweus-kerfið,“ segir hann. Í skólum á landsbyggð-
inni, svokölluðum safnskólum, sé óhjákvæmilegt að
hópamyndun verði, sumir komi úr þekktu umhverfi en
aðrir komi sem gestir. „Þarna safnast mjög margt fólk
saman, þetta er ekki eins og hverfisskólar í Reykjavík þar sem allir fara
kannski í sama framhaldsskóla eða geta valið á milli.“
Hann segir engan framhaldsskóla á Íslandi hafa tekið upp áætlunina, en
einstaka kennarar hafi tekið upp hluta af henni á fyrsta árinu.
Þorlákur upplýsir að hann hafi verið nokkrum sinnum til skrafs og
ráðagerða í Fjölbrautaskóla Suðurlands. „Þau hafa verið að hugsa sinn
gang, hvað þau ætla að gera. Ég hef lagt að þeim að leggja fyrir einelt-
iskönnunina okkar, sem er mjög ítarleg, og ætti alveg að geta gengið
þarna,“ segir hann og bætir við að samsvarandi kannanir hafi verið lagðar
fyrir í Svíþjóð og Noregi.
Framkvæmi eineltiskönnun
FULLTRÚAR Faxaflóahafna og
Samtaka verslunar og þjónustu
(SVÞ) takast á vegna gjaldskrár-
hækkunar hafnanna. Andrés Magn-
ússon, framkvæmdastjóri SVÞ, segir
að Faxaflóahafnamönnum hafi verið
boðið á fund samtakanna í kjölfar yf-
irlýsingar sem samtökin sendu frá
sér vegna hækkunarinnar en þeir
ekki mætt.
Gísli Gíslason hafnarstjóri segir
fundartímann sem samtökin stungu
upp á ekki hafa hentað. Hann er
undrandi á að samtökin telji að hafn-
irnar eigi að taka á sig tekjutap þar
sem þær hafi skilað hagnaði upp á 725
milljónir króna árið 2007 og gert sé
ráð fyrir 200 milljóna hagnaði fyrir
árið í fyrra. „Hagnaðurinn fór í upp-
byggingu hafnarmannvirkja og er
ekki til. Hann liggur í bættri aðstöðu
fyrirtækjanna.“ Ekki sé gert ráð fyrir
200 milljóna króna hagnaði árið 2009,
eins og samtökin haldi fram, heldur
20. „Þetta þýðir að við erum að reyna
að halda sjó. Við rýrum handbært fé,
drögum úr framkvæmdum og grípum
til ýmissa aðgerða til að hagræða.“
Samtökin telja að hækkanir á vöru-
gjöldum fari beint út í verðlag og
leiða þannig til meiri verðbólgu. „Það
er mjög þungt í mörgum fé-
lagsmanna okkar vegna þessa máls,“
segir Andrés. Gísli segir óhætt að
fullyrða að þessi fjárhæð inn í verð-
lagið sé hverfandi. „Sem dæmi má
nefna að áhrif á olíuverð mælist á ein-
um til tveimur aurum á lítrann.“
Hafnirnar þurfi að halda úti eðlileg-
um rekstri þrátt fyrir samdrátt inn-
flutningi. gag@mbl.is
Ósáttir við
nýtt verð
hafnanna
Hafna að Faxaflóa-
hafnir auki verðbólgu
MIÐSTJÓRN Alþýðusambands Ís-
lands segir að ekki sé boðlegt að á
meðan hrikti í grunnstoðum sam-
félagsins og fjölskyldum og fyr-
irtækjum blæði, horfi þjóðin upp á
karp og hráskinnsleik á Alþingi sem
engu máli skipti og engu skili.
„Slík lítilsvirðing við þjóðina er
ekki líkleg til að auka tiltrú hennar á
stjórnmálamönnum en trúverðug-
leiki þeirra skiptir einmitt sköpum í
því endurreisnarstarfi sem fram-
undan er,“ segir ASÍ.
Í ályktun, sem samþykkt var á
miðstjórnarfundi ASÍ í gær, er skor-
að á Alþingi og ríkisstjórnina að
grípa þegar til markvissra aðgerða
til aðstoðar heimilum og fyrir-
tækjum í landinu.
Lítilsvirðing
við þjóðina
FULLTRÚAR F-listans í bæjarstjórn Garðs leggja
til að gengið verði til samninga við meðeigendur
sveitarfélagsins að hjúkrunarheimilinu Garðvangi um
að tillögum um endurbyggingu heimilisins verði hrint
í framkvæmd. Lagt er til að eigendurnir láni ríkinu
framlag þess, til þess að unnt verði að hefjast handa
sem fyrst, og að Garður yfirtaki eignarhluta þeirra
sem ekki vilja vera með.
„Það hefur legið lengi fyrir að rík þörf er fyrir lag-
færingar á Garðvangi,“ segir Einar Jón Pálsson, bæj-
arfulltrúi F-listans, um forsendur tillögunnar. Hann
vonast til að góð samstaða náist um málið í bæjar-
stjórninni enda hafi menn verið sammála um mikil-
vægi úrbóta. Tillögunni var vísað til bæjarráðs. Lauf-
ey Erlendsdóttir, forseti bæjarstjórnar, segir að
áhugi sé á því að stækka heimilið og hafi hugmyndir
um það verið til umfjöllunar á vegum bæjarstjórn-
arinnar.
Skortur er á hjúkrunarplássi á Suðurnesjum auk
þess sem húsakynni Garðvangs fullnægja ekki kröf-
um sem gerðar eru í dag, meðal annars um pláss fyr-
ir hvern heimilismann. Sveitarfélögin á Suðurnesjum
og Dvalarheimili aldraðra á Suðurnesjum náðu sam-
komulagi 2005 um að ráðist verði í endurbætur á
Garðvangi og að byggður verði fyrsti áfangi nýs
hjúkrunarheimilis á Nesvöllum í Reykjanesbæ. Ekki
hefur tekist að koma þessum hugmyndum í fram-
kvæmd, meðal annars vegna þess að vantað hefur
nauðsynlegar forsendur frá yfirvöldum, að sögn Finn-
boga Björnssonar, framkvæmdastjóra DS. Þá eru
þessar tvær framkvæmdir háðar hvor annarri. Í til-
lögu F-listans er gert ráð fyrir endurbótum á núver-
andi húsnæði og viðbyggingu. Kostnaður er áætlaður
550 milljónir kr. Miðað er við að ríkið greiði 80%.
Einar Jón segir að núna sé rétti tíminn til að hefja
hönnun og ráðast í framkvæmdir. Þetta sé manna-
flsfrek framkvæmd sem kæmi sér vel í því mikla at-
vinnuleysi sem væri á svæðinu. helgi@mbl.is
Bjóðast til að lána fyrir
endurbótum á Garðvangi
Kostnaður við endurbætur og viðbyggingu 550 milljónir kr.