Austurland - 29.05.1991, Blaðsíða 2

2
MIÐVIKUDAGUR, 29. MAÍ 1991.
Austurland
MÁLGAGN ALÞÝÐUBANDALAGSINS
Útgefandi: Kjördæmisráð Alþýðubandalagsins á Austurlandi
Ritnefnd: Elma Guðmundsdóttir, Guðmundur Bjarnason,
Einar Már Sigurðarson og Smári Geirsson
Rítstjóri: Smári Geirsson (ábm.) ® 71630
Ljósmyndari: Ari Benediktsson
Ritstjórnarskrifstofa: ® 71750 og 71571
Auglýsingar og dreifing:
Sólveig Hafsteinsdóttir S 71571, 71750 og 71930
Ritstjórn, afgreiðsla og auglýsingar:
Egilsbraut 8 Pósthólf 75 - 740Neskaupstaður • ® 71750og71571
AU STLTRLAND er aðili að Samtökum bæjar- og héraðsfréttablaða
Prentun: Nesprent
Sj ómannadagurinn
Á hátíöarstundum er oft haft á orði að sjómanna-
stéttin sé sú stétt manna sem íslenska þjóðin eigi
mest að þakka hina almennu velferð. Auðvitað er
erfitt að leggja slíkan mælikvarða á einstakar stéttir
í jafn fjölbreyttu þjóðfélagi og þjóðfélagi nútím-
ans. Hitt er flestum ljóst að með margvíslegum
rökum er hægt að benda á að mikilvægi þeirra starfa
sem sjómenn vinna fyrir þjóðarbúið í heild er mjög
mikið.
Sú stétt sem færir til lands undirstöðu verðmæta-
sköpunar þjóðarbúsins hlýtur óhjákvæmilega að
skipa virðingarsess meðal þjóðarinnar. Oft á tíðum
vill gleymast hlutur sjómanna þegar almennt er rætt
um stöðu og mikilvægi sjávarútvegs, Hlutur þeirra
þykir sjálfsagður og það er ekki fyrr en eitthvað
stöðvar hið venjulega að menn átta sig á hve mikil-
vægt er að afli berist að landi.
Miklar breytingar hafa átt sér stað í sjávarútvegi
á síðustu árum og áratugum. Flestar þessara breyt-
inga snerta sjómenn beint eða óbeint. Á síðasta ári
hafa m.a. verið áberandi þær breytingar sem orðið
hafa á ákvörðun fiskverðs og þær afleiðingar sem
slíkt hefur haft á kjör sjómanna.
Nokkrar deilur hafa verið milli sjómanna og ein-
stakra útgerðaraðila sem benda til þess að í framtíð-
inni verði að finna nýjar leiðir til ákvörðunar um
kjör sjómanna. Hinn mikli munur milli launakjara
sjómanna eftir því hvaða farveg afli þeirra fer til
neytandans er algerlega óviðunandi.
Hlutur sjávarútvegs í þjóðarbúskapnum er svo
mikill að nauðsynlegt er að allir þeir aðilar sem við
þann atvinnuveg starfa búi við sem best kjör. Þessi
staðreynd blasir við flestum þeim sem búa í hinum
mörgu sjávarbyggðum allt umhverfis landið, en því
miður er ýmislegt sem bendir til að sá hópur sem
ekki áttar sig á þessari staðreynd fari stækkandi og
það sem verra er að völd þeirra fari vaxandi.
Það er vel til fundið að ár hvert skuli dagur einn
vera kenndur við sjómannastéttina og þann dag skapi
íbúar sjávarbyggðanna sannkallaða hátíð. Víða er
sjómannadagshelgin ein aðal hátíðarhelgi ársins og
segir það meira en margt annað um þann hug sem
almennt er borinn til sjómannastéttarinnar í þessum
byggðum.
AUSTURLAND óskar öllum sjómönnum til ham-
ingju með sjómannnadaginn og hvetur til almennrar
þátttöku í hátíðarhöldum dagsins. ems.
Sveitarstjórnarmenn á Eskifirði og
Reyðarfirði álykta um jarðgangagerð
Á sameiginlegum fundi sveit-
arstjórnarmanna á Eskifirði og
Reyðarfirði sem haldinn var fyr-
ir skömmu var samþykkt álykt-
un um jarðgöng á Austurlandi.
Ályktun þessi hefur verið kynnt
í fjölmiðlum og vakið allmiklar
umræður. Umrædd ályktun er
svofelld:
1. Samband sveitarfélaga á
Austurlandi er sammála um
að jarðgöng frá Héraði til
Vopnafjarðar hafi forgang
þegar jarðgangagerð hefst á
Austurlandi.
