SunnudagsMogginn - 16.01.2011, Blaðsíða 8
8 16. janúar 2011
Varla mátti á milli sjá hvor þeirra varmaður leiksins á Emirates-leikvang-inum í Lundúnum um liðna helgi, þarsem heimamenn í Arsenal sluppu
fyrir horn gegn baráttuglöðu og vel skipulögðu
B-deildarliði Leeds United. Schmeichel varði
eins og berserkur og Bruce tæklaði allt sem
hreyfðist, jafnvel samherjana flæktust þeir fyrir.
„Svo virðist sem þessi tvö nöfn ætli að gera mér
lífið leitt til eilífðarnóns,“ sagði Arsène Wenger,
knattspyrnustjóri Arsenal, stúrinn eftir leikinn.
Já, sannarlega déjà vu hjá þeim franska, eini
munurinn var sá að núna voru þetta ekki Peter
og Steve, heldur synir þeirra Kasper og Alex.
Það er ofmælt að Kasper Schmeichel og Alex
Bruce séu föðurbetrungar en af bikarleiknum um
síðustu helgi að dæma eru þeir á hraðri uppleið.
Með fingurgómamarkvörslunni frá Denílson í
uppbótartíma sýndi Kasper og sannaði að hann
getur ráðið úrslitum í leikjum eins og karl faðir
hans gerði svo oft á sinni tíð. Það er heldur ekki
ofsögum sagt að Alex Bruce sé ódrepandi, í tví-
gang fór hann í grasið vegna áverka á hné í fyrri
hálfleik en stóð í bæði skiptin upp aftur og klár-
aði leikinn. Hafi tuðran verið býfluga var hann
hunangið. Engri gerð leikmanna unna Englend-
ingar heitar en þeirri sem gefst aldrei upp – ekki
undir neinum kringumstæðum.
Það urðu fagnaðarfundir þegar Schmeichel og
Bruce gengu báðir til liðs við Leeds United síð-
astliðið sumar. Sá fyrrnefndi frá Notts County en
Bruce frá Ipswich Town. Sem ungir drengir voru
þeir samskælingar í Manchester, léku sér saman
á sparkvellinum eftir skóla og fylgdust með
feðrum sínum gera garðinn frægan í Leikhúsi
draumanna um helgar. Peter Schmeichel og
Steve Bruce voru sem kunnugt er báðir í liði
Manchester United sem endurheimti enska
meistaratitililinn eftir 26 ára bið árið 1993.
Bruce, sem leitt hafði liðið mestallan veturinn,
hóf þá bikarinn langþráða á loft ásamt fyrirlið-
anum Bryan Robson. Bruce yfirgaf United
þremur árum síðar en Schmeichel linnti ekki
látum fyrr en sjálfur Evrópubikarinn (og vita-
skuld þrennan) var kominn í örugga höfn 1999.
Velt upp úr faðerni sínu
Alex Bruce, 26 ára, gekk í ungmennaakademíu
Manchester United en var leystur undan samn-
ingi aðeins sextán ára. Þá lá leiðin til Blackburn
Rovers, þar sem honum var einnig ofaukið.
Fyrsta deildarleikinn lék Bruce sem lánsmaður
hjá Oldham Athletic áður en faðir hans fékk
hann til Birmingham City árið 2005 en hann rak
trippin þar á þeim tíma. Bruce skaut ekki rótum
á St. Andrews enda var honum stöðugt velt upp
úr faðerni sínu. Hann var til skemmri tíma lán-
aður til þriggja félaga áður en menn komust að
þeirri niðurstöðu að það væri beggja hagur að
hinn ungi Bruce fyndi sér nýtt félag.
Þá kom Ipswich Town inn í myndina. Þar fékk
Bruce loksins tækifæri til að láta ljós sitt skína,
lék á annað hundrað leikja á árunum 2006 til 10.
Bruce var fljótur að safna tíu gulum spjöldum hjá
Ipswich sem þykir klárt merki um karlmennsku
þar um slóðir og var í miklu uppáhaldi hjá
stuðningsmönnum liðsins upp frá því. Ekki
skemmdi það heldur fyrir að Bruce er jafnvígur á
ýmsar stöður á vellinum, svo sem bakvörð og
miðvelling enda þótt hann kunni best við sig í
miðju varnarinnar – eins og pabbi gamli.
Á síðastu sparktíð lenti Bruce upp á kant við
þáverandi knattspyrnustjóra Ipswich, gamla
liðsfélaga föður síns, Roy Keane, og var í kjölfar-
ið lánaður til Leicester City. Þegar Leeds kom inn
í myndina síðastliðið sumar þurfti Bruce ekki að
hugsa sig um tvisvar. Hann hefur verið inn og út
úr liðinu á leiktíðinni en hlýtur að hafa fest sig í
sessi við hlið Andys O’Briens eftir þessa varga-
framgöngu á Emirates.
