Eining - 01.03.1957, Blaðsíða 7

EINING
7
sofið ekki nóg og fáið ekki nóga hvíld. Þó ætlast ég auðvitað
ekki til, að þið sofið lengur á morgnana, heldur farið fyrr að
sofa á kvöldin.
Nœturgöltur og kvöldlíf íslenzkrar œsku eru eitt alvarlegasta
uppeldisvandamáliS.
Það er ekki aðeins, að þið ofreynið óharðnaðar taugar með
ónógri hvíld, svo að heilsa ykkar getur beðið varanlegt tjón
af, heldur veikir kvöldlífið líka siðferðilegt viðnám.
Hœttur kvöldsins
Kvöldið er siðferðilega hættulegasti tími dagsins.
Þegar sleppir aðhaldi starfsins og jafnframt nýtur skjóls
myrkursins, þá losnar um það lélegasta í manninum. Kvöld-
ið er tími syndarinnar. L’heure du crime, stund glæpsins,
kalla Frakkar miðnættið.
Ef við viljum varðveita æskuna sem lengst hreina og
óspillta, þá eigum við að halda henni frá kvöldlífinu.
En hví miður er það þveröfugt hér á Islandi. Ég er ekki
viss um, að œska nokkurs lands sé jafnmikið á ferli á síð-
kvöldum eins og ceska íslands.
Hér er þjóðarvoði á ferðinni. Æskan spillir heilsu sinni,
líkamlegri, andlegri og siðferðilegri.
Oruggasta ráðið til þess að draga úr spillingu heimsins
væri sennilega að draga úr kvöldlífi bæjanna. En þar er við
ramman reip að draga, þar sem er nautnaeðli mannsins og
hins vegar gróðafíkn þeirra, sem lifa á spillingu heimsins.“
Dagurinn, sem fœr birtu og líf
Skólameistari sagði ennfremur að það mætti næstum því
segja, að það væri gæfumerki að vera kvöldsvæfur. Það væri
atorkumerki að vera árrisull. Hvort tveggja bæri vott um
heilbrigði. Það hlyti að vera eðlilegast að sofa þegar myrkrið
væri svartast. Sennilega væri hollast að hátta kl. 8 og fara á
fætur kl. 4, en maðurinn hefði fært þennan tíma úr eðlilegu
fari og þannig fjarlægzt náttúruna, orðið óheilbrigður, og því
lengra sem hann færi út fyrir mörkin, því óheilbrigðari yrði
hann.
,,Sofnið snemma og vaknið snemma“, sagði Þórarinn
skólameistari. ,,Því fylgir líkamleg og siðferðileg heilbrigði.
Þá verður dagurinn ykkur léttur, kemur á móti ykkur eins og
vinur, sem færir ykkur birtu og líf.“
Þakkir hinar beztu skal skólameistari hafa fyrir sinn ágæta
málflutning, en við eigum sem flest, að taka undir orð hans,
og meira en það. Við eigum öll að vinna að því í þjóðfélag-
inu, að sem bezt bót verði ráðin á því, sem skaðar okkur
verst, hvers konar óregla og ómenning sem það er.
Gaman þykir mér að orðum skólameistara um bezta svefn-
tímann, kl. 8 að kvöldi til 4 árdegis. Eg fer jafnan að geispa
eftir kl. 8, en sef oftast lítið eftir klukkan 5 árd. gæti vel
tamið mér að rísa kl. 4, eins og John Wesley, hinn mikli
prédikari og siðbótarmaður Englendinga gerði um 50 ára
skeið og lifði þó fram á níræðisaldur.
Síðkvöldin eru hinn útvaldi tími allra spilliafla: siðspill-
andi skemmtana, léttúðar og lauslætis, óhófs samkvæma, alls
konar óreglu, afbrota og lasta, svo að ekki sé nú minnst á
vitfyrringshátt sumra næturklúbbanna. Fæst illverk munu
framin í dýrðarljóma morgunstundanna.
