Nýtt kvennablað - 01.01.1964, Page 10

í stórborginni Genf í Sviss sitja þrjár persónur í
einu hinna mörgu herbergja stofnunar alþjóða
heilbrigðismála, er hafa tekið sér fyrir hendur að
rannsaka með aðstoð margvíslegra hjálpargagna,
hvort fegurð geti orðið þeim konum, sem hafa
hlotið hana í vöggugjöf, til hindrunar eða fjötur
um fót (handicap). Þessar þrjár manneskjur bók-
faðra ÖIl sjálifsmorð og tilíraunir til sjálfsmorðn
víðs vegar í öllum heiminum. Hafa þær komizt á
snoðir um, að mjög fríðar konur verða oftar fyrir
barðinu á ógæfu og andstreymi en aðrar kynsystur
þeirra. Af 250 sjálfsmorðum kvenna í Evrópu árið
1960 voru 140, þ. e. 55 prósent framin af svonefnd-
um fögrum konum. En ef talað er um allan hnött-
inn, þá hafa samkvæmt upplýsingum lögreglunnar
í hverjum stað 800 konur af 1200, sem sviptu sig
lífi, verið ungar og fallegar.
Franskur þjóðfélagsfræðingur, Dick Simons að
nafni, hefur í heilt ár rannsakað efni, sem kann að
virðast þýðingarlítið, en sýnist þó eftir því sem
rannsóknunum miðar betur áfram verða æ skýrara:
Geta fagrar konur, eða hinar svokölluðu fegurðar-
dísir orðið hamingjusamar?
Simons hefur birt niðurstöður sínar í frönsku
tímariti. Hann hóf rannsóknirnar meðal stúdína í
Vesturheimi. Fyrstu niðurstöður hans voru þannig:
— Yfirburðir hinnar fögru stúdínu hverfa, er hún
hefur náð 17 ára aldri. Fram að honum hefur hún
oft forgangsrétt og er eftirsótt, en undir eins og
spurningin um alvöru og dýpri sjónarmið kemur
til skjalanna í sambandi við framtíðarhamingju,
þá hefur fríðleiksstúlkan ekki betri aðstöðu.
Simons hefur einnig komizt að svipuðum nið-
urstöðum innan fleiri þjóðfélagsflokka í Banda-
ríkjunum. Þegar konan er komin yfir tvítugt, þ. e.
þegar viðfangsefnin verða alvarlegri og spurningin
um framtíðina kemur til greina, þá verður fríð-
KVENLEG FEGURÐ 0GÆFA?
leiksstúlkan einatt eftirbátur, fer halloka. Um þessi
atriði hefur Simons safnað uggvænlegum sönnun-
um. Skólastýra ein við æðri kvennaskóla í Texas
afhjúpaði fyrir honum þá vitneskju, að við ráð-
leggingastöð, er hún hefur komið á fót, þar sem
sálfræðingar hafa það hlutverk að leiðbeina í hjú-
skapar-vandamálum, þá voru fríðleikskonur, sem
aðstoðar leituðu, í yfirgnæfandi meirihluta. — Það
virðist vera svo, mælti skólastýran, að fegurðin
auki á vandamál þeirra. Hinar ófríðari eru ánægð-
ar með maka sinn og berjast oft með oddi og egg
fyrir því að varðveita hjúskaparhamingju sína, en
fegurðardísirnar taka létt og kærulaust á öllu. Þær
hugsa sem svo: Glati ég einum, þá standa mér 10
aðrir til boða. Og að lokum glata þær sjálfum sér.
Þegar Birgitta Bardot gerði tilraun til sjálfs-
morðs fyrir ári síðan heimsótti Simons dr. Namin
lækni hennar, sem er kunnur sálsýkisfræðingur og
hefur lúxushæli í Nizza og hefur kynnzt fjölda geð
sjúkdómatilfella á Bláströndinni (franska Rivier-
an). — Birgitta Bardot, segir hann, þoldi ekki þá
aðdáun, sem henni hlotnaðist. Hún bugaðist í elt-
ingaleiknum við hamingjuna. Margar fagrar konur
hreppa svipuð örlög. Óvenjuleg líkamsfegurð krefst
af konunni sterkrar skapgerðar. Hafi hún ekki yfir
þeim þroska að ráða fer oft illa. Til mín hafa
leitað ýmsar hinna fegurstu kvenna, er sækja Blá-
ströndina heim. Þær hafa verið illa farnar, og mér
hefur ekki ávallt tekizt að bjarga þeim.
Simons þorði ekki að draga neinar fullnaðar-
ályktanir af þessari frásögn læknisins. Hann var
kominn til Frakklands og nú ákvað hann að halda
áfram rannsóknum sínum við frægasta tízkuhús
heimsins, nefnilega Dior í París. Um það bil um
15 ára skeið hafa starfað þar í kringum 30 sýning-
arbrúður. Árangurinn varð sem hér segir: Af 29
sýningarstúlkum, sem höfðu starfað við það að
sýna tízkuklæðnað frá Dior síðan 1947, eru 20 ógæfu-
samar, 14 þessara töfrandi fegurðardísa eru frá-
skildar eiginkonur, 5 eða 6 eru hamingjusamlega
giftar. Simons bar fram nokkrar spurningar fyrir
sumar þessara kvenna:
— Álítið þér, að þér hefðuð haft betra tækifæri
til þess að verða hamingjusamar til frambúðar, ef
þér hefðuð ekki haft svo óvenjulega líkamsfegurð?
NÝTT KVENNABLAÐ
8