Ljósmæðrablaðið - 01.03.1957, Qupperneq 9

LJ ÓSMÆÐR ABLAÐIÐ
1Ö
verða mikilsverðar og gagngerar breytingar á starfi
vaka og efnaskiptum líkamans. Fylgjan, sem framleið-
ir mikinn fjölda vaka, hverfur skyndilega. Öll úrgangs-
efni frá fóstrinu sömuleiðis. En líkami konunnar, sem
hægt og smám saman hefur vanizt þessum úrgangs-
efnum, neyðist nú aftur til að hverfa skyndilega í sitt
gamla horf. Ef vakastarf konunnar er í lagi, er ekkert
að óttast, en sé það í einhverju ólagi (aldur konunnar
skiptir hér miklu máli, og þar að auki lítið andlegt
mótstöðuafl fyrir, getur illa farið.
Þá tekur við þriðja tímabilið, þ. e. tíminn, sem kon-
an hefur barn sitt á brjósti. Eggjastokkarnir mynda
tvær tegunlir kynvaka: eggjabúsvaka (follikúlín), sem
myndast í þroskuðu eggbúi eggjastokkanna, sem síðar
springur og kemur tíðum af stað, og hinn gagnverk-
andi gulbúsvaka (lúteín) sem myndast í hinu svonefnda
gulbúi, en það er nýsprungið eggbú. Mjólkurmyndunin
örvar til gulbúsvakamyndunar, eftir að vakar fylgjunn-
ar eru úr leik, en gulbúsvakinn tefur þroska eggbúanna
og hindrar egglos.
Brjóstin búast til að gegna hlutverki sínu, og mjólk-
in verður til úr næringarefnum í blóðinu. Enn ný efna-
skipti í líkama konunnar á skömmum tíma. En öll þau
efni, sem í blóðinu eru, berast með því um frumur
heilans á leið þess til síns ákvörðunarstaðar.
, Taugaveiklim.
Taugaveiklun meðgöngutíma, fæðingar. og barnsfara
hefur, eins og ljóst er af því sem sagt hefur verið, nægilegt
líkamlegt ívaf. Og svo bætist við hinn sálræni þáttur:
áhyggjurnar og kvíðinn fyrir því, sem fram undan er.
Um hina minni háttar taugaveiklun leikur nokkur
óvissa, hvort beri að telja hana sérstakan sjúkdóm með
gagnstæðilegum einkennum. En það er taugaveiklun,
sem ekki sést á geðveikrahælum og sjaldan á stofnun-