Ljósmæðrablaðið - 01.05.1963, Blaðsíða 9

L JÓSMÆÐR ABL AÐIÐ
35
vildu það ekki. Þar fyndist sér, að ljósmæðurnar gætu grip-
ið inn í. Það væri ekki til þess ætlast, að allar ljósmæður
væru skyldugar að taka þetta að sér. Margar ljósmæður
hefðu meira en nóg að gera í umdæmum sínum. Það væri
aðeins starfsemi fyrir þær, sem hefðu áhuga á þessu og
álitu, að þær hefðu tíma til þess. Frú Whaland sagði, að
þar sem ljósmæður hefðu uppfræðslu í kynferðismálum
gengi það ágætlega.
Það kom svo fram ósk um að haldið yrði námskeið, þar
sem aðallega væri uppfræðsla í kynferðismálum fyrir þær
ijósmæður, sem vildu kenna.
Að lokum var svo rætt um mæðrakennslu, þ. e. a. s.
kennsla um meðgöngutímann um rétt mataræði, sjálfa
fæðinguna, afslöppun, mæðarleikfimi o. s. frv.
Vanfærar konur hafa haft lítinn áhuga á þeirri kennslu,
en sá áhugi virðist þó vera að glæðast. Ein fundarkona
sagðist hafa byrjað kennslu fyrir 12 árum. Fyrst hafi
bara komið 3—4 konur, þegar flest var, en nú séu alltaf
13—14 þátttakendur á hverju námskeiði.
Um kvöldið voru svo allar ljósmæðurnar, 150 að tölu,
boðnar til kvöldverðar af sýslunefnd Blekinge. Þar var
veitt af mikilli rausn.
Laugardaginn 19. maí voru svo innanfélagsmál, kosn-
ingar og fleira. Erlendu fulltrúarnir voru ekki viðstaddir
þann fund.
Um hádegi var svo sameiginlegur hádegisverður, og
hélt hver heim til sín.
Magnea GuQnadóttir