SunnudagsMogginn - 16.01.2011, Blaðsíða 29

16. janúar 2011 29
mjög spennandi og allt annað en leiðinlegt.“
Þú segist vera pólitískur, ertu vinstrisinn-
aður?
„Ég er sósíaldemókrati, eins og við erum flest,
við göngumst bara misjafnlega við því. Þeir sem
eiga peninga vilja ekki vera sósíaldemókratar því
þeir vilja endilega fá að komast fram fyrir röðina
á spítölunum. Ef þeir ættu ekki peninga væri við-
horf þeirra annað. Mér hefur alltaf fundist Ísland
of lítið land fyrir stéttaskiptingu, við erum of fá
til að allir fái ekki sömu möguleikana á góðri
heilsugæslu og ódýrri menntun. Kommon! Og
kommon, skilanefndir. Ekki setja tóninn fyrir hið
nýja Ísland eins og þið eruð að gera með því að
rukka himinhá laun. Þið eruð ekki svona spes.
Ekki missa alla tengingu við raunveruleikann þó
þið vinnið með peninga. Farið bara heim að lesa
bókmenntir og mæta á íþróttaæfingar með börn-
unum ykkar.“
Ætla að skrifa meira fyrir börn
Þú ert leikari, leikstjóri og skrifar barnabækur.
Er eitthvað af þessu sem skiptir þig meira máli
en annað?
„Ég lærði að leika og mig langar alltaf að leika.
Með því að leika í áramótaskaupinu fékk ég útrás
fyrir leikaraþörfina sem er kannski ein ástæða
þess að mér tókst vel upp. Ég fór út í leikstjórn af
tilviljun en það starf á vel við mig. Mér finnst
gaman að skipta mér af öllum sköpuðum hlutum
í leikhúsinu. Mér finnst ég ekki hafa skrifað nóg
og ætla að breyta því. Ég ætla að skrifa meira fyr-
ir börn. Mér finnst ég geta það.
Fyrir nokkrum árum skrifaði ég tvær barna-
bækur um Gogga og Grjóna og bók um Grýlu sem
fengu góðar viðtökur. Fyrir jólin skrifaði ég
barnabók með Björgvini Franz Gíslasyni, Nornin
og dularfulla gauksklukkan, sem er æv-
intýrasaga. Núna er miklu meira að gerast í
barnaútgáfu en þegar ég sendi frá mér fyrri
barnabækurnar, það eru fleiri titlar og fleiri góð-
ar bækur á markaði. Maður þarf að bretta upp
ermarnar ef maður ætlar að vera með í þeirri
keppni. Hins vegar verð ég að kvarta undan við-
brögðum bókmenntagagnrýnenda og fjölmiðla-
manna við barnabókum. Barnabækur fengu hver
um sig dóma upp á fimm línur í blöðunum. Það
var eins og þær skipti engu máli. Af hverju er
ekki einn af þessum blaðakálfum settur undir
nýjar íslenskar barnabækur? Ég bara skil þetta
ekki.
Ég ætla að vera með aðra bók um næstu jól.
Mig hefur lengi langað að skrifa bók um fótbolta-
mót sem eru oft mjög dramatísk fyrir börnin og
suma foreldra sem dragast mikið inn í keppnina.
Svo er á dagskrá að skrifa barnaleikrit með Felix
Bergssyni. Við höfum unnið mikið saman og
bætum hvor annan upp. Hann er agaðri en ég og
ég græði mikið á því. Takk, Felix.“
Heillandi börn
Þú vinnur oft í samstarfi við aðra, til dæmis við
konuna þína Björk Jakobsdóttur sem er leikona
og Felix Bergsson og fleiri. Á samvinna vel við
þig?
„Ég er bestur í tvímenningi þar sem maður
getur þróað hugmyndir með öðrum. Þetta stafar
sennilega af því að ég er tvíburi og hef aldrei ver-
ið einn. Það er mjög gaman þegar maður hittir á
góða samstarfsmenn eins og Felix Bergsson og
Björgvin Franz Gíslason. Svo er konan mín,
Björk, frábær samstarfsfélagi og mér finnst ákaf-
lega gott að ræða við hana um það sem ég er að
gera.“
Þú sást um barnatíma sjónvarpsins í tvö ár
ásamt Felix og hefur skrifað barnabækur. Hvað
er svona heillandi við börn?
