Eining - 01.10.1953, Blaðsíða 11

EINING
11
1

%
Sloínað bindlndis-
félag ökumanna
Eftir töluverðan undirbúning var
stofnað bindindisfélag ökumanna 28.
júlí s. 1. Af þeim, er þá höfðu skráð sig,
gátu þó aðeins 9 komið til fundar. Þá
var kosin þriggja manna stjórn, er búa
skyldi undir framhaldsstofnfund, gera
frumdrög af lögum félagsins og merki
þess. Þessir voru þá kosnir í stjórnina:
Sigurgeir Albertsson, húsabygginga-
meistari, form., Ásbjörn Stefánsson,
læknir, ritari og Guðjón Guðlaugsson,
húsabyggingameistari, féhirðir. Nokkru
síðar kom stjórnin saman á heimili rit-
stjóra Einingar til þess að ræða um lög
félagsins og var þá tveimur mönnum
falið að gera frumdrög af lögunum, þeim
Ásbirni Stefánssyni og Pétri Sigurðs-
syni.
A norræna bindindisþiginu voru
mættir fulltrúar frá sams konar félaga-
samtökum í Norðurlöndunum fjórum,
þar á meðal formaður Norðurlanda
sambands bindindisfélaga ökumanna,
hr. Simon Fredriksson. Undir stjórn
hans voru svo nokkrir fundir félagsins
í sambandi við þingið sjálft, og á ein-
um slíkum fundi á Hótel Borg, þar sem
íslenzku félagarnir buðu hinum erlendu
gestum sínum til kaffidrykkju, var ís-
lenzka félagið tekið inn í Norðurlanda-
sambandið og því vel fagnað af fulltrú-
um allra Norðurlandanna fjögurra.
Félagsskapur þessi, sem orðinn er
öflugur bæði í Svíþjóð og Noregi, hef-
ur látið okkur í té margvíslegar upplýs-
ingar, lög þeirra í þessum löndum, til
hliðsjónar, og ýms gagnleg plögg um
starfsemi samtakanna.
Þriðjudaginn 29. september var svo
haldinn framhaldsstofnfundur Bindindis-
félags ökumanna á íslandi og höfðu þá
skráð sig 28 stofnendur alls. Þar var
nafn félagsins endanlega samþykkt, lög
þess í 10 greinum einnig samþykkt, lagt
fram frumriss af fyrirhuguðu bílmerki
félagsins, samþykkt inntökugjald og
ársgjald, kosnir fjórir menn til viðbótar
í stjórnina, tveir endurskoðendur, tveir
menn gerðir heiðursfélagar, og ýms mál
rædd.
Á fundinum gátu ekki allmargir ver-
ið, sem höfðu skráð sig. Til viðbótar
þeim sem fyrir voru í stjórn, voru kosn-
ir þessir: Halldór Þórhallsson, strætis-
vagnastjóri (varaformaður), Jens Hólm-
geirsson, fulltrúi; Benedikt Bjarklind,
lögfræðingur og Eiríkur Sæmundsson,
heildsali. Endurskoðendur voru kosnir,
Gunnar Árnason, skrifstofustjóri og Jón
B. Helgason, kaupmaður.
Þriggja manna stjórn, sem fyrir var,
hefur sýnt mikinn áhuga og unnið þeg-
ar vel. Ritarinn, Ásbjörn Stefánsson,
læknir, færði félaginu að gjöf myndar-
legar félagsbækur, bæði handa ritara
og féhirði, og einnig tvær skjalamöpp-
ur, og hlaut fyrir það og starf sitt hinar
beztu þakkir. Stjórnin er nú mjög vel
mönnuð og má af henni góðs vænta.
Stjórn félagsins lék hugur á að fá
tvo menn í félagið, sem ekki stjórna
bifreið, þá Brynleif Tobiasson, áfengis-
málaráðunaut og Pétur Sigurðsson, rit-
stjóra Einingar, sem undanfarin ár hef-
ur hvatt til stofnunar slíks félagsskapar.
Var þá ekki annað ráð fyrir hendi en að
gera þá að heiðursfélögum, sem lög fé-
lagsins heimila, og var það samþykkt.
Telja má víst, að menn fagni al-
mennt þessum nýja félagsskap, og láti
sér skiljast, að hann getur unnjð hið
mesta gagn, ef lán er með og sem flest-
ir áhugamenn á þessu sviði ljá honum
lið. Lög félagsins verða birt hér í blað-
inu við tækifæri og getur þá hver, sem
þau les, séð að verksvið félagsins er
mikið og starf þess hið þarfasta. Það
stefnir að sem fullkomnastri og örugg-
astri umferðarmenningu.
Tilgangur félagsins er einnig sá, að
standa vörð um hagsmuni félagsmanna
í sambandi við bílatryggingar og fleira.
Israel
í ísrael hafa menn verið að koma upp
mikilli áfengisgerð. Á hún að geta fram-
leitt 350,400,000 tunnur af áfengum
drykkjum á ári, hver tunna er 150 lítrar.
New York
I New York eru 2—3 hundruð þúsund
áfengissjúklingar. Öll útgjöld í sambandi
við þessa áfengissjúklinga eru talin vera
200 milljónir dollara árlega. Þetta er sam-
kvæmt skýrslu heilbrigðis- og velferðar-
ráðs borgarinnar.
r

