Morgunblaðið - 07.04.2011, Síða 5

ADVICE hópurinn telur hagsmunum Íslands best borgið með því að fella Icesave-lögin þann 9. apríl.
Auglýsingar og annað starf hópsins er greitt með frjálsum framlögum og vinnuframlagi sjálfboðaliða. Tölvupóstur: advice@advice.is
www.advice.is
Nei - því Icesave samningur festir
gjaldeyrishöft í sessi
Samþykkt Icesave samningsins mun framlengja gjaldeyrishöft
til margra ára, eins og ríkisstjórnin og Seðlabanki hafa einmitt
boðað nýverið. Gjaldeyrishöftin koma í veg fyrir að atvinnulífið
vaxi af nauðsynlegum krafti.
Nei - því aðgangur að lánsfé ræðst af
flestu öðru en Icesave
Fullyrt er að samþykkt samninganna opni dyr að alþjóðlegum
lánsfjármörkuðum. Vandséð er hvernig aukin skuldsetning
með samþykkt Icesave-samninga á að laða að erlent lánsfé.
Fjármagn leitar í arðsöm verkefni, við hagstætt og stöðugt
rekstrarumhverfi. Það sem torveldar aðgang að erlendu lánsfé
nú er miklu frekar ástand á alþjóðlegum fjármálamörkuðum,
gjaldeyrishöft, ómarkviss og afturvirk lagasetning og óhag-
stæð skattastefna.
Nei - því Icesave hækkar skuldir ríkisins
og eykur ríkisábyrgðir um 50%
Skuldir ríkissjóðs nema nú þegar eins árs landsframleiðslu
og ekki er ráðlegt að bæta við þær óvissri viðbótarskuld í
erlendum gjaldeyri. Burtséð frá óvissri hækkun skulda er ljóst
að Icesave hækkar ríkisábyrgðir sem í gildi eru um 50%.
Nei - því Icesave samningurinn kallar
á hærri skatta á fyrirtækin
Icesave samningurinn hækkar skuldir ríkisins og fjárþörf um
26 milljarða strax á þessu ári. Þessi fjárhæð verður ekki greidd
nema með hærri sköttum á fyrirtæki og almenning.
Nei - því skuldatryggingarálag hefur
batnað síðan Icesave II var hafnað
Skuldatryggingarálag í skuldabréfaviðskiptum hefur reynst
betri mælikvarði á raunverulegt lánshæfi en einkunnir
matsfyrirtækja. Á meðan matsfyrirtækin voru enn að gefa
íslenskum bönkum hæstu einkunn var skuldatryggingarálag
löngu búið að rjúka upp. Eftir að þjóðin felldi Icesave II hefur
skuldatryggingarálag á skuldabréf ríkisins lækkað um meira
en helming á sama tíma og það hefur hækkað hjá mörgum
ríkjum Evrópu.
Nei - því samþykkt Icesave samningsins
skapar ekki traust
Helstu viðskiptablöð heims, Financial Times og Wall Street
Journal, birta í leiðurum sínum stuðningsgreinar við málstað
Íslands í Icesave-deilunni. Það er aðeins í íslenskri umræðu
sem sem menn trúa því að við þurfum að samþykkja Icesave-
ánauðina til að „endurheimta traust erlendis”.
Nei - því fjárfestar hafa áhuga á góðum
viðskiptatækifærum
Icesave-deila fjármálaráðuneyta Bretlands og Hollands hindrar
ekki viðskipti íslenskra fyrirtækja við útlönd. Þrátt fyrir erfiðar
aðstæður á erlendum fjármálamörkuðum hafa íslensk fyrirtæki
fjármagnað sig með góðum árangri erlendis á undanförnum
mánuðum. Það eru mörg hundruð ágreiningsmál í gangi milli
ríkja í Evrópu. Icesave er bara eitt af þeim og fjárfestar munu
ekki láta það koma upp á milli sín og góðra viðskiptatækifæra
hér á landi.
VæriJá
gottfyrir
atvinnulífið?