Stærstu syndir allra kynslóða eru svikið og klaufalegt
uppeldi æskumanna. Takizt það illa, er heimurinn í afturför,
en lánizt það vel, eru þjóðirnar á leið til frama og farsældar.
Pétur Sigurðsson.
Orðsending frá hátemplar til allra
reglufélaga
Arið sem leið reyndi vissulega á þolgæði okkar allra.
Andrúmsloftið á sviði alþjóðamála til eflingar umburðar-
lyndis, góðvildar og friðar, umhverfðist skyndilega í grimd
og ógnþrungna viðburði, jafnvel stríð og múgmorð.
En ljóma slær þó á þessa hryggilegu viðburði. Öllum
heiminum hefur enn einu sinni orðið það ljóst, að frelsisþrá
manna er ekki auðveldlega kæfð. Þeir menn, bæði karlar og
konur, sem um áratug hafa búið við hlífðarlausan bumbu-
slátt áróðursvélar einræðisstefnunnar, hafa sýnt, að þeir ala
enn í brjósti sér hugsjón frelsi, sem þeir hafa fórnað lífinu, í
baráttu með berar hendur gegn sextíu þungalestaskriðdrek-
um.
Á hinni flughröðu frelsisstundu Ungverja notaði yfirstjórn
alþjóðareglu góðtemplara tækifærið til þess að ná sambandi
við reglubræður þar í landi. Okkur gafst færi á að tjá þeim
þetta: ,,Við höfum ekki gleymt ykkur, og við réttum ykkur
bróðurhönd. Það var okkur mikið fagnaðarefni að hitta þá
fyrir fúsa til samstarfs á ný. En nú hefur járntjaldið fallið
enn einu sinni. Við náum ekki þar yfir til vinanna, en við
vitum af þeim, að málefni okkar á einnig hug þeirra og hjarta,
og að sú er ósk þeirra, að þeir gætu notið hinna sömu dásam-
legu réttinda og við, að geta unnið að frelsi mannkynsins og
bræðralagi manna.
Vígjum þá líf okkar á ný því málefni, er við höfum heitið
trúnaði, að afmá eina mestu bölvun í samfélagi manna og
efla sem víðtækasta menningu og sambúðarhæfileika allra,
svo að bræðralagshugsjónin geti orðið að óhagganlegum
veruleika. Framgangur og sigrar góðtemplarareglunnar skulu
vera okkur máttug hvatning. Það er ekki lítilsvirði, að í mörg-
um löndum höfum við fjölgað félögum olckar, og hinu má
heldur ekki gleyma, að á undanförnum árum hefur tekizt
náið samstarf við ýmsar templarareglur á Norðurlöndum, sem
áður hafa unnið bindindisstarf sitt utan við alþjóðasamtökin.
Mikilvægast er þó af öllu það, að við höfum sannreynt, að
áhugi og þreklyndi félaga okkar er enn sem áður algerlega
ólamað.
Bróðurlegast,
Ruben Wagnsson, hátemplar.
Hamborg gefur femplurum hús
Norska Godtemplarbladet greinir frá örum vexti templara
í Vestur-Þýzkalandi. Þeir hafa þó ekki enn komizt þar, sem
þeir voru fyrir styrjöldina miklu, en þeir sækja fram af mikl-
um áhuga og dugnaði. Verkefni hafa þeir nóg, því að drykkju-
skapur er geigvænlega mikill í landinu.
Hamborgarbær hefur gefið templurum ágætt hús, mjög
nálægt aðaljárnbrautarstöð borgarinnar. Húsakostur þessi er
góður og nægilegur til ýmissa félagsstarfa.
Hvenær rís hús af grunni í Reykjavík, sem nægir bindindis-
starfseminni í bænum og þjóðarinnar í heild?
Hófdrykkjumennirnir, svo nefndu, eru smitberar áfengissýkinnar