Birtingur - 01.01.1965, Qupperneq 7

prests séra Jóns á Bægisá, og Rannveigar Jónasdóttur, konu hans. Jónas
fæddist að Hrauni í Öxnadal 1807, en fluttist missirisgamall með for-
eldrum sínum að Steinsstöðum hinum megin í dalnum, þar sem hann
ólst upp, unz hann fór í skóla. Faðir hans drukknaði í Hraunsvatni,
þegar drengurinn var 9 ára, en móðirin barðist a£ mikilli atorku fyrir
uppeldi hans. Hún kom honum til náms hjá Einari Thorlacius, presti í
Goðdölum, tvo vetur. Haustið 1823 kom Jónas hér í skóla. Hann fékk
hálfa ölmusu fyrsta veturinn, en strax á næsta vetri ókeypis skólavist
vegna góðra námshæfileika og lítilla efna. Jónas hefur sýnt sérstakan
áhuga á fornsögum, stærðfræði og fornmálunum, einnig reynt að afla
sér þekkingar í náttúrufræði, enda þótt hún sé ekki kennd í skólanum.
Upp á síðkastið hefur hann fengizt nokkuð við yrkingar, en haldið því
lítt á loft.
Enn er einn Norðlendingur, Konráð, sonur hins merka fræðimanns,
Gísla Konráðssonar á Löngumýri í Skagafirði. Snemma kom í ljós, að
drengurinn var flugnæmur, en vegna fátæktar virtust litlar horfur á,
að hann gæti komizt í skóla. Vann hann við fjárgæzlu hjá föður sínum
fram yfir fermingu og reyndi að menntast með því að taka sér bók í
hönd, þegar tómstund gafst. f fyrravetur var Konráð sendur suður á
land til sjóróðra. Faðir hans bað kunningja sinn, Hallgrím Scheving,
kennara hér við skólann, að líta til með honum. Hallgrímur lét Konráð
koma til sín um vorið, og er hann sá, hvað í piltinum bjó, kom hann
honum í skólann síðast liðið haust og hefur veitt honum ókeypis vist
hjá sér í vetur. Konráð hefur einkum orð á sér fyrir frábæra kunnáttu í
fornmálunum.
Hinn fjórði, Tómas, er sonur Sæmundar Ögmundssonar, stórbónda á
Kúhól í Landeyjum. Foreldrar hans hófu búskap eignalausir, en brut-
ust áfram til góðra kjara af mikilli elju. Föður hans auðnaðist ekki að
njóta menntunar í æsku, og lét hann sér a£ þeirn sökum mjög annt um
uppfræðslu sonar síns. Hann kom Tómasi fyrst til séra Steingríms
birtingur
5