Birtingur - 01.01.1965, Side 40

THOR VILHJÁLMSSON: ANTONINO VIRDUZZO
Einn af sérkennilegri listamönnunum í Róm
heitir Antonino Virduzzo. Hann er fæddur
1926 af sikileysku foreldri í Greenwich village,
listamannahverfi New York borgar, flytur
með foreldrum sínum til Sikileyjar sex ára
gamall, þar var hann til 1940 og sótti lista-
skóla þar.
Síðan var hann við nám í Flórenz unz hann
fluttist aftur til Sikileyjar og starfaði þar sem
listmálari um sinn. Hann var í Bandaríkjun-
um 1946 en gerðist sjómaður og sigldi víða
um heimshöfin í tvö ár. 1949 var hann aftur
kominn til Ítalíu. Um skeið stóð hann fyrir
listsýningasal, en reksturinn þótti með sér-
kennilegum hætti sökum geðríkis forstöðu-
mannsins sem hafði litla þolinmæði gagnvart
tilgerðarrófum og uppskafningshætti. Hann
tók víða þátt í sýningum og var stuttan tíma
aftur til sjós, gekk af skipi í Bremen og komst
einhvernveginn til Parísar, þar var hann til
1955 að hann sneri aftur til Rómar og vakti
æ meiri athygli sem listamaður. Einkum hef-
ur hann helgað sig graflist (grafik) og náð
svo mikilli tækni að undrun vekur og aðdá-
un. Auk þess sem hann hefur fundið upp
sjálfur margskonar tækninýjungar hefur hann
kannað aðferðir fyrri manna af mikilli vand-
virkni og grafið upp sitthvað úr tímans djúpi
sem öðrum var hulið og samhæft sínum
vinnuaðferðum svo ýmsum þykir ganga göldr-
um næst. Virduzzo er óhræddur að gera til-
raunir en hann er enginn ævintýramaður í
þeim skilningi að hann byggir ekki á tilvilj-
unum einsog mörgum er gjarnt í dag heldur
er hann með afbrigðum vinnusamur og þraut-
seigur, býr yfir ýmsum ágætustu kostum hand-
verksmannsins sem var í eina tíð óhjákvæmi-
legt fyrir listamenn til að ná langt, og liann
er tæknisnillingur í sinni grein. Þegar litið
er ylir þróun hans er hún ekki hraðfara held-
ur mjög örugg og markviss. Virduzzo er líka
hugsuður og heimspekingur sem reynir í list
sinni að túlka andleg verðmæti, frábitinn öll-
um grallaraskap popæringja, hafnar ódýrum
lausnum en er strangur við sjálfan sig. Vinna
er fyrst og fremst agi, segir Virduzzo: lista-
maðurinn verður að beita sig aga bæði þegar
hann er að hugsa verkið og búa það til enda
vex hið sanna sköpunarverk listamannsins
alltaf upp úr réttri afstöðu til handverksins
og heilbrigðu mati á því, þetta vissu lista-
menn miðalda og endurreisnartímans, og ég
held þetta sé ennþá í fullu gildi, segir hann.
Virduzzo afþakkar síður en svo áhrif hinna
gömlu meistara, hann segist einkum hafa orð-
ið fyrir áhrifum af Sienna-málurunum og svo
Hollendingunum og hafa lært mikið af forn-
um kínverskum teikningum, japönskum lista-
mönnum fyrri tíma og nútímalistamönnum í
Frakklandi. Þó málar Virduzzo algjörlega ab-
38
BIRTINGUR