Morgunblaðið - 09.07.2011, Blaðsíða 38

38 MENNING
MORGUNBLAÐIÐ LAUGARDAGUR 9. JÚLÍ 2011
Gunnþórunn Jónsdóttir
gunnthorunn@mbl.is
LungA, listahátíð ungs fólks á Austur-
landi, er nú haldin í tólfta skiptið og hefst
á morgun, 10. júlí. Hátíðin er haldin á
Seyðisfirði eins og vanalegt er og hefur
undirbúningur fram að þessu verið í há-
marki. Hátíðin er sett með tónleikum á
mánudagskvöldið og stendur í heila viku
og á sunnudaginn 17. júlí verður kveðju-
stund. Hátíðin felur í sér listasmiðjur,
listasýningar, fatahönnunarsýningu,
tónleika, gjörninga og fleira.
„Hjarta hátíðarinnar er þessi „work
shop“ eða listasmiðjur og byggir hátíðin
á þeim. Seinna meir fór að hlaðast á há-
tíðina tónlist og tónleikar sem er núna
svo sterkt út á við,“ segir Ívar Pétur
Kjartansson, tónlistarstjóri LungA.
Dagskrá hátíðarinnar er veigamikil og
fjölbreytt. Margir hæfileikaríkir ein-
staklingar verða með listasmiðjur í ár og
má þá meðal annars nefna Björn Thors,
sem verður með leiklistarsmiðju, Sig-
tryggur Baldursson og Kippi Kanínus
verða með tónlistarsmiðju, Harpa Ein-
ars verður með tískuteikningu og götu-
list og Ingibjörg og Lilja Birgisdætur
verða með tónlistarmyndbandagerð. All-
ir ættu því að geta fundið sér eitthvað við
sitt hæfi. Listasmiðjur kosta 15.000
krónur og innifalið í því er matur, gisting
og aðgangur á alla viðburði tengda
LungA. Skráning í smiðju skal sendast á
lunga@lunga.is. Nánari upplýsingar á
lunga.is.
Gus Gus með sérsmíðað prógram
Eftir því sem líður á vikuna mun há-
tíðin vinda upp á sig og gestum fer fjölg-
andi. Viðburðir hátíðarinnar stækka í
samræmi við það og mun laugardags-
kvöldið 16. júlí verða „aðalkvöldið“. Þá
verður miðbærinn á Seyðisfirði girtur af.
„Það eru stór og falleg hús í miðbænum
sem mynda hring, gamalt skólahús sem
er byggt 1907, félagsheimili og sundhöll-
in og við setjum girðingu á milli þeirra
allra og myndum svæði með tvö útisvið,“
segir Ívar. Hápunkturinn verður líklega
þegar hljómsveitin Gus Gus með Presi-
dent Bongo í fararbroddi stígur á stokk
með sérsmíðaða dagskrá fyrir gesti
LungA. „Við viljum helst ekki kalla þetta
Gus Gus því það vantar Bigga Veiru en
hinir mæta, Urður, Daníel Ágúst, Högni
og Davíð Þór“. Wonderbras, 12 stúlkna
blásarasveit Bjarkar Guðmundsdóttur,
verður þeim til halds og trausts og mun
þessi föngulegi hópur leika lög af nýj-
ustu plötu hljómsveitarinnar ásamt sóló-
efni þeirra allra í nýjum, spennandi bún-
ingi.
Einnig er vert að taka fram að ekkert
aldurstakmark er á tónleikana og frítt er
inn fyrir 50 ára og eldri. „Við viljum
reyna að sameina alla aldurshópa á þess-
ari frábæru hátíð, að koma saman og
njóta lista,“ segir Ívar að lokum. Tón-
leikarnir standa frá 16:00-01:00.
Hægt er að kaupa sér sérstakan helg-
arpassa fyrir þá helgi á midi.is sem gildir
á alla viðburði LungA frá fimmtudegi til
laugardags.
Listin og lífið gerast á LungA
 Listasmiðjur af öllu tagi fyrir alla á LungA  Gus Gus spilar lög af Arabian Horse í glænýjum
búningi  Frítt inn á tónleikana fyrir 50 ára og eldri og ekkert aldurstakmark
Útitónleikar Margar hljómsveitir leika fyrir gesti listahátíðarinnar LungA í ár. Á myndinni frá því í fyrra spilar hljómsveitin Hjaltalín ljúfa tóna undir berum himni.
Dularfull Myndin er frá tískuteikningarnámskeiði í fyrra og verður boðið upp á það aftur í ár.
Listahátíðin LungA var haldin
í fyrsta skiptið árið 2000. Há-
tíðin er mikil umfangs og hef-
ur farið ört stækkandi síðustu
ár. Á meðan á hátíðinni stend-
ur eru um 250 gestir í bænum
á beinum vegum LungA, þátt-
takendur, starfsfólk, sjálf-
boðaliðar, tónlistarfólk, leið-
beinendur í listasmiðjunni og
listafólk. Hins vegar sækja um
4.000 manns viðburði hátíð-
arinnar ár hvert. Það er því
mikið um að vera í þessum
litla bæ sem Seyðisfjörður er,
í þessa viku sem hátíðin
stendur yfir.
Hljómsveitir sem spila á há-
tíðinni í ár eru Hanna Von
Bergen frá Noregi, Klive,
Nolo, Muted, Snorri Helgason,
Jón Þór, Mammút, Berndsen,
Reptile and Retard frá Dan-
mörku, Sin Fang og svo verð-
ur Gus Gus með sérhannaða
dagskrá sérstaklega fyrir
LungA.
Hátíðin hefst á morgun en
verður formlega opnuð með
tónleikum á mánudagskvöldið,
11. júlí. Þar koma fram Pétur
Ben, Kippi Kanínus, Bogomil
Font og Hákarlarnir. „Þetta er
einstaklega fjölbreytt dagskrá
á einni kvöldstund þar sem
flestir ættu að finna eitthvað
við sitt hæfi. Allt frá meló-
dískri raftónlist í keyrslu á
indí-rokk og Tom Waits-
slagara í calypso-stíl.“
Venjan að
um 4.000
manns mæti
FJÖLBREYTT FJÖR