2. Það er krafa bæjaryfirvalda
á Eskifirði og Reyðarfirði að
næsti áfangi í jarðgangagerð
þar á eftir, séu jarðgöng úr
Reyðarfirði til Fáskrúðs-
fjarðar eða suður í Breiðdal
með hliðargöngum í Fá-
skrúðsfjörð, ef það er hag-
kvæmara.
3. Jafnframt telj a bæj aryfirvöld
á Eskifirði og Reyðarfirði að
kanna beri möguleika á
rekstri opinnar lítillar bíl-
ferju yfir Berufjörð.
4. Bæjaryfirvöld á Eskifirði og
Reyðarfirði telja að tengja
beri Neskaupstað og Seyðis-
fjörð við strandbyggðirnar
með göngum frá Eskifirði til
Norðfjarðar og þaðan til
Mjóafjarðar og svo til Seyð-
isfjarðar. Með þessu móti
yrðu báðir staðirnir inni á at-
vinnusóknarsvæði væntan-
legrar stóriðju á mið-Aust-
urlandi. Auk þess skapast
auknir möguleikar á sérhæf-
ingu í fiskiðnaði með bættum
sarúgöngum milli sjávarút-
vegsstaðanna.
5. Það er álit bæjaryfirvalda á
Eskifirði og Reyðarfirði að
framangreind forgangsröð
verkefna muni koma fjórð-
ungnum öllum til góða, og
stuðla að eflingu og jafnvægi
milli einstakra þjónustu-
kjarna á Austurlandi.
AUSTURLAND hafði sam-
band við Arngrím Blöndahl
bæjarstjóra á Eskifirði og innti
hann eftir ástæðum þess að esk-
firskir og reyðfirskir sveitar-
stjórnarmenn ályktuðu um
framkvæmdir á sviði samgöngu-
mála með þessum hætti. Arn-
grímur sagði að nú stæðu menn
frammi fyrir því að ákveða með
hvaða hætti rannsóknarfé vegna
jarðgangagerðar á Austurlandi
yrði nýtt og því væri nauðsyn-
legt að hefja umræðu um þessi
mál. Hann sagði aðstcfnumörk-
un á sviði jarðgangagerðar á
Austurlandi væri ekki nógu skýr
nema hvað varðar Vopnafjörð
og því væri nauðsynlegt að
menn áttuðu sig á þeim verkefn-
um sem fyrir lægju og í hvaða
röð ætti að sinna þeim. „Þessi
ályktun er innlegg í þá umræðu
sem þarf að fara fram vegna
stefnumörkunar með hagsmúni
alls fjórðungsins í huga“ sagði
Arngrímur í samtali við blaðið.
Þorvaldur Jóhannsson bæjar-
stjóri á Seyðisfirði og fulltrúi í
Jarðganganefnd samgöngu-
ráðuneytisins var inntur álits á
ályktun þeirra Eskfirðinga og
Reyðfirðinga. Þorvaldur sagði
það sína skoðun að mjög
óheppilegt væri að einstakar
sveitarstjórnir væru að álykta
um þessi mál á þessu stigi. „Við
Austfirðingar þurfum að kom-
ast að endanlegri niðurstöðu um
jarðgangaframkvæmdir á okkar
eigin vettvangi en ekki deila um
þetta mikla hagsmunamál okkar
í fjölmiðlum" sagði Þorvaldur í
lok samtalsins við AUSTUR-
LAND.
í lok síðustu viku samþykkti
sveitarstjórn Búðahrepps
stuðningsyfirlýsingu við ályktun
Eskfirðinga og Reyðfirðinga.
Sigurður Jónsson í leik með Arsenal. Hann mun leiðbeina ungum
knattspyrnumönnum í Neskaupstað í sumar.
Knattspyrnuskóli Þróttar
SigurðurJónsson mun
heimsækja skólann
Starfsemi knattspyrnuskóla Þróttar hefst 30 maí
nk. og eru nemendur beönir að mæta í Þróttarher-
bergið í íþróttahúsinu til skráningar þann dag kl.
14tKl. Knattspyrnuskólinn er fyrir krakka á aldrinum
6 - 10 ára og verður skólagjaldið 4.800 kr.
Leiðbeinandi verður Guðbjartur Magnason en
í lok júní mun Sigurður Jónsson, atvinnumaður hjá
enska liðinu Arsenal, leiðbeina krökkunum í viku-
tíma.