SunnudagsMogginn - 24.04.2011, Qupperneq 4
4 24. apríl 2011
„Ég myndi segja að endurútreikningur
á húsnæðislánum gangi vel miðað við
okkar áætlanir,“ segir Una Steins-
dóttir framkvæmdastjóri viðskipta-
bankasviðs Íslandsbanka.
„Við erum að vinna í fjölda samn-
inga, höfum lokið við bílalánin og er-
um komin vel á veg með húsnæð-
islánin og áætlum að ljúka þeim að
stærstum hluta í lok maí, en verðum
að vinna að flóknum samningum inn í
júní. Það hefur komið fram að við
göngum ögn lengra en lögin segja, fjöldi samn-
inga er því upp undir 4 þúsund og meðallækkun
um 40%.“
Hún segir það hafa legið ljóst fyrir í desember,
þegar lögin voru sett, að Íslandsbanki yrði seinni
en aðrir bankar. „Við vissum þá að við myndum
ekki getað lokið við samningana í febrúar, en sú
tímasetning er í frumvarpinu. Það spilar líka inn í
að við göngum lengra en lögin kveða á um, þar er
fyrst og fremst talað um lánsasamninga með veði
í eigin húsnæði og lán sem falla undir skilgrein-
ingu um vaxtabætur, en við setjum það ekki fyrir
okkur. Auk þess vorum við með
tugþúsundir bílalánasamninga,
það veldur meira álagi hjá okk-
ur.
Hún segir eitt að endurreikna
lánin og annað að ganga frá
uppgjör við viðskiptavini. „Tölur
hjá okkur sýna að innan við 30
til 40% af þeim sem hafa fengið
sinn endurreikning birtan í net-
banka hafa gengið frá sínum
málum. Við hvetjum við-
skiptavini til að koma í útibúin og höfum frá upp-
hafi haft ákvæði í okkar samningum um betri
rétt, það er að viðskiptavinir muni alltaf njóta
þess ef í ljós kemur að réttur þeirra sé meiri en
samningarnir kveða á um. Við bjóðum einnig upp
á önnur úrræði, eins og 110% leiðina og höfuð-
stólslækkun og geta viðskiptavinir valið það sem
er hagkvæmast fyrir þá. En það hefur verið um-
ræða í þjóðfélaginu um óvissu, sem hefur truflað
ákvarðanir hjá fólki. Það er engum gott að þetta
taki langan tíma, hvorki viðskiptavinum né bönk-
unum.“
Ákvæði um betri rétt viðskiptavina
Una Steinsdóttir
E
nn er unnið að endurútreikningi á
húsnæðislánum þúsunda heimila, en
áður en dómur Hæstaréttar féll voru
37 þúsund heimili með gengistryggt
lán í einhverju formi og 9% heimila með hús-
næðislán voru með gengistryggð húsnæðislán.
Kemur í ljós eftir páska
Íslandsbanki vinnur enn að endurútreikn-
ingum á erlendum lánum, en Landsbankinn
hefur lokið þeirri vinnu og Arion banki að
langmestu leyti. Um leið er umboðsmaður
skuldara með það til skoðunar hvort bank-
arnir og aðrar fjármálastofnanir séu ekki allir
að endurreikna lánin úr erlendri gjaldmiðlum
yfir í krónu með sama hætti.
„Við óskuðum eftir endurútreikningi á föst-
um dæmum svo við sæjum mismuninn og
Raunvísindastofnun Háskóla Íslands er að
skoða dæmin fyrir okkur,“ segir Svanborg
Sigmarsdóttir, sviðsstjóri kynningarsviðs Um-
boðsmanns skuldara. „Það kemur í ljós eftir
páska hver niðurstaðan verður úr þeim út-
reikningum.“
Þá er einkum til athugunar, hvort verið sé
að reikna húsnæðislán og bílalán á mismun-
andi hátt, en því hefur verið haldið fram að
bankar geri það með öðrum hætti en fjár-
mögnunarfyrirtækin. Ásta Sigrún Helgadóttir,
umboðsmaður skuldara, hefur bent á það í
viðtali í Morgunblaðinu að heppilegra hefði
verið að hafa skýrari reglugerð um það hvern-
ig ætti að reikna lánin út. „Það er ýmislegt
sem engin niðurstaða fæst um fyrr en búið
verður að útkljá það fyrir dómstólum, eins og
hvort heimild sé til að reikna vaxtavexti,“
segir Svanborg.