„Það vita allir hvað er heillandi við börn. Þau
eru svo hreinar manneskjur, það er svo lítið búið
að eyðileggja þau. Þau eru hreinskilin og oft er
sagt að þau séu erfiðustu áhorfendurnir í leikhúsi
en á sama tíma eru þau bestu áhorfendurnir því
maður veit strax hvort eitthvað hefur mistekist
eða er frábært. En þetta er ekki alveg svona ein-
falt því börn eru líka mjög meðvirk og vilja að
öllum líði vel, líka leikurunum á sviðinu.
Í sumar fór ég á barnasýningu í Edinborg en
þar voru tveir náungar með ævintýralega
skemmtilega sýningua. Ég hef aldrei áður séð
börn hegða sér í leikhúsi, eins og gerðist þarna.
Þau hlógu svo mikið að þau fengu hiksta og urðu
sveitt, hrópuðu með og fengu að kasta hlutum til
og frá. Þetta var alveg stórkostlega gaman. Ég hló
eins og vitleysingur en breskir foreldrar voru
ekki alveg að kveikja á verkinu og sneru sér við
til að horfa á mig, fullorðna manninn sem
skemmti sér næstum jafn vel og börnin. Svona
stemning næst ekki í fullorðinsleikhúsi.“
Hefurðu varðveitt það barnslega í þér?
„Ég passa vel upp á það og leik mér oft við
strákana mína. Ég reyni að vera eins opinn og
börn eru en það gengur misvel því manni hættir
til að vera fordómafullur og neikvæður þegar
maður verður fullorðinn.“
Nægar hugmyndir
Þú ert ekki í föstu starfi sem listamaður, hef-
urðu aldrei áhyggjur af atvinnuöryggi?
„Í eitt og hálft ár var ég fastráðinn við Latabæ
og það var ákveðin festa að vera í Stundinni okk-
ar í tvö ár. En þess utan hafa verkefnin ekki verið
föst í hendi. Það tók nokkurn tíma að venjast
þessu óöryggi. Afkomuóttinn lætur alltaf á sér
kræla. Við hjónin erum mjög sparsöm og eyðum
litlu og um leið og það kemur inn peningur þá
leggjum við hann til hliðar því eftir hálft ár verða
kannski engin laun. Það er reyndar langt síðan
það hefur verið þannig en við munum vel eftir
því. Á tímabili var maður í vissum vítahring.
Fyrri hluta árs var maður að vinna fyrir sum-
arfríinu og setti ekki allan aukapeninginn í skatt-
inn. Í ágúst kom skatturinn svo í hausinn á
manni og þá varð maður að vinna fyrir skattinum
allan veturinn fram að áramótum. Þetta var
hrikalegt. Fyrir vikið hef ég lagt mikið upp úr því
að kenna börnunum mínum fjármálalega ábyrgð.
Það verður ekki undan sumu vikist. Á morgun
þarftu að borga skatta af peningunum sem þú
eyðir í dag.“
Hvað er framundan, annað en að skrifa
barnabók?
„Ég er að leikstýra Draumi á Jónsmessunótt
fyrir Herranótt Menntaskólans í Reykjavík. Þetta
verður fjórða Shakespeare-sýning vetrarins. Þar
er ég svo heppinn að fá að vinna með leikurum
framtíðarinnar, sem hafa mikinn áhuga á Shake-
speare. Svo er ég hluti af teymi sem rekur Gafl-
araleikhúsið í Hafnarfirði. Við fengum leikhús til
umráða og fjárstyrk frá Hafnarfjarðarbæ til að
reka húsið. Nú er komið að því að sækja um styrk
til leiklistarráðs til að koma sýningum á fjalirnar.
Vonandi fáum við þennan styrk. Ekki vantar
hugmyndirnar. Það kemur í ljós á næstu vikum
hvernig næsti vetur verður, en eins og er þá er ég
ekki með vinnu lengur en fram í lok febrúar. En
það kemur alltaf eitthvað!“
Morgunblaðið/Golli
Gunnar Helgason: „Það hefur
aldrei þótt eins fínt að vera
húmormegin og fýlumegin,
sem er mjög skrýtið.“
’
En að sjálfsögðu finnst mér óskaplega gam-
an að lifa. Enda sérðu það að þeir sem telja
að lífið sé ekki skemmtilegt eða bara alveg
ömurlegt eiga varla aðra leið en að leita sér að-
stoðar, fara á lyf eða til sálfræðings. Ég þarf
ekki að takast á við það, sem betur fer.“