Morgunblaðið - 10.09.2009, Page 19

Fréttir 19ERLENT
MORGUNBLAÐIÐ FIMMTUDAGUR 10. SEPTEMBER 2009
Eftir Boga Þór Arason
bogi@mbl.is
NEFND, sem er bresku ríkisstjórninni til ráð-
gjafar um aðgerðir til að draga úr losun gróð-
urhúsalofttegunda, hefur lagt til að lagðir verði
nýir skattar á flugfarmiða til að koma í veg fyrir
aukið farþegaflug, að sögn breska dagblaðsins
The Times.
Nefndin leggur til að skattarnir verði tiltölulega
lágir í fyrstu en hækki smám saman og verði að
lokum nógu háir til að þeir fæli fólk frá flugferð-
um. Markmiðið er að farþegaflugið verði ekki
meira en það var árið 2005.
Þróunarlöndum hjálpað
Gert er ráð fyrir því að skattarnir nemi tugum
milljarða punda og féð verði notað til að bæta þró-
unarlöndum skaðann sem þau verða fyrir vegna
loftslagsbreytinga í heiminum. Markmiðið er með-
al annars að hjálpa þróunarlöndum að byggja upp
flóðavarnir vegna hækkandi sjávarborðs.
Ráðgjafarnefndin var stofnuð samkvæmt lögum
sem sett voru á síðasta ári um ráðstafanir til að
stemma stigu við loftslagsbreytingum. Nefndin
hefur mikil áhrif á stefnu stjórnarinnar í umhverf-
ismálum.
Breska stjórnin hafði áður samþykkt tillögu
nefndarinnar um að Bretar skuldbyndu sig til að
minnka losun gróðurhúsalofttegunda um 80% fyr-
ir árið 2050. Nefndin vill nú að flugfélög verði
neydd til að leggja sitt af mörkum til að Bretar
geti náð þessu markmiði.
Vill skatta til að fæla fólk frá flugi
Í HNOTSKURN
» Nefndin segir að verðiekki dregið úr losun gróð-
urhúsalofttegunda vegna flug-
ferða geti koltvísýringslosun
flugvéla orðið um fimmtungur
af heildarlosuninni í heiminum
fyrir árið 2050.
» Verði tillagan samþykkt erlíklegt að hætt verði við að
fjölga flugbrautum Heathrow.
 Bresk nefnd leggur til auknar álögur til að koma í veg fyrir aukið farþegaflug
 Nota á skattféð til að bæta þróunarlöndum skaðann vegna loftlagsbreytinga
BRESKUR hermaður féll þegar
blaðamaðurinn Stephen Farrell var
frelsaður úr haldi mannræningja í
Afganistan í gær. Innlendur túlkur
Farrells lét einnig lífið í átökunum
og þrír aðrir afganskir borgarar.
Reiði er meðal almennings í landinu
vegna mannfalls í röðum óbreytta
borgara í átökunum við talíbana og
ekki bætir þessi aðgerð úr skák, að
sögn breska blaðsins Guardian.
„Hvers vegna skipulögðu þeir
ekki aðgerðina betur?“ spurði Barry
Salamm, ættingi túlksins sem hét
Mohammad Sultan Munadi. Salamm
gaf í skyn að líf Afgana væri talið
skipta minna máli en líf útlendinga.
Amin Mudaqiq, yfirmaður út-
varpsstöðvarinnar Radio Azadi í Ka-
búl, sagði að svo gæti farið að afg-
anskir fréttamenn efndu til
mótmæla vegna afdrifa túlksins.
„Þeir sem stóðu að björguninni virð-
ast hafa verið hirðulausir,“ sagði
hann í viðtali við Financial Times.
Unnu að frétt um árás á olíubíla
Farrell er reyndur blaðamaður og
hefur áður verið rænt, það gerðist í
Írak. Hann var í Afganistan á vegum
bandaríska blaðsins The New York
Times er honum var rænt ásamt
Munadi á laugardag.
Þeir voru þá í Kunduz í norður-
hluta landsins að vinna að frétt um
loftárás NATO á olíubíla sem talíb-
anar höfðu náð á sitt vald. Allt að 90
manns féllu, þ. á m. óbreyttir borg-
arar.
„Við vorum öll í herbergi, síðan
tóku talíbanarnir á rás. Þetta var
greinilega árás,“ sagði Farrell í
símaviðtali. „Við héldum að þeir
myndu drepa okkur. Við veltum því
fyrir okkur hvort við ættum að fara
út.“ Þeir hefðu afráðið að gera það,
Munadi hefði hrópað: „Blaðamenn,
blaðamenn“ en verið skotinn.
Farrell sagðist ekki vita hver
hefði skotið Munadi; hann hefði
heyrt í bæði Afgönum og Bretum í
kúlnahríðinni. kjon@mbl.is
Blaða-
maður
frelsaður
Reuters
Hryggð Ættingjar stumra yfir líki
afganska túlksins Munadis í gær.
Afganskur túlkur
og Breti féllu