Eining - 01.01.1963, Blaðsíða 11
EINING
11
ari, Sigurgeir Albertsson, trésmíðameistari, Óskar Pétursson,
verkstjóri, Valdimar Örnólfsson, menntaskólakennari.
Endurskoðendur:
Helgi Tryggvason, kennari, Ingimar Jóhannesson, fulltrúi.
Þessir fulltrúar sátu þingið:
Frá Áfengisvarnaráði: Frú Guðlaug Narfadóttir.
„ Áfengisvarnanefnd kvenna: Frú Sesselja Konráðsdóttir, frú
Fríður Guðmundsdóttir og frú Sigríður Björnsdóttir.
” Alþýðusambandi Islands: Guðgeir Jónsson.
” Bindindisfélagi kennara: Marínó L. Stefánsson, kennari,
Helgi Tryggvason, kennari.
” Bindindisfélagi ökumanna: Sigurgeir Albertsson.
” Félagi menntaskólakennara: Magnús G. Jónsson, mennta-
skólakennari, Valdimar Örnólfsson, menntaskólakennari.
” Hvítabandinu: Frú Jóna Erlendsdóttir og frú Þuríður Þor-
valdsdóttir.
” Hjálpræðishernum á íslandi: Svava Gísladóttir og Óskar
Jónsson.
” Iþróttasambandi Islands: Benedikt G. Waage og Axel Jónsson.
” Kristilegu félagi ungra kvenna: Frú Guðlaug Sverrisdóttir
og frú Betsý Halldórsson.
” Kvenfélagasambandi Islands: Frú Aðalbjörg Sigurðardóttir
og frú Ólöf Sigurðardóttir.
” Kvenréttindafélagi Islands: Frú Jakobína Mathiesen og frú
Lára Sigurbjörnsdóttir.
” Landssambandi framhaldsskólakennara: Jón Sætran, kenn-
ari og Frank Halldrósson, kennari.
” Landssambandi KFUM: Helgi Elíasson.
” Náttúrulækningafélagi Islands: Árni Ásbjarnarson.
” Prestafélagi Islands: Björn Magnússon, prófessor.
” Sambandi bindindisfélaga í skólum: Róbert Jónsson.
„ S. D. Aðventistum á Islandi: Jón H. Jónsson, kennari.
” Stórstúku Islands: Benedikt S. Bjarklind, stórtemplar, Ind-
riði Indriðason, rithöfundur.
Auk þessara fulltrúa sátu þingið þrír frá Áfengisvarnaráði:
Séra Kristinn Stefánsson, áfengisvarnaráðunautur, Magnús Jóns-
son, bankastjóri, Fétur Björnsson, erindreki. — Frá einstöku
aðildarfélögum landsambandsins komu engir fulltrúar, og hefur
ýmislegt valdið því. En þátttakan mátti heita góð alla vega.
Ályktanir og tillögur þingsins voru þessar:
Fimmta þing Landssambandsins gegn áfengisbölinu varar al-
varlega við þeirri hættu, sem stafar af aukinni áfengissölu og
fjölgun áfengisveitingastaða. Einnig vekur það athygli á því,
hversu áfengistízka hefur magnazt á síðustu þrem árum, þar sem
nær þykir sjálfsagt, að í samkvæmum sé vín haft um hönd, hvort
heldur er á vegum einstaklinga eða opinberra stofnana, og blöð,
útvarp og leikhús stuðla að þessari tízku með því er þau flytja,
og á það bæði við um fréttaefni blaðanna og það, sem flutt er
í nafni listanna. Telur þingið þjóðina leiðast með þessu inn á
stórhættulega braut, sem hefur áður komið þjóðum á kné, og
er enn að leiða hnignun og margs konar ógæfu yfir ýmsar þjóðir
heims.
Þingið bendir á, að allar niðurstöður vísindalegra rannsókna
á afleiðingum áfengisneyzlu, jafnvel í hve litlum mæli sem
er, sýna að hún er skaðleg heilsu, dómgreind og ekki sízt starfs-
hæfni manna og viðbragðsflýti, er einkum veldur slysum og
tjóni við stjórn og meðferð véla og ökutækja. Telur þingið í
þessu sambandi sérstaka ástæðu til að benda á ískyggilega fjölg-
un ölvunarbrota við akstur, og hina miklu fjölgun ökuslysa,
sem eiga að miklum hluta rót sína að rekja til áfengisneyzlu.
