Norðurland - 11.06.1986, Blaðsíða 2

Norðurland - 11.06.1986, Blaðsíða 2
-¦ -: ¦ ¦¦¦ ¦¦ ¦ * "¦¦¦' ' '¦.".' ¦'.¦¦¦ ;:¦¦: :- ¦' ¦ ¦ : Nokkur orð um söfnin á Akureyri £%&í;&&^ . . ¦:.. ¦ ... . ¦.... Davíðshús á Akureyri. Skáldahúsin á Akureyri eru þrjú. Davíðshús, Nonnahús og Sigurhæðir þar sem Matthías Jochumsson bjó frá árinu 1903 fram til dauðadags árið 1920. I dag standa þessi hús að mestu leyti ónotuð. Þetta eru líflausir minnisvarðar sem opnaðir eru forvitnum ferðamönnum yfir blá sumarið. Davíð Stefánsson skáld frá Fagrskógi lét reisa hús sitt við Bjarkarstíg og flutti í það árið 1944. Þar bjó hann fram til ársins 1964 að hann lést. I Davíðshúsi eru húsmunir skáldsins og bækur í því formi sem hann skildi við það. Þar hefur engu verið haggað. Bókasafn Davíðs er mikið að vöxtum og eitt hið vandaðasta og verðmætasta sem til er í landinu. Eftir lát Davíðs komu fram raddir um að stofna til minning- arsafns um hann og tryggja að bókasafn hans héldist í bænum. Var í fyrstu gert ráð fyrir að komið yrði upp sérstökum minningarsal í Amtsbókasafn- inu, þar sem bókum hans og húsbúnaði yrði komið fyrir, en Davíð var um aldafjórðungs skeið bókavörður og forstöðu; maður Amtsbókasafnsins. I þessum tilgangi keypti Akur- eyrarbær bókasafn Davíðs haustið 1964, en erfingjar hans gáfu alla húsmuni skáldsins. Um sama leyti hófu ýmsir vinir og velunnarar Davíðs að safna fé til kaupa á húsi hans sem þeir töldu eðlilegast að geymdi minningarsafnið. Stóð Þórarinn Björnsson skólameist- ari einkum fyrir þeirri söfnun, og tókst á nokkrum mánuðum að afla nægilegs fjár til að kaupa húsið. Það var síðan afhent Akureyrarbæ með þeim til- mælum að þar yrði sem minnstu raskað. Var safnið opnað al- menningi 1. ágústsumarið 1965. Sama ár- var kosin þriggja manna stjórn sem hafa skyldi umsjón með safninu. I henni áttu sæti Þórarinn Björnsson skólameistari, Stefán Reykjalín trésmíðameistari og Stefán Stefánsson bæjarverkfræðingur. Bækur og listaverk óskrásett I tillögum gefenda hússins var einnig lagt til að ráðinn yrði safnvörður og bókasafn Davíðs skrásett. Hvorugt hefur bæjar- yfirvöldum þótt ástæða til að gera. I húsinu er einnig fjöldi merkra listaverka sem eru í eigu Akureyrarbæjar. Þau eru lika óskrásett. PISTILLINN Iengst af hefur Kristján Rögnvaldsson garðyrkjumaður annast gæslu í safninu og í raun verið safnvörður hússins. Hann hefur líka annast viðhald á lóðinni umhverfís það af al; kunnri natni ogsamviskusemi. í kjallara hússins er lítil íbúð sem var leigð út fyrst eftir að safnið var stofnað, en undanfarin ár hefur Amtbókasafnið fengið að geyma þar bækur. Oft hefur verið rætt um að tengja Davíðshús formlega við Amtbókasafnið í þeim tilgangi að samnýta bækur þessara safna, en af því hefur enn ekki orðið. Einnig hefur sú hugmynd komið fram að gera Davíðshús að einhvers konar fræðasetri sem væri mjög í anda skáldsins og ýmissa ættmenna hans. Ekkert hefur orðið af því. Síðan 1965 hefur Davíðshús því fengið að standa lokað mestan hluta ársins, bækurnar í bókasafninu ekki verið lesnar og listaverkin mátt bíða árlangt eftir aðdá- endum. Safnamál í ólestri 20. janúar sl. barst Bæjarráði Akureyrar bréf sem undirritað var af þeim Stefáni Stefánssyni, Stefáni Reykjalín og Kristjáni Rögnvaldssyni. Þar gera þeir nokkra grein fyrir hugmyndum sínum um rekstur Davíðshúss. Bæjarráð hefur ekki enn tekið bréfið til afgreiðslu og verður það því ekki birt hér í heild sinni. Þó eru þar nokkur atriði sem vert er að vekja athygli á. Þeir þremenningar leggja til að Davíðshús verði rekið sem deild í Amtbókasafninu og efri hæð hússins opin almenningi eins og verið hefur. Munir og bókasafn á aðalhæð skal varð- veitt eins og það nú er, en bóka- safnið skráð samkvæmt skrán- ingarreglum um bókasöfn. Amtsbókasafnið feli ákveðnum starfsmanni sínum, bókaverði eða fræðimanni, umsjón með bókasafninu og