Austurland - 16.02.1994, Blaðsíða 2

2
MIÐVIKUDAGUR, 16. FEBRÚAR 1994.
Austurland
MÁLGAGN ALÞÝÐUBANDALAGSINS
Utgefandi: Kjördæmisráð Alþýðubandalagsins á Austurlandi
Ritnefnd: Elma Guðmundsdóttir, Guðmundur Bjarnason,
Einar Már Sigurðarson, Smári Geirsson
og Steinunn Aðalsteinsdóttir
Ritstjóri: Elma Guðmundsdóttir (ábm.) H® 71532
Auglýsingastjóri:
Rannveig Þorbergsdóttir H® 71514
Ljósmyndari:
Ari Benediktsson H® 71664
Ritstjórn, afgreiðsla og auglýsingar:
Hafnarbraut 4 • Pósthólf 75 • 740 Neskaupstaður
S 71750 og 71571 - Fax: 71756
Útgáfudagar: Miðvikudagar
AUSTURLAND er aðili að Samtökum bæjar- og héraðsfréttablaða
Prentun: Nesprent
Það verður kosið í vor
Hinn 28. maí nk. munu fara fram kosningar til sveitar-
stjórna á íslandi. Þegar eru umræður um sveitarstjórn-
armál farin að fá á sig nokkurn kosningablæ enda flokkar
og samtök á ýmsum stöðum búin að kynna framboðslista
sína og þar með farin að heyja formlega kosningabaráttu.
Flestir sem hugsa af einhverri alvöru um sveitarstjórn-
armál vilja að umræðan í hverju sveitarfélagi fyrir kosn-
ingar sé heiðarleg og málefnaleg. Þá er ætlast til að verk
sveitarstjórnarinnar á síðasta kjörtímabili eða á lengra
tímabili séu vegin og metin og frammistaða einstakra
flokka eða kosningasamtaka tekin til umræðu. Ryk er
dustað af stefnuskrám frá því fyrir síðustu kosningar og
það kannað með hlutlægum hætti hvort eða hve miklu
leyti eftir þeim hefur verið farið. Þá er vandlega farið
yfir stefnuatriði flokkanna fyrir komandi kjörtímabil og
kannað hve trúverðug þau eru og hve málflutningur fram-
bjóðendanna er í miklu samræmi við yfirlýst markmið.
Ef kosningabarátta fer fram með þessum hætti ætti
hún að vera öllum til sóma og umræðan fyrir kosningarn-
ar ætti að geta verið byggðarlaginu til mikils gagns.
Því miður er það svo að ýmsir leggja lítið upp úr heið-
arlegri og málefnalegri kosningabaráttu og vilja frekar
að umræður fyrir kosningar einkennist af persónulegum
skætingi og að menn noti sér tækifærið til að koma óorði
á andstæðinga sína með áberandi hætti. Ef kosningabar-
átta fer út á þessar brautir er hætt við að hún vinni
viðkomandi byggðarlagi meira ógagn en gagn þó ekki sé
nema vegna þess að heiðarlegt fólk getur þá reynst ófáan-
legt til að gefa kost á sér til framboðs.
Þeir flokkar og kosningasamtök sem bjóða fram við
sveitarstjórnarkosningar þurfa nauðsynlega að gera sitt
til að tryggja að málefnaleg kosningabarátta eigi sér stað
í sveitarfélögunum. Besta leiðin til að tryggja frjóa og
málefnalega umræðu er að upplýsa kjósendur um málefni
sveitarfélagsins með reglubundnum hætti. Það er í reynd
hvergi nærri nóg að flokkarnir gefi út einhver blöð og
pésa síðustu vikurnar fyrir kosningar. Það ætti að vera
sjálfsagt mál að þau öfl sem biðla til kjósenda í sveitar-
félögunum á fjögurra ára fresti sýni þeim þá virðingu að
upplýsa þá um gang mála innan sveitarstjórnarinnar með
reglubundnum hætti.
Hér skal sú von látin í ljósi að væntanlegar sveitar-
stjórnarkosningar á Austurlandi verði heiðarlegar og
málefnalegar og lausar við þann persónulega skæting og
rógburð sem því miður hefur borið á stundum. SG
Blak
Þróttarstelpurnar töpuðu fyr-
ir Víkingi í undanúrslitum
Bikarkeppni Blaksambandsins í
íþróttahúsinu í Neskaupstað á
laugardaginn, 3-1.
Þessi úrslit segja þó ekki allt
því Þróttarar voru svo óheppnir
að missa Petru útaf í upphafi
fyrstu hrinunnar og setti það
sinn svip á leik þeirra. Petra var
í uppstökki þegar hún sleit hásin
og verður hún ekki meira með
á þessu keppnistímabili. Það er
verulegt áfall fyrir liðið sem er
í toppbaráttu deildarinnar. En
liðið er sterkt eftir sem áður og
það verður bara að breyta
leikaðferðum og virkja betur
aðra einstaklinga í liðinu.
Það var ánægjulegt að sjá
hvað margir komu á leikinn og
hávaðinn í húsinu var á stundum
ærandi enda leikurinn mjög
spennandi á að horfa.
