Eining - 01.08.1957, Blaðsíða 8
8
E I N I N G
E I N I N G
Mánaöarblað um bindindis- og menningarmál.
Ritstjóri og ábyrgðarmaður: Pétur Sigurösson.
Blaðið er gefið út með fjárstyrk frá ríkinu og stórstúku íslands.
Öll bréf til blaðsins og ritstjórans skulu send í Pósthólf 982,
Reykjavík, en ekki til afgreiðslunnar, Suðurbraut 6, Kópavogi.
Sími blaðsins er 5956-
Árgangur blaðsins kostar 30 kr., en í lausasölu 3 kr. hvert eintak.
Þfóðháftáð og þjéðhollusfta
Þjóðinni hlotnaðist sú blessun að njóta sérstakrar veður-
blíðu um allt land á þjóðhátíðardaginn. Fólkið var fagnandi
og fjölmennti við hátíðarhaldið. Mikið litaskraut blasti við
augu áhorfandans, þegar horft var yfir manngrúann á Arnar-
hólstúni í Reykjavík og í miðbænum. Auk skreytingar bæjar-
ins bar mikið á litklæðum barna og unglinga og jafnvel full-
orðinna. Víðast mun allt hafa farið fallega og sómasamlega
fram. Oftast þó einhverjir sjálfum sér til skammar og öðrum
ama.
Það er fallegt að halda þjóðhátíð og syngja um ást á Iandi
og þjóð, en svo er óþjóðhollusta manna æpandi mótsögn við
slíkt. Menn sem hafa tvöföld laun á við allan þorra mann,
leika sér að því hvað eftir annað að gera verkföll, stöðva
atvinnuvegi og valda þjóðinni stórtjóni, og stofna beinlínis
öllu fjármálasjálfstæði hennar í voða. Verkföll ættu að vera
orðin úrelt og aðrar leiðir færar, sem betur sæma siðmenntuð-
um þjóðum.
í sambandi við þjóðhátíðina er venjulega flutt ýmislegt
gott mál í ræðu og riti. Hið fallegasta ,er eg sá á prenti að
þessu sinni voru þrjú stef eftir Helga Valtýsson. Þau birtust í
Lesbók Morgunblaðsins og eru á þessa leið:
,,Rekk meg din haand, mín fjende,
rekk meg din haand i dag“.
(Henr. Wergeland)
Himininn brosir í blánandi heiði,
barmafullur af þakkargjörð !
Blóð mitt syngur í sunnanblænum,
sólgull flæðir um dal og fjörð.
Og fagnaðarþráin fyllir mitt hjarta
að faðma hvert líf á jörð !
I dag á þjóð mín úr værð að vakna
og vorhugul strengi sína slá,
samræma hjartans hrynjandi söngva
í hæstu eining og dýpstu þrá,
svo djúpúðg þökk vor og drottins blessun
drjúpi allt land vort á !
Já, komum nú öll — og verum vinir
í verkfúsri ást ! — Syngjum Islands lag.
Svo stælist viljinn til starfs og dáða,
og styrkist og eflist hvert hjartaslag ! —
Rétt mér hönd þína ! — Verum vinir !
Vinnum það heit í dag !
Helgi Valtýsson.
Oft yrkja þeir lítið, sem yrkja bezt. Þetta litla ljóð er
máttugt í einfaldleik sínum. Öfl ljóss og hita faðma þar sálir
okkar. — Betri 17. júní boðskapur verður ekki fluttur.
P. S.
Háftíóarguósþjónusfta i Bessa-
sftaóakiirkju á hvíftasunnudag
Sól skein yfir landi á hinni björtu sumarhátíð kristninnar,
er fram fór í Bessastaðakirkju mjög hátíðleg guðsþjónusta.
I upphafi Guðsþjónustunnar flutti forsetinn, herra Ásgeir
Ásgeirsson, ræðu þá, er hér fer á eftir.
Fyrir altari þjónuðu biskup landsins, herra Ásmundur
Guðmundsson, biskupsritari, séra Sveinn Víkingur og dóm-
prófasturinn, séra Jón Auðuns. Biskupinn flutti stólræðuna
og vígði nýtt altari og altaristöflu.
Eins og ræða forsetans skýrir frá, hafði kirkjan nú auðg-
ast á ýmsan hátt af búningi, og bar þar ekki sízt á altaris-
töflunni og hinum undurfögru glugga-listaverkum.
Kirkjugestir munu hafa verið á þriðja hundrað og létu
forsetahjónin sig ekki muna um að bjóða gestum eftir guðs-
þjónustu í bæinn og bera þeim góðar veitingar.
Allir áttum við indæla stund á Bessastöðum þenna sólríka
hátíðardag við hátíðlegt tækifæri og geymum urn hana góð-
ar minningar. Færum forsetahjónunum hugheilar þakkir fyr-
ir boðið og hjartanlegar móttökur. Biðjum Bessastaðakirkju,
forsetaheimilinu og hinu æðsta embætti landsins blessunar
Guðs um ókomnar ára- og aldaraðir.
Pétur Sigurðsson.
Steindur gluggi í Bessastaðakirkju - Hallgrímur Pétursson.
(Myndirnar tók P. Thomsen)