Monitor - 18.11.2010, Blaðsíða 10

10 Monitor FIMMTUDAGUR 18. NÓVEMBER 2010
Fyrir þá sem hafa aldrei komist í splitt, hversu
stór titill er það að verða Evrópumeistari í
fimleikum?
Ég held að nafnið á titlinum segi það bara sjálft.
Þetta er svolítið stórt.
Gréstu af gleði þegar þið unnuð?
Já, ég verð að viðurkenna það. Ég held að allar
í liðinu hafi farið að grenja. Við erum búnar að
vera í þessu síðan 2004 og ég hef aldrei upplifað
svona góða liðsheild. Þetta var frábært.
Getum við hætt að pæla í handboltalandslið-
inu? Er fimleikalið Gerplu orðið „stelpurnar
okkar“?
Klárlega. Það er miklu flottara að taka gull á
Evrópumóti en eitthvað silfur.
Þið bíðið væntanlega eftir Fálkaorðunni?
Þegar maður hugsar um þessa Fálkaorðu finnst
manni hún frekar fjarlæg. Í rauninni skiptir hún
mann þannig séð ekki miklu máli því við erum
búnar að taka titilinn sem við vildum. En fyrst
silfurstrákarnir fengu Fálkaorðuna af hverju ættu
gullstelpurnar ekki að fá hana líka?
Hvað er svona skemmtilegt við fimleika? Seldu
okkur það að byrja að æfa fimleika í nokkrum
orðum.
Þú kemst í splitt! Nei, þetta er bara rosalega
fjölbreytt og alhliða íþrótt og ef þú vilt verða
góður í einhverri íþrótt þá er þetta grunnurinn.
Þú þarft í raun allt í fimleikum, liðleika, styrk,
snerpu og allt. Það er mikill agi í þessu og svo er
bara gaman að henda sér í þessi heljarstökk. Í
okkar tilviki er félagsskapurinn líka stór partur
af þessu.
Eru til einhverjar fimleikastjörnur? Er einhver
Tiger Woods fimleikanna?
Nei, ekki beint. Ekki í hópfimleikum.
Fimleikafólk er ekkert að rústa hótelherbergjum
og sofa hjá vændiskonum eða –körlum?
Maður heyrir ekki mikið um það. Ætli það sé
ekki bara aginn sem maður fær í fimleikum.
Kærastinn þinn er Kári Ársælsson, fyrirliði
knattspyrnuliðs Breiðabliks, sem varð Íslands-
meistari í haust. Er þinn titill ekki flottari?
Ég er búin að fá þessa spurningu hundrað
sinnum og það er búið að reyna að toga þetta
upp úr mér. Mér finnst minn alls ekki merkilegri.
Það er bara ekki hægt að bera þessa titla saman.
Gerpla er Evrópumeistari, Breiðablik Íslands-
meistari, Hjörvar Hafliðason er kominn með
sjónvarpsþátt og Blaz Roca er risinn upp frá
dauðum. Hvað er að gerast í Kópavogi?
Það er bara sprenging í Kópavogi. Við ætlum að
taka yfir Ísland. Er ekki miðpunktur höfuðborg-
arsvæðisins hjá Smáralindinni og þar? Næst á
dagskrá er að Kópavogur verði höfuðborg Íslands.
Aldur: 24 ára. Hjúskaparstaða: Í sambúð. Uppruni: 101 Reykjavík.
herbergjum
Á
U
P
P
L
E
IÐ
Evrópumeistari í hópfimleikum með Gerplu
Of öguð
til að rústa
hótel-
Ásdís Guðmundsdóttir
Mynd/Eggert