Davíðshúsi en bókaskrá yfir Davíðssafn verði aðgengileg almenningi í Amts- bókasafninu. Síðan er lagt til að Amtsbóka- safnið rými kjallaraíbúð hússins hún lagfærð og endurbætt og búin góðri aðstöðu til fræði- starfa í tengslum við Davíðshús og Amtbókasafnið, þar sem gestir geti fengið tímabundið afnot af húsnæðinu til fræði- og ritstarfa. Vonandi verður ekki langt að bíða þess að bæjaryfirvöld sjái sóma sinn í því að bæta úr safna- málum Akureyrar sem hafa verið í miklum ólestri um langan tíma. Staðir eins og Húsavík og Dalvík hafa sín listasöfn. Akur- eyri ekki. Það er orðið meir en aðkallandi að byggt sé við Amt- bókasafnið og einnig að komið sé upp bókasafni í Glerárhverfi. í framtíðinni ætti Amtsbóka- safnið að þjóna sem alhliða menningarmiðstöð og þar eiga bækur Davíðs Stefánssonar heima. En meðan við bíðum eftir kraftaverkinu, er full ástæða til að gera þrennt, hvað Davíðshús varðar. * Láta skrá bókasafnið. * Láta skrá listmuni. * Rýma kjallaraíbúð og bjóða hana skáldum, fræðimönnum og rithöfundum til afnota í afmarkaðan tíma. Með því væri minningu Davíðs betur haldið á lofti, heldur en læsa af þá hluti sem honum voru kærastir. Hann ætlaðist aldrei til þess að hús sem við hann er kennt yrði að musteri dauðans. GA Vinstri sveifla - hægra bakslag Og þá er nú þessar blessaðar kosningar afstaðnar, farsællega, fyrir land og þjóð. Ekki er hægt að segja annað en að þær hafi farið vel þegar allt kemur til alls. Allir unnu og enginn tapaði samkvæmt yfirlýsingum foringjanna að fengnum úrslitum. Að visu misstu hægri öflin, framsókn og íhald, mikið fylgi og þar með fulltrúa á einum 20 - 30 stöðum á landinu - en það er víst ekki kallað tap á fagmálinu - heldur varnarsigur. Hér í lognmollunni okkar á Akureyri fóru allt í einu að gerast undur og stórmerki. Þó segja megi að framsókn gamla eigi kaupfélagið og sambandið - og þar með bæinn - virðist hún ekki eiga fólkið. Framsókn er nú allt í einu orðin næstminnsti flokkurinn á Akureyri með skitna tvo fulltrúa í bæjarstjórn og er af sem áður var. íhaldið hélt í sína fjóra fulltrúa - enda ekki íhald fyrir ekki neitt og Allaballarnir náðu öðrum fulltrúanum sem kvennaframboðið hafði að láni síðasta kjörtímabil. En rúsínan í pylsuendanum voru svo auðvitað kratarnir eins og svo oft áður. Þeir unnu hinn kvennaframboðsfulltrúann og svo einn fulltrúa frá framsókn í viðbót - að vísu alveg óvart og óviljandi. Urðu þá margir slegnir og undrandi en þó enginn meira en krat- arnir sjálfir. Þegar allt hafði nú verið kyrf ilega talið og öll kurl til grafar komin var byrjað að huga að hinum ýmsu möguleikum til myndunar meirihluta í bæjarstjórninni okkar. Og þá sýndu nú kratamir eins og svo oft áður mikið snarræði og diplómatí. Einn síðdegis- fundur með íhaldinu og allt var klappað og klárt. Framtíð bæjarins okkar var borgið og verður í góðum höndum a.m.k. næstu fjögur árin. Tímamótamarkandi samkomu- lag náðist og er það á þá leið að krati verður bæjarstjóri og íhaldsmaður forseti bæjar- stjórnar. Um önnur mál þurfti ekki að ræða enda eru aðilar sennilega sammála um þau í stórum dráttum - og svo skipta þau auðvitað svo óendanlega litlu máli í samanburði við hitt. Og nú eru allir glaðir og ánægðir í bænum okkar nema nokkrar nöldurskjóður í Allaballanum sem tönnlast á því að veruleg vinstrisveifla hafi orðið í þessum kosningum og þvi hefði átt að spila öðruvísi úr þeim trompum sem vinstri flokkarnir höfðu á hendi. En nú vitaalliraösveiflureru óþægilegar og því eigum við bara að vera þakklát blessuðum krötunum fyrir það að hafa tekið svéifluna af - og breytt henni í hægra bakslag með því að ganga í eina sæng með íhaldinu í bæjarstjórninni á Akureyri. T. 2 -jjrwíMÍRLAND

x

Norðurland

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Norðurland
https://timarit.is/publication/784

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.