Bridds 4»
Loðnan kom í veg fyrir að
hægt yrði að ljúka aðalsveita-
keppni BN á mánudagskvöldið
þess í stað var spilaður tví-
menningur með þátttöku 8
para. Úrslit urðu þessi.
1. Hulda-Jón Gunnar 96 stig
2. Elma - ína 94 stig
3. Svavar - Bjarni 92 stig
Á sunnudaginn spiluðu sveitir
Lífeyrissjóðsins og Valdimars
og vann Lífeyrissjóðurinn 21 -
9. Staðan í aðalsveitakeppninni
þegar ein umferð er eftir:
1. Sigfinnur 84 stig
2. Sparisjóðurinn 67 stig
3. Valdimar 66 stig
4. Landsbankinn 61 stig
5. Lífeyrissjóðurinn 59 stig
6. Halldór 9 stig
Sveit Sigfinns verður að telj-
ast sigurstranglegust en hún á
eftir leik við sveit Valdimars og
allt getur gerst í bridge.
Ókeypis smáar
Til sölu er Toyota Landcruis-
er diesel árgerð 1984, ekinn
150.000 km. Mikið breyttur.
Skipti á fólksbíl æskileg.
Upplýsingar í síma 71760.
Sunnudagaskólinn
fellur niður
sunnudaginn
20. febrúar
Norðfjarðarkirkja
Vel varist.
Verkalýðshomið
Um réttarstöðu vegna
þungunar og töku fæðingarorlofs
Undanfarið hefur töluvert
verið spurst fyrir um réttarstöðu
félagsmanna innan félags í ASÍ
er tengjast þungun og töku fæð-
ingarorlofs.
Komið hefur fram að þekking
margra félagsmanna okkar og
atvinnurekenda á lög- og samn-
ingsbundnum rétti fólks í þess-
um efnum er ekki sem skyldi.
í ljósi þess sem að framan
greinir hefur lögfræðingur Al-
þýðusambandsins tekið sarnan
ineðfylgjandi upplýsingar.
Óheimilt er að segja barns-
hafandi konu upp störfum nema
gildar ástæður séu fyrir hendi.
Sama gildir um foreldra í fæð-
ingarorlofi. Brjóti atvinnurek-
andi gegn þessu skal hann
greiða bætur.
Barnshafandi kona á sama
rétt til greiðslu í sjúkdóms- og
slysatilfellum og aðrir, óháð því
hvort veikindin megi reka til
þungunarástands konunnar eða
ekki.
Allir foreldrar eiga rétt á töku
fæðingarorlofs. Ekki þarf að
segja upp starfi vegna töku fæð-
ingarorlofs, heldur skal barns-
hafandi kona tilkynna vinnu-
veitanda með núnnsta kosti 21
dags fyrirvara hvenær hún
hyggst hefja fæðingarorlof sitt.
Þegar fæðingarorlofi er lokið á
foreldri rétt á því og er jafn-
framt skylt að mæta til vinnu að
nýju.
Hafi kona sagt upp starfi sínu
áður en að fæðingarorlofi kemur
hefur hún þar með hætt störfum
og á ekki rétt á því að mæta
aftur til vinnu eftir orlofið.
Einnig hefur þetta áhrif á rétt
til atvinnuleysisbóta, því segi
launamaður upp starfi sínu sjálf-
ur án gildra ástæðna, þarf hann
að bíða í átta vikur eftir að fá
atvinnuleysisbætur. Af gefnu
tilefni er bent á að ekki er nauð-
synlegt að segja uppstarfi vegna
fæðingarorlofs, nema kona ætli
ekki að koma til starfa að nýju
að því loknu. Uppsögn kann að
valda réttindamissi.
Eoreldrar eiga almennt rétt á
6 mánaða fæðingarorlofi sam-
tals.
Undir vissum kringumstæð-
um geta foreldri átt rétt til
lengra orlofs.
Sé barnshafandi konu nauð-
synlegt af heilsufars- eða örygg-
isástæðum að leggja niður störf
meira en mánuði fyrir áætlaðan
fæðingartíma barns á hún rétt á
lengingu í allt að 60daga. Heim-
ilt er þegar sérstaklega stendur
á vegna heilsufars barns, að
lengja greiðslur fæðingarstyrks
og fæðingardagpeninga um einn
mánuð.
Sé um fieirburafæðingu að
ræða lengist fæðingarorlof um
einn mánuð fyrir hvert barn um-
fram eitt.
Að loknu fæðingarorlofi á
foreldri rétt á starfi sínu að nýju.
Ekki má segja viðkomandi upp
fyrr en hún/hann mætir aftur til
starfa, og viðkomandi þarf ekki
að sætta sig við tilflutning í starfi
þegar hún/hann kemur til baka.
Litið er á þann tíma sem for-
eldri er í fæðingarorlofi sem
launalaust leyfi.
Eftir tveggja ára starf telst
fæðingarorlof til starfstíma við
mat á rétti til aukins orlofs, des-
emberuppbótar, orlofsuppbót-
ar, starfsaldurshækkana, veik-
indaréttar og uppsagnarfrests.
Fæðingarorlof allt að 6 mánuð-
um telst til unnins tíma við út-
reikning orlofsréttar, það er
réttar til frítöku en ekki orlofs-
launa. SK