Austurland - 03.09.1998, Blaðsíða 2

2
FIMMTUDAGUR 3. SEPTEMBER 1998
Austuriand
Málgagn Alþýðubandalagsins á Austurlandi
Utgefandi: Kjördæmisráð AB á Austurlandi
Ritnefnd: Einar Már Sigurðarson, Elma Guðmundsdóttir, Guðmundur
Bjamason, Smári Geirsson og Steinunn L. Aðaisteinsdóttir
Ritstjóri: Aðalbjöm Sigurðsson (ábm) S 4771383 cg8994363
Blaðamaður: Sigurður Ólafsson S 477 1066 og 895 8307
Auglýsingastjóri: Erla Traustadóttir S 477 1740
Ritstjórn, afgreiðsla og auglýsingar:
Hafnarbraut 4 - Pósthólf 75 - 740 Neskaupstaður
S 477 1750 og 477 1571 - Fax: 477 1756
Netfang: austurland@eldhom.is
Austurland er aðili að Samtökum bœjar- og
héraðsfréttablaða
Umbrot og hönnun: Austurland
Prentun: Nesprent hf.
Snúa þarf þróuninni við
Síðastliðinn þriðjudag voru í Valhöll á Eskifirði kynntar
niðurstöður könnunar Gallup um hug Austfirðinga til virkjana-
og stóriðjuframkvæmda í fjórðungnum. Könnunin leiddi í ljós
að talsverður meirihluti íbúa er hlynntur slíkum framkvæmdum.
Ein spurningin í könnuninni vekur sérstaka athygli en hún
hljóðar eftirfarandi:
Gerum ráð fyrir að álver verði reist á Austurlandi á næstu
árum. Hvar á Austurlandi telur þú vera heppilegustu
staðsetningu fyrir álver?
Niðurstaða þessarar spurningar er mjög afgerandi.
Langflestir, eða rúmlega 83% þeirra sem taka afstöðu, telja
Reyðarfjörð heppilegustu staðsetninguna fyrir álver á
Austurlandi. Þessi niðurstaða er mjög gleðileg, sérstaklega í
ljósi þess að Austfirðingar hafa fram að þessu verið mjög
duglegir við að deilda innbyrðis og hafa fram að þessu átt
ákaflega erfitt með að koma sér saman um slíka hluti. Gott dæmi
um slíkt eru jarðgangnaframkvæmdir, en sökum ósamstöðu íbúa
fjórðungsins í þeim málum er nú farið að tala um að næstu
jarðgöng verði ekki á Austurlandi. Ef koma á í veg fyrir
áframhaldandi fólksflótta úr fjórðungnum, verða Austfirðingar
að vera samstíga í slrkum málum og ekki má gerast að innbyrðis
deilur komi í veg fyrir framkvæmdir sem yrðu fjórðungnum
öllum til góðs.
En að öðru tengdu. Þrátt fyrir að nú sé ljóst að meirihluti íbúa
fjórðungsins vilji virkjanir og stóriðju á svæðið er ekki þar með
sagt að ráðamenn megi einblína á þessa lausn nú hvað varðar
íbúaþróun. Þrátt fyrir að í dag sé útlitið hvað varðar stóriðju
nokkuð bjart, hefur reynslan kennt okkur að treysta ekki á loforð
um slíkar framkvæmdir. Mikill fjöldi tækifæra til
atvinnusköpunar er á svæðinu og nauðsynlegt er fyrir ráðamenn
að tryggja fjölbreytni í atvinnulífi og nauðsynlegt er að tryggja
slíka fjölbreytni, samhliða því að unnið sé að því að tryggja
stóriðjuframkvæmdum brautargengi. Annarsstaðar í blaðinu
talar Hilmar Gunnlaugsson, lögfræðingur á Egilsstöðum, um
það að Austfirðingar séu 20 til 25% á eftir höfuðborgarsvæðinu
hvað internet og tölvuvæðingu varðar. Þetta eru ískyggilegar
tölur og nauðsynlegt er fyrir fjórðunginn að snúa þróuninni við.
Mikill vaxtarbroddur er í hugbúnaðargeiranum þessi misserin og
ljóst að svo verður áfram um allnokkuð skeið a.m.k. Ef
Austfirðingar eiga að fara að dragast afturúr í þessum málum er
hætt fyrir okkur komið og því verður að bregðast við skjótt.
Ljóst er að meðan Reykjavík hefur þetta forskot mun
landbyggðarfólk með tölvuþekkingu leita þangað sem „hlutirnir
eru að gerast“ og bilið mun breikka. Aðgerða er því þörf;
aðgerða á borð við tölvuskóla Framtíðarbarna sem tryggir
austfirskri æsku aðgang að tölvuþekkingu. Einnig þarf að
tryggja að einstaklingar sem hafa hugsað sér að vinna í
hugbúnaðargeiranum, geti starfað hér á svæðinu, og það gerist
ekki öðruvísi en með einhverskonar styrkjum frá sveitarfélög-
um. Ef við getum gert svæðið fýsilegt á einhvem hátt fyrir fólk
í hugbúnaðargeiranum, ætti þekkingin að fara að leita aftur inn í
fjórðunginn, en ekki öfugt.
Ráðamenn Austurlands ættu að hafa þetta í huga meðan þeir
íhuga næstu skref í stóriðju, en ljóst er að eitthvað þarf að gera
þar til framkvæmdir hefjast. as
Daglegar
ferðir
Neskaupstaðurs. 477 1190
Eskifjörður s. 476 1203
Reyðarljörður s. 474 1255
Viggó £
Vöruflutningar
0)477 1190
Lokað
frá 4. - 14.
september
Lækurinn
Egilsbraut
Frá Tónskóta
N eskaupstaðar
Innriíun á haustönn fer fram
þriðjudaginn 8. og miðvikudaginn 9. sept.
báða dagana frá kl. 14.00 -17.00.
s i tiústw®0' s*
Foreldrar eða forráðamenn eru beðnir að
koma með nemendum og greiða skólagjöld
eða semja um greiðslur þeirra.
Ath. Hægt er að greiða með Visa.
Nemendur eru beðnir að hafa með sér stundaskrár.
Skólastjóri
Austfiröingur vikunnar
Fullt nafn? Margrét Lára Þórarinsdóttir
Fæðingardagur? 12. febrúar 1976
Fæðingarstaður? Akureyri
Heimili? Skriðuklaustur í Fljótsdal
Núverandi starf? Söngkona
Önnur störl? í ferðamannabransanum
Fjölskylduhagir? Bíð eftir hinum eina rétta
Bifreið? MMC Galant árg. 1979
Uppáhalds matur? Gæsasteik
Uppáhalds drykkur? Kaffi
Versti matur? Ávaxtahlaup
Helsti kostur? Góður kokkur
Helsti ókostur? Óákveðin
Uppáhalds útivistarstaður? Kleifarskógur
Hvert langar þig mest að fara? Út um allan heim
Fallegasti staður sem þú hefur komið á? Skeiðarársandur
Áhugamál? Tónlist, jarðfræði og fomleifafræði
Uppáhalds tónlistarmaður? Mozart, Tom Waits, Nick Cave ásamt fleimm
Hvað metur þú mest í fari annarra? Hreinskilni
Hvað dettur þér í hug þegar þú heyrir orðið klaustur? Klaustur
Mottó? Aldrei aftur að vera óákveðin... held ég
Skemmtilegasta sem þú gerir? Ferðast, syngja, veiða og skemmta mér
Leiðinlegasta sem þú gerir? Eyða tímanum í vitleysu