Skátablaðið - 01.02.1945, Qupperneq 7
SKÁTABLAÐIÐ
TÍU ÁRA
Um þessar mundir eru liðin tíu ár frá því, að B.f.S.
tók að gefa út Skátablaðið. Ýmislegt hefur drifið
á daga blaðsins, þó að ekki sé það eldra, en þess
mun þó ekki verða getið hér.
Fyrsti ritstjóri blaðsins var Jón Oddgeir Jónsson,
og hefir ritstj. farið þess á leit við
hann, að hann skrifaði nokkur orð í
tilefni afmælisins.
Jón Oddgcir Jónsson
Það eitt, að tekizt hefur að halda lífi í
íslenzku skátablaði samfleytt í 10 ár, er
mjög eftirtektarvert, einkum þegar þess er
minnst, að eitt ágætt íslenzkt skátablað kom
út á tíu ára fresti, þ. e. Liljan, sem kom út
allt árið 1916 og aftur allt árið 1926, en
síðan ekki meir. Og slík er saga margra ís-
lenzkra skátablaða. Einstök félög eða áhuga-
samir einstaklingar innan félaganna hafa
rokið til með miklum dugnaði og gefið út
blað — fundið vöntun á skátamálgagni og
gert sitt til þess að bæta úr því — en skort
öruggan bakhjall.
Þetta Skátablað, sem þú heldur á, er orð-
ið tíu ára gamalt og bakhjallurinn er
Bandalag íslenzkra skáta, sá bakhjallur, sem
okkur öllum ber að efla til þess m. a., að
Skátablaðið geti einnig komið út næstu 10
ár — eða eigum við ekki heldur að segja
næstu 100 ár — því ekki það. Til er ís-
lenzkt tímarit, sem er orðið 118 ára gamalt
og mun vera elzta tímarit á Norðurlönd-
um.
Það var undir forustu hins fyrsta íslenzka
skátahöfðingja, Axel V. Tuliniusar, sem
B.Í.S. réðist í að gefa út þetta málgagn.
Bjartsýni hans, dug og samvinnuhug, var
það að þakka, að blaðið hljóp af stokkun-
um. Bandalagið var þá orðið tíu ára gamalt,
með þrettán félög að baki sér, dreifð um
allt land. Mikil þörf var á að tengja þessi
félög fastara saman með sameiginlegu mál-
gagni og jafnframt leitast við að kynna al-
menningi nánar tilgang félagsskaparins. Og
þótt oltið hafi á ýmsu með þetta blað, hefur
það vissulega áorkað miklu til góðs fyrir
skátafélagsskapinn hér á landi á liðnum tíu
árum.
Það er ósk okkar allra á þessum tíma-
mótum Skátablaðsins, að það megi eflast
sem mest, og jafnan halda á málefnum ís-
lenzkra skáta með djörfung og drengskap.
Með skátakveðju.
Jón Oddgeir Jónsson.
SKÁTABLAÐIÐ
7