Ljósmæðrablaðið - 01.01.1969, Page 6

6
LJÓSMÆÐRABLAÐIÐ
bannað að hreinsa til. Aðeins sjúkrahús fengu hjálp her-
manna, til að f jarlægja úrgang og annað þaðan.
Dvölin í París var lærdómsrík, þótt París sjálf væri
leiðinleg og sýndi andlit ofstækis og öfga, sem ásamt
öðru verra eyðilagði þá ánægju, er ferðamaðurinn annars
getur notið svo ríkulega í þessari fögru og sögufrægu
borg.
Frá París lá svo leiðin um London, Kaupmannahöfn til
Stokkhólms á einum og sama sólarhring, þar sem Norrænt
ljósmæðramót var að hef jast. I Stokkhólmi dvaldi ég síðan
í 6 vikur og heimsótti margar góðar stofnamr þ. á. meðal
Sodersjukhuset, sem ég þekkti vel frá gömlum tíma,
Danderyd Sjukhus, Karolinska Sjukhuset, Alm. B. B.
Mæðradeildina í Mársta og hið fræga Bláklintshem í Lin-
köping.
I Stokkhólmi bjó ég allan tímaim í Ljósmæðraskólan-
um, sem kom sér einkar vel, því ég var orðin afar lang-
þreytt á stöðugum flutningum frá einni stofnun til ann-
arrar. Auk þess sýndu þær mér þann sérstaka velvilja,
að láta mig ekki greiða eyri fyrir dvöl mína þar, og það
kom sér vel fyrir galtóma pyngju.
Hvað er það þá, sem ber hæst í minningaheimi mínurn
frá þessari dvöl? Það er margt, sem ég minnist þakklát-
um huga alveg sérstaklega, en e. t. v. hefur það þó glatt
mig allra mest að sjá og heyra, að þrotlaust starf manna
eins og Dr. G. D. Read og Dr. F. Lamaze nær stöðugt
meiri árangri og fer nú sigurför í huganum og störfuia
starfandi lækna og ljósmæðra víða um heim. Hugsjónir
og skoðanir þessara manna hafa átt hug minn allan allt
frá mínum fyrstu ljósmóðurárum, og því ekki að undra,
þótt þetta hefði gleðjandi og uppörvandi áhrif á mig-
Eins og öllum er sjálfsagt þegar ljóst, á ég hér við
hlið málsins, er snýr að því að efla hjá verðandi mæðruh1
heilbrigða afstöðu gagnvart hlutverki sínu, hjálpa þei111
og hvetja til andlegs og líkamlegs heilbrigðis og hreiu-