Kasper Schmeichel, 24 ára, var upphaflega á
mála hjá Manchester City en var lánaður til Dar-
lington, Bury og Falkirk áður en honum var hent
út í djúpu laugina í upphafi tímabilsins 2007-08.
Ungi maðurinn fór vel af stað hjá City en varð að
láta í minni pokann fyrir Joe Hart og Shay Given.
Enn var hann lánaður, nú til Cardiff og Cov-
entry, áður en Notts County, sem þá lék í D-
deildinni, festi kaup á honum sumarið 2009. Þar
var Schmeichel aftur kominn í læri hjá Sven-
Göran Eriksson. Allt gekk honum í haginn hjá
County, sem vann sér sæti í C-deildinni sl. vor.
Að því búnu þurfti hins vegar að leysa Schmeic-
hel undan samningi af fjárhagsástæðum.
Fjöldi félaga sýndi Dananum áhuga í fram-
haldinu en Leeds hreppti að endingu hnossið. Ef
frá eru talin meiðsli, sem héldu Schmeichel utan
liðsins í tæpa tvo mánuði, hefur hann þótt leika
býsna vel. Eflaust er það bara upptakturinn.
Synir
feðra
sinna
Schmeichel og
Bruce leika á als
oddi hjá Leeds
Peter Schmeichel á hátindi ferils sín hjá Man. United.
Vikuspegill
Orri Páll Ormarsson orri@mbl.is
Steve Bruce er nú knattspyrnustjóri Sunderland.
Kasper Schmeichel hefur stóra hanska að fylla. Alex Bruce hefur víða komið við á sínum ferli.
Þótt ótrúlegt megi virðast lék Steve Bruce, einn af
merkustu miðvörðum sinnar kynslóðar, aldrei lands-
leik fyrir hönd Englands. Hápunkturinn á landsliðs-
ferli kappans var leikur með B-landsliði þjóðar sinnar
árið 1987. Fyrir honum þvældust menn á borð við
Terry Butcher, Des Walker, Martin Keown og Tony
Adams, að ekki sé talað um gamla United-félagann,
Gary Pallister, sem þó lék ekki nema 22 landsleiki.
Þegar er ljóst að Alex Bruce mun ekki heldur verja
heiður Englands á velli. Hann á nefnilega írska ömmu
og kaus um árið að leika fyrir Írland. Raunar var
Norður-Írland líka inni í myndinni. Alex lék sinn fyrsta
landsleik gegn Ekvador árið 2007 en hefur aðeins
náð að bæta einum leik til viðbótar í safnið.
Peter Schmeichel er vitaskuld fremsti markvörður
Dana, lék 129 landsleiki á árunum 1987 til 2001.
Toppurinn á landsliðsferli hans var sigurinn á Evr-
ópumóti landsliða í Svíþjóð 1992, þar sem Danir
komu inn bakdyramegin vegna skálmaldarinnar í
gömlu Júgóslavíu. Þess má til gamans geta að Peter
hefði hæglega getað leikið fyrir Pólland en sem
kunnugt er á hann þarlendan föður.
Kasper Schmeichel hefur leikið með yngri lands-
liðum Dana en á enn eftir að leika A-landsleik. Þegar
hann sló í gegn í sínum fyrstu leikjum með Man-
chester City kom upp sú umræða að útvega honum
enskt ríkisfang sem hefði verið auðsótt, þar sem
Kasper hefur mestalla ævi búið í Englandi og talar að
sögn dönsku með sterkum enskum hreim. Hann sló
þó strax á þessar raddir sjálfur með yfirlýsingu þess
efnis að hann myndi aldrei leika fyrir aðra þjóð en
Danmörku. Hann stefnir ótrauður á A-landsliðið og
lýsti því yfir í viðtali á dögunum að hann vonaðist til
að Morten Olsen landsliðseinvaldur færi nú að veita
sér aukna athygli vegna framgöngunnar hjá Leeds.
Pólland um Danmörku frá Englandi til Írlands
Peter með Kasper.Steve með Alex ungan.
Peter Schmeichel og
Steve Bruce eru ekki
einu
menn-
irnir úr
meist-
araliði
Man-
chester
United
1993
sem eiga syni sem
hafa fetað í fótspor
þeirra. Miðvelling-
urinn knái Paul Ince
á það líka. Pilturinn
heitir Thomas og
verður nítján ára í lok
mánaðarins. Hann
er samningsbundinn
Liverpool en hefur
verið í láni hjá Notts
County – þar sem
faðir hans ræður ríkj-
um.
Thomas Ince
Sonur
Ince að
koma til
ÞORRINN 2
011
Þorrahlaðborð
– fyrir 10 eða fleiri –
1.990
kr. á mann
www.noatun.is