Fréttablaðið - 21.11.2011, Blaðsíða 46

21. nóvember 2011 MÁNUDAGUR26
SJÓNVARPSÞÁTTURINN
Californication, aðallega út af
nettleika Hanks Moody. Það
komast fáir með tærnar þar
sem hann hefur hælana.
Alfreð Finnbogason, fótboltamaður.
„Platan er búin að seljast mjög vel, enda
mikið búið að bíða eftir henni,“ segir tón-
listarmaðurinn Herbert Guðmundsson.
Herbert og Svanur sonur hans hafa
sent frá sér plötuna Tree of Life, eða
Lífsins tré. Plötuna unnu feðgarnir í sam-
einingu frá grunni og Herbert lætur
meira að segja eftir syni sínum að syngja
fjögur lög á plötunni. „Hann er að syngja
eins og þessir ungu gæjar í dag,“ segir
Herbert, ánægður með frammistöðu
sonarins.
Feðgarnir njóta aðstoðar ýmissa tón-
listarmanna á plötunni. Þar má nefna
Gunnlaug Briem, Harald Þorsteinsson,
Stefán Magnússon, Tryggva Hübner
ásamt Magnúsi og Jóhanni.
Herbert og Svanur eru nýkomnir
frá Kaliforníu í Bandaríkjunum, þar
sem þeir komu fram í kirkjum í ríkinu.
Presturinn Darren Goodman bauð
þeim út eftir að hafa heyrt lagið Time,
en hann er kvæntur íslenskri konu og
kynntist tónlist feðganna fyrir tilstilli
hennar. Herbert segir viðtökurnar úti
hafa verið mjög góðar, en þeir voru úti í
þrjár vikur.
„Okkur var ofsalega vel tekið. Ég er
ekki frá því að við förum aftur,“ segir
Herbert. „Við spiluðum í átta kirkjum og
seldum diska.“
Eru þið mjög trúaðir feðgarnir?
„Já, ég er náttúrulega trúaðir, en hann
er ekki jafn harður og ég.“ - afb
Feðgarnir flökkuðu milli kirkna í Kaliforníu
Í KIRKJU Presturinn Darren Goodman bauð Herbert og Svani
syni hans til Kaliforníu. Hér eru feðgarnir ásamt presti og hans
frú í einni af kirkjunum.
„Jú, þetta er skemmtilegt tækifæri og ég er mjög
spennt fyrir þessu,“ segir Hrefna Sætran, sjón-
varpskokkur og veitingahúsaeigandi, en hún skrif-
aði á dögunum undir samning við Hagkaup um gerð
nýrrar matreiðslubókar. Verkefnið er á frumstigi en
Hrefna segir að bókarinnar sé að vænta á næsta ári.
„Þetta verður grillbók með fjölbreyttum réttum.
Það þarf að þróa og prófa heilan helling af uppskrift-
um fyrir svona bók, þetta er mjög viðamikil vinna
sem fer af stað núna.“ Hrefna er uppfull af hugmynd-
um fyrir bókina og hlakkar til að byrja. „Mér finnst
mikill heiður að fá að gera þetta.“
Matreiðslubækur Hagkaups eru einhverjar vin-
sælustu bækur sem gefnar hafa verið út hérlendis og
hafa öðlast sérstakan sess á heimilum landsins. Bæk-
urnar hafa margoft setið í efstu sætum metsölulista
og eins og Fréttablaðið hefur greint frá hafa Hag-
kaupsbækur Jóa Fel selst í hátt í 150.000 eintökum.
Því má búast við að bók Hrefnu, sem er einn þekkt-
asti kokkur landsins, muni njóta mikilla vinsælda.