Þingið vekur athygli á því, að þessi þróun í áfengismálunum
hlýtur að leiða til þess, að tala áfengissjúklinga fer ört vaxandið
og því ber nauðsyn til þess, að styrkja þær stofnanir, er vinna
að lækningu og gæzlu áfengissjúkra manna, bæði karla og
kvenna. Telur þingið í því sambandi mikilvægt starf Bláa bands-
ins, svo og þeirra hæla fyrir áfengissjúklinga, er rekin eru af
opinberri hálfu. Heitir þingið á ríkisvaldið að efla þá starfsemi
enn meir, sbr. ákvæði áfengislaga um áfengisvarnir.
Þingið vill þó leggja enn ríkari áherzlu á það, að efla enn
meir þá þætti áfengisvarna, er miða að því að sporna gegn neyzlu
áfengra drykkja. Heitir þingið á Alþingi og ríkisstjórn að efla
starf áfengisvarnaráðs og áfengisvarnanefnda, m. a. með því
að leggja áfengisvarnaráði til aukið starfsfé, svo unnt verði
að ráða a. m. k. einn erindreka að auki til starfa á vegum þess,
er einkum geti gefið sig að því að leiðbeina ungu fólki um holla
tómstundaiðju og skemmtanir, þar sem áfengisneyzla sé úti-
lokuð. Þakkar þingið allt það, sem þegar hefur verið unnið að
þeim málum, bæði af bæjarfélögum, kirkjunni, góðtemplara-
reglunni KFUM og K, skátafélögum og öðrum þeim, er þeim mál-
um hafa sýnt skilning og aðstoð.
Þingið telur ennfremur sérstaka ástæðu til þess, að efla
og styrkja meir en verið hefur starfsemi allra þeirra félaga, er
starfa að bindindismálum, jafnframt sem það þakkar stuðning
áfengisvarnanefnda og áfengisvarnaráðs og annarra þeirra fé-
lagasamtaka, sem með þátttöku sinni í Landssambandinu gegn
áfengisbölinu og á annan hátt hafa stutt að framgangi bindind-
ismálsins. Vill þingið undirstrika nauðsyn þess, að öll frjáls sam-
tök um eflingu bindindis hljóti ríflega aukinn styrk til starf-
semi sinnar, bæði með hækkun á framlagi samkvæmt ákvörðun
áfengisvarnaráðs og á hinu beina framlagi ríkissjóðs til Stór-
stúku íslands.
Þingið hvetur til aukinnar áherzlu á fræðslu um skaðsemi
áfengis og lýsir þakklæti fyrir framtak Stórstúku íslands og
bréfaskóla SÍS um námskeið í þeim fræðum, og væntir þess að
þau fræðslubréf, sem gefin verða út í því sambandi, verði tekin
til notkunar í skólum landsins, og í öllu fullnægt kröfum fræðslu-
laga og áfengislaga um kennslu í þeirri grein.
Þingið þakkar starf tryggingafélags bindindismanna, Á-
byrgðar, og telur það geta orðið til mikils styrks bindindis-
málinu. Skorar það á alla bindindismenn að láta það njóta við-
skipta sinna, og efla með því þann þátt í starfsemi bindindis-
manna.
Þingið skorar á alla góða menn, konur og karla að ljá lið
málstað bindindisins með eigin fordæmi og góðum orðum, og
stuðla að sínu leyti eftir megni að útrýmingu alls þess böls,
er af áfengisneyzlu leiðir.
Fimmta þing Landssambandsins gegn áfengisbölinu mælir
fastlega gegn því, að vínveitingatími vínveitingahúsanna verði
lengdur frá því sem nú er, hvort heldur er með því að lengja
veitingatímann á hverju kvöldi, þegar vínveitingar eru leyfðar,
eða með því að leyfa vínveitingar á miðvikudagskvöldum.
Þingið þakkar framtak bæjarstjórnar Akureyrarkaupstaðar um
það, að lokað var útsölu áfengisverzlunarinnar á staðnum með-
an minnzt var 100 ára afmælis Akureyrarbæjar, og að engar vín-
veitingar voru hafðar um hönd í sambandi við þessi hátíða-
höld. Vill þingið benda á fordæmi Akureyrar í þessum efnum,
og jafnframt að ríkissjómin hefur ekki veitt áfengi 1. janúar
né 17. júní undanfarin ár, og skorar það fastlega á ríkisvald og
bæjarfélög að fella niður vínveitingar í opinberum veizlum.
Þingið skorar á sýslunefndir, að taka upp í lögreglusamþykkt-
ir ákvæði, er takmarki mjög aðgang unglinga undir 16 ára
aldri að almennum skemmtisamkomum, t. d. með því að banna
þeim aðgang nema í fylgd með foreldrum sínum.