Nýjasti skólinn
Ævi manna er stutt, en margt að
læra. Ævin verður því öll að vera
þrotlaust nám. Þótt menn stundi
nám í skólum öll æskuárin og verði
fullprófaðir í einu og öðru, þurfa þeir
samt að halda náminu áfram ævi-
langt. Margt gleymist og tíðarandi
og venjur bera oft afvega, jafnvel
hirðumenn.
Þótt mjenn læri t. d. móðurmálið
sæmilega vel, verður öllum þorra
manna það á að tala eins og fjöld-
inn talar, en það er meira og minna
skakkt. Margt er það, sem veldur
málskemmdum, en þeim þarf stöðugt
að verjast.
Fyrir nokkru flutti Magnús Finn-
bogason, menntaskólakennari, mjög
athyglisvert erindi. I fyrri hluta er-
indisins svaraði hann að nokkru leyti
ádeilu, sem æði oft hefur komið fram
á hendur þeirra kennara, seni ís-
lenzku kenna í framhaldsskólum. 1
það mál vill Eining ekki blanda sér,
en ritstjórinn bað þess, að mega birta
í smáskömmtum málvenjuleiðrétt-
ingar þær, sem taldar voru upp í er-
indinu, því að óhugsanlegt er, að
allur þorri hlustenda hafi getað fest
þær sér í minni til hlýtar. Að þessu
sinni flytur Nýjasti skólinn aðeins
nokkrar fyrstu leiðréttingarnar, en
mun svo halda því áfram í næstu
blöðum Einingar, unz þær eru upp-
taldar. Bezt er að taka fyrir lítið í
einu, svo að menn geti fest sér leið-
réttingarnar í minni. Það er ekki,
hvað við heyruml, heldur hvað við
munum og lærum, sem gagnar okk-
ur bezt. Islenzku kennarinn, Magn-
ús Finnbogason, segir:
Ekki skulu menn mæla: láta eitt-
hvað í ljósí — heldur: í Ijós. Ekki:
halda einhverju á lofti — heldur
á loft.
Ekki: berast á banaspjótum —
heldur: berast á banaspjót — bera
banaspjót hvor (eða hver) á annan.
Ekki: mifeið betri, verri, lakari —
heldur: miklu betri, verri, lakari. —
Með miðstigi skal fara mismunar-
þágufall, en ekki þolfall.
Ekki: vel eða illa íiðinn — heldur:
vel eða illa þokkaður, kynntur, lát-
inn. Liðinn í þessari merkingu er
ekki íslenzka.
Ekki: í mörgum tilfellum — held-
ur: oft, oftlega.
Ekki: þýðingarmikill — heldur:
mikilvœgur, mikilsverður.
Ekki: hafa mikla (eða litla) þýð-
ingu — heldur: skipta miklu (eða
litlu) máli eða hafa mikiS (eða lítið)
gildi.
Ekki: það hefur mikið að segja —
heldur: það skiptir miklu máli.
*
Þessar 10 leiðréttingar skulum við
nú læra til hlýtar unz næsta blað
Einingar kemur út. Við skulum lesa
þær daglega, þar til öruggt er að við
notum aldrei þessar setningar, seml
íslenzku kennarinn segir að séu ekki
íslenzka. Af einberum trassaskap
notum við iðulega setningar, sem við
vitum að eru vitleysa, eins og til
dæmis: „hvernig hefur þú það“. —
Þessi setning er ljót í íslenzku máli.
»