Flestir koma betur út
Aðspurð hvernig fólk kemur almennt út úr
þessum endurútreikningi segir Svanborg það
misjafnt. „Það eru flestir að koma betur út, en
kannski ekki eins vel og þeir áttu von á,“ seg-
ir hún. „En það fer líka eftir því hvenær lánin
voru tekin. Ef þetta eru eldri lán, þar sem fólk
hefur í langan tíma verið greiða minna en
endurútreikningar segja til um að það hefði
átt að greiða, þá hefur það auðvitað áhrif til
hækkunar.“
Hún segir að fjármálastofnanir eigi í meiri
vandræðum með að reikna út sum lán, þar
sem hafa orðið skuldaraskipti og greiðslusaga
sé flókin, og síðan séu einhver lán sem þær
vilji ekki endurreikna, af því að þær telji að
þær falli ekki undir endurútreikning. Það hafi
til dæmis komið fram í fréttum að 29 lánþegar
hjá Lýsingu hafi fengið bréf þess efnis að þeir
væru með erlent lán en ekki gengistryggt.
„Og þeir eru að bíða eftir hæstaréttardómi.“
En hvað ef fólk er ósátt við endurútreikn-
ingana – hvað á það þá til bragðs að taka?
„Það getur sent okkur endurútreikninga og
beðið okkur um að fara yfir þá,“ segir Svan-
borg. „Svo virðist sem fólk sé ósátt við ým-
islegt, jafnvel þó að almennt sé farið eftir lög-
unum. Fólk þarf ekki að vera í
greiðsluaðlögun eða greiðsluerfiðleikum til að
leita til okkar. Ætli við höfum ekki fengið um
200 beiðnir um að fara yfir endurútreikninga
á lánum. En af því að við höfum beðið eftir
niðurstöðum frá Raunvísindastofnun höfum
við beðið með að senda út niðurstöður. Þegar
þeir útreikningar liggja fyrir verðum við ekki
lengi að afgreiða þau mál. Svo er spurning
hverju skoðun Raunvísindastofnunar skilar,
hvort við sendum fjármálafyrirtækjum erindi
um að reikna upp á nýtt, eða hvað það verð-
ur.“
Þúsundir
heimila
búa við
óvissu
Umboðsmaður
skuldara fer yfir
endurútreikning
Um 9% heimila með húsnæðislán voru með gengistryggð lán.
Morgunblaðið/ÞÖK
Vikuspegill
Pétur Blöndal pebl@mbl.is
Kostnaður fjár-
málakerfisins af dóm-
unum er metinn 40-
50 milljarðar króna,
ef aðeins er litið til
lána heimila.
Bókfært virði geng-
istryggðra húsnæð-
islána var rúmir 78
milljarðar í marslok
2010.
Bókfært virði geng-
istryggðra bílalána
einstaklinga var rúm-
ur 61 milljarður í
marslok 2010.
Bókfært virði ann-
arra gengistryggðra
lána einstaklinga var
rúmir 45 milljarðar í
marslok 2010.
40 til 50
milljarðar
Frá sóknarnefnd Borgarsóknar
Sóknarnefnd Borgarsóknar hefur afráðið að hefjast
handa í sumar um tiltektir og lagfæringar í
kirkjugarðinum að Borg á Mýrum.
Bætt verður aðgengi í garðinn, grisjaður trjágróður og
fleira sem nauðsynlegt er að gera. Gott væri ef
aðstandendur leiða sem telja sig hafa eitthvað við
þessar framkvæmdir að athuga og/eða hafa einhverjar
hugmyndir um aðgerðir myndu setja sig í samband við
undirritaðan í síma 617 5351 eða senda rafpóst
á netfangið einaro@limtrevirnet.is
Tekið skal fram að tré verða ekki fjarlægð af legstöðum
nema með leyfi aðstandenda utan þeirra trjáa sem
dæmd eru ólífvæn eða sem hindra aðgengi að
öðrum leiðum.
Gott væri ef aðstandendur leiða sem steinsteypureitir
eru byggðir um, skoði þá og íhugi framtíð þeirra því
margir slíkir eru orðnir afar lélegir og lýti að þeim
í garðinum.
Fyrir hönd sóknarnefndar Borgarsóknar,
Einar Óskarsson
S
K
E
S
S
U
H
O
R
N
2
0
1
1