Monitor - 15.09.2011, Blaðsíða 7

7FIMMTUDAGUR 15. SEPTEMBER 2011 Monitor
sælt þegar það kom út og fólk fékk viðlagið
„figure it out some way“ alveg grimmt á
heilann. Þurfið þið alltaf að taka þetta á
tónleikum? Eruð þið orðnir þreyttir á að spila
þetta lag?
B Við erum alls ekki þreyttir á þessu lagi.
L Og við þurfum ekkert að taka þetta alltaf.
Þannig að fólk er ekkert: „Hey, takið Out of
Place“?
B Nei. En við höfum hins vegar fengið svolítið
af: „Takið Audience of One,“ eða „takið Solary
Index“ sem er mjög gaman af því að það eru
gömul lög. Við vorum einmitt að ræða það að
við þurfum að fara að æfa gömlu lögin aftur
upp.
Þannig að þið eigið alveg harðkjarna
aðdáendur?
B Við erum með það, það verður bara að
segjast alveg eins og er. Fólk sem hefur fylgt
okkur síðan 2005.
Hvernig er tónleikahald miðað við þegar þið
voruð að byrja?
L Þetta eru nú allt sömu staðirnir en núna
getur maður tekið fleiri tónleika heldur en
þá. Í stað þess að spila einu sinni á tveggja
mánaða fresti er nú hægt að spila tvisvar í
mánuði.
B Metnaðurinn núna er líka alveg í hámarki.
Hljómsveitirnar ráðast bara í stór verkefni og
fólkið er tilbúið að taka þátt í því. Menn taka
Austurbæ og fylla hann og ég held að maður
hafi ekki séð jafn mikið af því fyrir fimm árum.
L Já, fólk er að mæta á tónleika og það eru
færri bönd að koma til landsins og þess vegna
er nóg að gera hjá íslenskum tónlistarmönn-
um.
B Íslenskir tónlistarmenn eru líka bara að
verða gáfaðri.
Á myndinni sem fylgir þessari frétt eruð þið
allir með grímur. Viljið þið ekki þekkjast úti
á götu?
B Pælingin var að fylgja eftir stemningunni á
plötunni. Platan heitir einmitt Den of Lions og
því var þetta tilvalin mynd.
Og þið áttuð bara grímurnar til inni í skáp?
L Já. Við áttum þetta til. Vippuðum þessu bara
fram og skelltum á okkur í tilefni dagsins.
Þið eyðið miklum tíma í að stúdera ykkar
hljóm og oft fylgir ykkar vinnu mikil
fullkomnunarárátta. Líður ykkur betur í
stúdíóinu heldur en á tónleikum?
L Já og nei.
B Þetta var svolítið erfið plata og við gáfum
allt í þetta á mjög stuttum tíma. Hún tók því
mikla orku frá okkur og þess vegna erum
við fegnir því að fara loks að spila efnið á
tónleikum.
L En svo veit maður það að strax í desember,
janúar langar mann að fara að taka upp aftur.
B Þetta er plata sem við urðum að gera.
Við vissum að hún yrði öðruvísi og það var
áskorun sem við þurftum að takast á við. En
maður er svo ánægður með gripinn að það er
erfitt að þurrka brosið af munninum.
Hvert er stefnan sett með nýju plötunni?
B Við erum núna á fullu að klára B-hliðar
lögin. Við gefum út B-hliðar plötu samhliða
plötunni í gegnum tónlist.is. Við munum setja
inn lög sem komust ekki inn á plötuna og
ætlum að prófa að vinna með mismunandi
listamönnum.
L Við ætlum að reyna að setja eitt lag á viku
þarna inn í næsta mánuði.
B Við ætlum að byrja á lagi með Finna úr Dr.
Spock. Má ég ekki alveg segja frá því?
L Jú, jú. Hann var búinn að gefa já.
B Hann ætlar að syngja með okkur. Það er
spennandi af því að hann er frábær söngvari.
Svo ætlum við að halda útgáfutónleika við
tækifæri. Við erum í raun bara nýkomnir út úr
stúdíóinu og svo hafa síðustu fjórar vikur farið
alfarið í það að æfa upp plötuna. Ég held að
engin plata hafi verið æfð jafnmikið og þessi
plata. jrj
Mynd/Kristinn
En maður er
svo ánægður
með gripinn að það
er erfitt að þurrka
brosið af munninum