Ný saga - 01.01.1996, Síða 71

Umbinn í borginni
eiga Elínu Davíðsdóttur (1936-) árið 1963 og
eignuðust þau þrjú börn. Er höfundur þessara
orða yngstur þeirra.
Bréfin sem hér birtast eru um margt ósköp
venjuleg bréf frá ættingjum og vinum en það
sem gerir þau áhugaverð eru þær vísbending-
ar sem þau gefa um hversu mikið íslenskt
þjóðfélag hefur breyst á þessum tæplega
fimmtíu árum. A einum mannsaldri hafa sam-
göngur og póstþjónusta tekið stakkaskiptum,
auk þess sem haftasamfélagið er fyrir löngu
liðið undir lok. Bréfin eru hér birt stafrétt, en
þau eru hluti af stærra safni í vörslu höfundar.
ISI
Siglufirði 8/12 1949
Góði Siggi minn!
Ég var núna á stundinni að fá bréfið frá
þér, og svo stendur á að „Hekla“er hér við
bryggju, svo að ég hripa þér línur í skyndi í
miðdagstímanum. Ég óska þér til hamingju
með atvinnuna, ég held að þú hafir verið
heppinn. Mamma þín þakkar þér fyrir „reit-
ina”. Hún sendir þér nú tvo sokkamiða. Þú
skalt tala við okkur, ef þú heldur að álitamál
sé að taka þvottavélina. Meira get ég ekki
skrifað núna. Við biðjunr að heilsa Bjössa
[Sigbirni].
Vertu blessaður og sæll.
Pabbi.
ISI
Siglufirði 18/2 1950
Elsku Siggi minn!
Þetta verður nú víst stutt bréf, því að það
er sagt að Hekla geti farið eftir hálftíma, en
ég hef ekki heyrt hana flauta enn, svo að ég
vona að það dragist eitthvað lengur.
Lilla [Ragnhildur] fékk bréf frá þér í gær
og við þökkum þér fyrir það. Hún ætlaði að
skrifa þér, en hafði ekki tíma til þess í gær-
kvöld og í dag hefur það líka farist fyrir; en
hún ætlar að gera það bráðlega. Mamma þín
fékk tilkynningu í dag eftir miðdag um, að
hún ætti sendingu frá þér á pósthúsinu. En
það er laugardagur og pósthúsinu lokað um
ÞVOTTAVÉLAB
Il.f. Hjiftarkjaverksiniðjan í Hafnarfirði or Vólsmiðjan Iléðinn Ii.f.,
Heykjavik, Iiafa jíkvcðið að frainlciða saincÍRÍnlcRn jivottavclar,
litMiIiigar — Hlerkbvggðar — ódýrar
UmlirlniniiiRiir cr liafinn or jifgrciðslji hyrjar væntanlcRa á komandi
vctri. Utsiiluvcrð cr áætlað
Kr. 3000,00
miðað við núvcrandi vcrðlag. — Við pöntun jmrfa kanpcndur að
lcRgja frnui kr. 500,00 í trygRÍiiRU, scm cndurRreiðast mcð vöxtuin við
afgrciðslu vclanna. — Ársáhyrgð vcrður tckin á vélunum. — Kaup-
cndiini vcrða aflicnt niimcr við pöntun og vclarnar afgrciddar
samkvji'int jicim.
RAFHA HÉÐINN
II.f. Haftji'kjavcrksmiðjan, Vclsiniðjan ITcðinn h.f.,
Ilafnarfirði. Rcykjavík.
miðdag, svo að pakkinn verður að vera þar til
mánudags. Okkur líður vel. Lilla er allan dag-
inn að læra, fyrst í skólanum, svo í aukatímum
og síðan að lesa fram á kvöld. Hún átti að
gera stil um fortíð Siglufjarðar og framtíð, en
hafði lítinn tíma, svo að við svindluðum og ég
samdi uppkastið fyrir hana. Ekki hugsa ég að
hún fái verðlaun fyrir ritgerðina.7...
Ég ætla að biðja þig að taka þegar þessi
mánuður er liðinn, laun mín fyrir janúar og
febrúar og áfram, á fræðslumálaskrifstofunni,
og leggja þau inn á sparisjóðsreikning í
Landsbankanum. Svo geymir þú eða bankinn
bókina. Ég skrifaði þér víst um þetta í vetur.
Láttu mig vita livað mánaðarlaunin eru. Þó
skömm sé frá að segja, þá veit ég það ekki,
þetta er líka alltaf að breytast.
69