Birtingur - 01.12.1960, Blaðsíða 41

Eftilvill sé ég þig aldrei framar.
Það sem verra er: Ég gæti hitt þig
af hendíngu eftir 30 ár.
Ég stend kyrr og horfi á þig fjarlægjast.
Ég æpi á þig í hljóði.
Ég sé andlit þitt markast djúpum hrukkum
mittið hverfa í skvap
kálfana þrútna og afskræmast af æðahnútum
hörundið verða á litinn einsog sigin ýsa.
Það er svo sorglegt
svo átakanlegt.
Maður getur næstum
jájá það er mkil mæða
að vera karlmaður.
Og þó er það skömminni skárra
en að vera falleg stelpa
fá ekki nema 16,14 kr. á tímann
fyrir að puða í saltfiski
og vera komin uppá einhvern déskotans
draumaprins sem oftast reynist bölvaður
drullusokkur áðuren yfir lýkur.