Ný saga - 01.01.1996, Blaðsíða 90
Helgi M. Sigurðsson
Nær allir safn-
verðir landsins
eru því að mestu
sjálfmenntaðir á
sviði safnfræð-
innar, þótt þeir
hafi háskólapróf
í öðrum greinum
Húsið á Eyrarbakka tekið í gagnið: í það
sögufræga hús var ákveðið að flytja Byggða-
safn Árnesinga frá Selfossi og gerðist það
1995. - Þetta er góð hugmynd út frá sýninga-
sjónarmiði og verður fróðlegt að sjá hvaða
áhrif það hefur á gestafjölda.32
Hof í Grindavík: Árið 1994 var haldið
hleðslunámskeið í Grindavík og var verkefn-
ið hof í fornum stíl. Einnig var í bígerð að
reisa langhús og jafnvel vfkingabyggð. -
Ókosturinn við hofbygginguna er sá að ekki
er vitað hvernig hof voru til forna, slík hús
hafa ekki með vissu verið grafin upp.33
Víkingahátíð í Hafnarfirði: Hún var haldin
í fyrsta sinn hérlendis árið 1995. Um er að
ræða alþjóðlegan hóp fólks sem ferðast frá
einu landi til annars, slær upp tjaldborgum og
hefur tekjur af bæði sýningum, sölu á hand-
smíðuðum munum og veitingarekstri. Að-
sókn var mikil og var áformað að endurtaka
hátíðina síðar. - Menningarlegt gildi hátíða af
þessu tagi er sennilega ekki mikið og gagn-
rýnisvert er ef haldið er fram að þær byggist á
strangri fræðimennsku. Skemmtigildið er hins
vegar ótvírætt.34
Safnasvæði í Nesi við Seltjörn: Árið 1992
var Nesstofusafn, lækningaminjasafn, deild úr
Þjóðminjasafni, opnað í samnefndu húsi. Nes-
stofa er sögufræg bygging, reist árið 1763.
Ennfremur var kynnt skipulag safnasvæðis á
jörðinni þar sem meðal annars var gert ráð
fyrir endurbyggingu tveggja útihúsa. Annað
þeirra skyldi hýsa íslenska lyfjafræðisafnið.
Var það opnað með bráðabirgðasýningu í árs-
lok 1992.35 - Hér stefnir í sterka heild og
mættu sem flestar atvinnugreinar taka sér
þetta framtak til fyrirmyndar.
Flutningur Þjóðminjasafnsins: Árið 1992
mæltist þáverandi þjóðminjavörður, Guð-
mundur Magnússon, til þess við menntamála-
ráðherra að hann afhenti Þjóðminjasafninu
svonefnt SS-hús í Laugarnesi. Rökstuðningur
Guðmundar var meðal annars á þá leið að
núverandi húsakynni væru orðin of lítil fyrir
safnið og erfitt væri að byggja við þau. Erind-
inu var hafnað af ráðherra.36 - Að mati undir-
ritaðs var kannski hvorugt húsið nógu gott.
Geysishús í Reykjavík: Árið 1992 opnaði
Reykjavíkurborg upplýsinga- og kynningar-
miðstöð í Aðalstræti 2, Geysishúsi. Þar voru
settar upp ýmsar sýningar næstu árin, einkum
minjasýningar sem þótti ágætlega takast til
með. Aðsókn var áætluð um 60 þús. manns á
tveimur árum. Húsið var tekið til annarra
nota árið 1994.37 - Starfsemi af þessu tagi
mætti gjarnan hefjast aftur ef hentugt hús-
næði finnst.
Aðalstrætisverkefni í Reykjavík: Áætlun
um það kom fram árið 1992 og var þar gert
ráð fyrir að reisa þrjú hús, tvö í stíl Innrétt-
inga Skúla fógeta og eitt átti að vera eftirlík-
ing landnámsbæjar til minningar um fyrstu
íbúa Reykjavíkur. Undirbúningsrannsóknir
hófust sama ár en verklegum framkvæmdum
var frestað um óákveðinn tfma. Hvort verk-
efninu verður haldið áfram á næstu árum er
óljóst á þessu stigi.38
Útibú frá Árbæjarsafni við Laufásveg:
Árið 1995 keypti Reykjavíkurborg íbúðarhús
að Laufásvegi 43 í því skyni að opna þar úti-
bú frá meginsafninu. Röksemd fyrir því var sú
að í húsinu væri heimili sem að mestu væri
óbreytt síðan um 1930.34
Smíði víkingaskips: Árið 1994 styrkti
Reykjavíkurborg smíði skips sem er nákvæm
eftirlíking norsks víkingaskips sem grafið var
upp þar í landi. Skipinu er ætlað að sigla hluta
sumars með reykvísk skólabörn, en þess utan
er það hugsað fyrir almenna ferðamenn.40
Sögugöngur Ferðafélags íslands og Úti-
vistar: Gönguferðum á minja- og sögustaði
hefur fjölgað mikið á síðustu árum og þátt-
taka verið góð. Þær hafa verið skipulagðar af
ýmsum aðilum, meðal annars minjasöfnum,
en einnig í auknum mæli af félögum og fyrir-
tækjum, m.a. Ferðafélagi íslands og Útivist.
88