Hrefna er ekki þekkt fyrir að slaka á og á meðan
hún nýtur þess að vera í fæðingarorlofi með syni
sínum sem fæddist í september, er hún með fleiri
járn í eldinum. Andlit hennar mun ekki eingöngu
sjást heima í stofu í nýju Hagkaupsbókinni, því á
vormánuðum mætir hún aftur á skjáinn. „Við erum
að fara að byrja aftur með matreiðsluþætti á Skjá
einum. Þetta verður sjöunda serían af Matarklúbbn-
um en fólk má búast við ýmsum nýjungum, við
ætlum að krydda aðeins upp á þættina.“ - bb
Gerir nýja matreiðslubók
Heimildarmyndin Amma Lo-Fi kom
sá og sigraði á heimildarmynda-
hátíðinni Copenhagen Dox sem
fram fór á dögunum.
Myndin var valin sú besta í
flokki tónlistarmynda og lagði þar
kvikmyndir eftir leikstjóra á borð
við Martin Scorsese og Cameron
Crowe. Scorsese var með heimild-
armynd um bítilinn George Harr-
ison á meðan Crowe gerði tuttugu
ára ferli bandarísku rokkrisanna í
Pearl Jam skil. Svo skemmtilega vill
til að myndin bar einnig sigurorð af
tónleikamynd Sigur Rósar, Inni, en
Ingibjörg Birgisdóttir, einn af þrem-
ur leikstjórum Ömmu Lo-Fi, er syst-
ir Jóns Þórs Birgissonar, söngvara
Sigur Rósar.
„Það fer örugglega að styttast í
að Jónsi verði kallaður litli bróðir
hennar Ingu,“ segir Orri Jónsson,
einn af leikstjórum myndarinnar.
Amma Lo-Fi sjálf segir frá Sig-
ríði Níelsdóttur sem ákvað þegar
hún var komin yfir sjötugt að leyfa
listagyðjunni að njóta sín. Hún fór
að semja og gefa út tónlist, búa til
klippimyndir og vakti töluverða
athygli fyrir. Sérstaka athygli vakti
að Sigríður prófaði sig áfram með
tilraunakennda dægurtónlist, enda
ekki á hverjum degi sem eldri borg-
arar leggja lag sitt við nýtískulegar
tónlistarstefnur.
Orri heyrði fyrst af verkum Sig-
ríðar í gegnum Tólf tóna. „Mér
fannst þetta strax vera eitthvað
sem einhver varð að dókumentera,“
segir Orri en heimildarmyndin var
alls átta ár í vinnslu. „Þetta vannst
bara hægt og rólega eftir því sem
efni og tími gaf tækifæri til.“ Sig-
ríður sjálf náði hins vegar aldrei að
sjá myndina í fullri lengd því hún
andaðist í vor. „Dætur hennar hafa
séð myndina og svo komu ættingj-
ar hennar í Danmörku á sýningu
myndarinnar í Kaupmannahöfn sem
kom okkur skemmtilega á óvart.“
Orri og Ingibjörg voru á síð-
asta snúningi með að klára eftir-
vinnslu myndarinnar og luku við
klippingu hennar aðeins nokkrum
sólarhringum áður en hún var sýnd
í Kaupmannahöfn. „Við fengum
sýningareintakið sex klukkustund-
um áður en við flugum út, þetta
var allt saman mjög íslenskt,“
segir Orri. freyrgigja@frettabladid.is
ORRI JÓNSSON: HITTU ÆTTINGJANA Í KAUPMANNAHÖFN
Lítil íslensk mynd sló við
Scorsese og Cameron Crowe
LEYFÐI LISTAGYÐJUNNI AÐ NJÓTA SÍN Sigríður Níelsdóttir fór á gamals aldri að
semja tónlist og búa til listaverk og vakti mikla athygli fyrir það. Heimildarmynd um
hana vann sigur á Copenhagen Dox á dögunum en Sigríður náði sjálf aldrei að sjá
myndina. FRÉTTABLAÐIÐ/HRÖNN
NÝBÖKUÐ MÓÐIR Hrefna nýtur heimilislífsins þessa dagana
með tveggja mánaða gömlum syni sínum, Bertram Skugga.
FRÉTTABLAÐIÐ/STEFÁN