Ljósmæðrablaðið - 01.05.1963, Blaðsíða 10
36
LJÓSMÆÐRABLAÐIÐ
^unnar CBienng lœlnir:
Erythroblastois Foetalis
Eins og lesendum blaðsins er kunnugt, er þetta þriðja greinin
nú á stuttum tíma, er íslenzkir læknar hafa látið blaðinu í té, enda
hafa lesendur metið þær að verðleikum. Gunnar Biering barna-
læknir léði grein þessa til birtingar nú fyrir skömmu, og kann
blaðið honum beztu þakkir fyrir.
Erythroblastosis foetalis er sjúkdómur, sem hlýtur að
vera jafngamall mannkyninu, því hann er nátengdur blóð-
flokkunum. Lýsingar á þessum sjúkdómi má finna í rit-
um Platers allt frá því herrans ári 1641. Orth lýsir Kernic-
terus árið 1875. Ballantyne varð fyrstur til að lýsa
Hydrops foetalis árið 1892 og Rautmann gaf fyrstur
manna sjúkdómnum nafnið Erythroblastosis foetalis 1912.
1932 sýndi Diamond, Blackfan og Baty fram á það að
Hydrops foetalis, Icterus gravis og Haemolytisk Anaemia
i nýfseddum börnum voru allt tilbrigði af sama sjúkdómn-
um.
Verulegur skriður komst þó ekki á þessi mál fyrr en á
árunum 1939—1940, þegar Levine, Stetson, Landsteiner
og Wiener uppgötvuðu Rh. blóðflokkana og samband
þeirra við Erythroblastosis foetalis.
Þó það hafi komið í ljós á síðari árum, að fjöldi ann-
arra blóðflokka koma hér til greina, þá er það langalgeng-
ast að Erythroblastosis orsakast af því að rauðu blóð-
korn barnsins innihalda Rh-faktor, sem móðurina vantar,
þ. e. a. s. barnið eða öllu heldur fóstrið er Rh positivt,
en móðirin Rh negativ. Komist fósturblóðkornin í gegn-
um placenta inn í blóðrás móðurinnar, hvetja þau blóð