Einherji - 20.12.1997, Blaðsíða 6
EINHERJI
DESEMBER 1997
Kjördæmisþing
Framsóknarflokksins
í Norðurlandskjördæmi vestra,
haldið á Staðarflöt í Hrútafirði
dagana 8. - 9. nóvember 1997
Formaður kjördæmisstjórnar Magnús Ólafsson
setti þingið og bauð þingfulltrúa og gesti vel-
komna. Mættir voru um 50 manns að þessu sinni.
Eftir skýrslu formanns og
upplestur reikninga kjör-
dæmissambandsins og Ein-
herja voru útgáfumál Ein-
herja rædd. Björn Elannes-
son ritstjóri skýrði frá því að
dreifingarkostnaður blaðs-
ins hafi aukist vegna
hækkunar á burðargjöldum
hjá Pósti og síma, en að
öðru leiti hafi útgáfa
síðasta árs verið með hefð-
bundnum hætti.
Stefán Guðmundsson al-
þingismaður flutti fundin-
um kveðju Guttorms Óskars-
sonar sem átti ekki heiman-
gengt að þessu sinni, en
hann hefur setið öll kjör-
dæmisþing Framsóknar-
manna í þessu kjördæmi
síðan 1959.
Framsöguerindi
Þá var komið að fram-
söguræðum gesta og flutti
Jón Kristjánsson alþingis-
maður Framsóknarmanna
á Austurlandi framsögu-
ræðu um stjórnmálin.
Hann fagnaði því að fá að
koma á þingið og minntist
á að Framsóknarmenn úr
kjördæminu væru þekktir
fyrir góða mætingu á fundi
bæði heima í kjördæminu
og á þing og fundi syðra.
Jón minnti á að kjörtíma-
bil alþingis væri hálfnað og
stjórnarstarfið einnig. Nú
þyrfti að horfa fram á
næstu öld með góðum
undirbúningi. Hann minnti
á að Framsóknarflokkur-
inn vildi öflugt efnahagslíf
fyrir alla landsmenn og
jafnvægi rrkisfjármála væri
forsenda þess. Nú hafa
fjárlög verið lögð fram sem
sýna afgang m.a. vegna
lækkunar fjármagns til
atvinnumála, landbúnaðar-
mála, í opinberum fjárfest-
ingum og til LÍN. Hefur
lækkunin aðallega farið til
tryggingamála.
Veiðileyfagjald taldi Jón
vera íþyngjandi skatt á
landsbyggðina. Málflutn-
ing fylgjandi gjaldinu taldi
hann óábyrgan en gefið
væri í skyn að tekjuskatt
mætti fella niður.
Jón taldi að aukin verk-
efni sveitarfélaga efldu
landsbyggðina. Að lokum
væri það lán flokksins að
standa utan sameiningar-
umræðu félagshyggjuflokk-
anna því þá umræðu taldi
hann byggjast á því að moka
öllum málefnaágreiningi
undir teppið.
Páll Pétursson félagsmála-
ráðherra flutti seinni fram-
söguna og sagði stjórnar-
samstarfið hafa gengið
vonum framar vel. Hyldýpi
væri á milli skoðana Fram-
sóknarflokksins og núver-
andi stjórnarandstöðu og
sagði hann að horfur á
sameiningu á vinstri væng
stjórnmála verði að veru-
leika en sá flokkur yrði
ekki girnilegur samstarfs-
flokkur til að byrja með.
Nú er landið orðið eitt
atvinnusvæði og horfur eru
á að 14000 störf yrðu til
fyrir árið 2000, en eins og
menn muna stefndi Fram-
sóknarflokkurinn á að
12000 ný störf yrðu til fyrir
aldamótin.
Nú hafa bændur, sjómenn
og vörubílstjórar fengið
rétt til atvinnuleysisbóta og í
undirbúningi er að húsa-
leigubætur verði greiddar í
öllum sveitarfélögum á
landinu.
Páll ræddi vandamál
vegna fólksflótta úr dreif-
býlinu og taldi ástæður þess
hugsanlega þær að einhverju
marki, að almenningsálitið á
höfuðborgarsvæðinu væri
orðið andsnúnara dreif-
býlinu en áður var.
Síðustu 2 ár hefur fjarað
undan kúabændum en hins
vegar hafa horfur með
sauðfjárafurðir heldur skán-
að frá því sem orðið var.
Páll hvatti til að farið
verði að virkja við Villinga-
nes og sagði best að hlutur
heimamanna verði sem
stærstur. Stefnubreyting er
að verða í raforkumálum
og líklegt að heimamenn
fái að koma þar að. Verði
af þessari virkjun hjá
Villinganesi með þátttöku
heimamanna fáist ódýrari
raforka.
Frjálsar umræður
Eftir kaffihlé hófust um-
ræður um stjórnmálin í
framhaldi af framsögu Jóns
Kristjánssonar og Páls
Péturssonar.
Bjarni Marinó Þorsteins-
son Siglufirði, mótmælti
þátttöku Framsóknarflokks-
ins í því verki íhaldsins að
afnema tengingu launa og
tryggingaupphæða. Hann
nefndi að stjórnkerfi fisk-
veiða smábáta væri hlutur
sem verkaði sterklega á
landsbyggðaflóttann.
Sverrir Sveinsson raf-
veitustjóri Siglufirði, tók til
máls og talaði um raforku-
mál og hvatti þingið til
ályktunar um lækkun raf-
orkuverðs sem væri m.a.
einn þáttur í flutningi fólks
frá landsbyggðinni. Hann
hvatti Pál og Stefán sem
þingmenn Framsóknar-
flokksins að þeir ynnu að því
að sett yrði upp olíu-
hreinsunarstöð á Norður-
landi vestra.
Herdís Á. Sæmundar-
dóttir kennari Sauðárkróki,
tók til máls og harmaði
hvernig höfuðborgarsvæð-
inu og landsbyggðinni væri
att saman. Hún sagði eflingu
menntunar í kjördæminu
afar mikilvæga og þá
sérstaklega farskólana sem
gæfu miklu fleirum mögu-
leika til menntunar. Fólk
þyrfti ekki að flytja með
böm og bú, gæti því stundað
sína vinnu og haldið sitt
heimili.
Bogi Sigurbjömsson skatt-
stjóri Siglufirði, sagði að
tekjutengja yrði elli- og
örorkulífeyri svo þetta fólk
gæti framfleytt sér sómasam-
lega. Einnig gagnrýndi Bogi
harkalega að heimilt væri að
selja, eignfæra og afskrifa
fiskveiðikvóta. Hvatti hann
til þess að framsóknarflokk-
urinn hefði forgöngu um að
afnema þetta fyrir næstu
kosningar.
Björk Axelsdóttir kennari
í Húnavallaskóla, varpaði
fram þeirri spumingu hvort
grunnskólinn gæti þjónað
hlutverki sínu því hún teldi
að sveitarfélögin hafi verið
plötuð til að taka við þeim
áður en búið var að einsetja
skólana og laga launamál
kennara og taldi hún að
sveitarfélögin hafi ekki bol-
magn til að rétta við skólana.
Guðmundur Jónasson
mótmælti niðurskurði og
fjárskorti til sjúkrastofn-
ana og til framhaldsskóla,
Páll Pétursson félagsmálaráðherra, Árni Cunnarsson
aðstoðarmaður hans og Sighvatur Torfason íbyggnir á svip
Þingforsetarnir Kristján (sfeld og Elín R. Líndal. í ræðustól Magnús Ólafsson formaður
kjördæmissambandsins.