Einherji - 20.12.1997, Blaðsíða 9
DESEMBER 1997
EINHERJI
■
*
C^luim 0igIfivdtitgum og ^ljútniiiöttttiuit
gteöilcgrof jótoíjúttöor og fot*§teí§
liumnttöt óio. meö ftoítítlteíi fijeit* öiÖSttifititt
og gott £om§torf ó óriiut ðem cr oð líím.
IKIEA
iðjuver við austanverðan Skagafjörð
Sverrir Sveinsson veitustjóri á Siglufirði
Stefán Ólafsson prófessor
vann fyrir Byggðastofnun
skýrslu um orsakir og eðli
íbúaþróunar á íslandi
umdanfarin ár. Sigurður
Guðmundsson forstöðu-
maður þróunarsviðs Byggða-
stofnunar sagði frá
niðurstöðum þessarar
skýrslu á miðstjórnarfundi
Framsóknarflokksins 22.
nóvember s.l.
Komu fram hjá honum
kunnuglegar ástæður fólks-
flutninga frá landsbyggð-
inni til Suðvesturlands s.s.
versnandi ástand í atvinnu
og húsnæðismálum auk
minni möguleika til menn-
ingar og afþreyingar, sam-
göngumál, verslun og
þjónusta. Þessum niður-
stöðum fylgdi auk þess spá
að í Norðurlandskjördæmi
vestra myndi íbúum fækka
um 13% á næstu 10 árum.
Ég lít á þessa niðurstöðu
sem sönnun þess að ekki
hefur allt verið gert af
hálfu hins opinbera sem í
þess valdi hefur verið. Ég
get ekki sætt mig við þessa
spá og finnst að allt verði
að gera sem í mannlegu
valdi er, til að snúa þessari
þróun við. Nokkuð hefur
þó verið gert til að greina
þessi mál. Hinn 22.
janúarl997 var haldin fjöl-
menn ráðstefna í Miðgarði
um skýrslu sem unnin var
af nefnd sem Páll Péturs-
son félagsmálaráðherra
skipaði og fjallaði um
atvinnumál í kjördæminu. í
október 1996 koma fram
svipaðar áherslur og í
niðurstöðum í skýrslu Stef-
áns Ólafssonar sem
Sigurður Guðmundsson
kynnti á miðstjórnarfund-
inum.
í niðurstöðum skýrsl-
unnar um iðnaðar- og
atvinnumál segir m.a.:
„Kanna ber möguleika á
staðsetningu lítils eða
meðalstórs iðjuvers á
svæðinu sem mundi fram-
leiða einingar fyrir stærri
framleiðslu á heimsmark-
aði. Slrkt yrði að gera í
samvinnu við stærri erlend
iðnfyrirtæki, sérstaklega er
verið að kanna möguleika
á framleiðslu sem krefst
töluverðrar orku og / eða
hátækni og helsta hráefni til
framleiðslunnar verði ál
sem fengist innanlands.
Þegar á að hefjast handa
við undirbúningsvinnu til
þróunar og kynningar á
kostum svæðisins fyrir
fyrirtæki í orkufrekum
iðnaði. Vinna þarf síðan að
nánara staðarvali fyrir slíkt
iðjuver.“
Þingflokkur framsóknar-
manna hélt ráðstefnu um
atvinnumál á Blönduósi í
maí s.l. þar sem fjallað var
um stöðu atvinnumála
kjördæmisins. Lagði ég
þar áherslu á að RARIK
fengi leyfi iðnaðarráðu-
neytisins að virkja Héraðs-
vötn í Skagafirði við
Villinganes, og benti á að
með því að virkja einungis
30 MW væri hægt að lækka
orkukaup fyrirtækisins af
Landsvirkjun um 150-200
mkr. þessi framkvæmd gæti
verið liður í því að lækka
orkuverð til notenda Raf-
magnsveitna ríkisins.
Lækkað orkuverð á
landsbyggðinni á að vera
forgangsverkefni þing-
manna vegna sívaxandi
óánægju fólks með raf-
orkuverð til upphitunar.
Vinna við undirbúning að
þessari framkvæmd er
hafin milli heimamanna og
RARIK. Finnur Ingólfs-
son lýsti því yfir á mið-
stjórnarfundi Framsóknar-
flokksins að ef samstaða
yrði milli þessara aðila,
myndi hann beita sér fyrir
því að þeir fengju virkjunar-
heimild við Villinganes.
Á kjördæmisþingi fram-
sóknarmanna á Norður-
landi vestra, sem haldið var
8.-9. nóvember sl. á
Staðarflöt í Hrútafirði, var
samþykkt ályktun um
byggðamál. þar segir um
þennan málaflokk m.a.:
„Að hefja markvissa sókn
til uppbyggingar iðnaðar á
Norðurlandi vestra. Meðal
annars með skipulagðri leit
verði reynt að laða fyrir-
tæki til að flytja starfsemi
sína tO kjördæmisins. Þingið
hvetur eindregið til virkjunar
Héraðsvatna við Villinga-
nes á vegum RARIK.
Mikilvægt er að hlutur
kjördæmisins verði sem
stærstur og þar með íhlut-
unarréttur varðandi nýt-
ingu orkunnar."
Eins og sést á þessum
samþykktum hafa heima-
menn bent á möguleika
sem þeir sjá og geta breytt
stöðinni í atvinnumálum
og lagt til aðstöðu fyrir slík
fyrirtæki sem síðan kæmu
með fjölbreyttari atvinnu-
fyrirtæki. Oftar en ekki er
sagt að heimamenn verði
að koma með hugmyndir,
þá muni ekki skorta við-
leitni og vilja þingmanna
að fylgja málum eftir við
framkvæmdavaldið. Að
sjálfsögðu eru hugmyndir
til allsfyrst. Ég setti fram þá
hugmynd fyrir mörgum
árum að staðsetja eigi iðju-
ver við austanverðan
Skagafjörð og benti á
svæðið innan við Straum-
nes þar sem er 36 m
dýptarlína rétt innan við
Hrolleifshöfða og hægt er
að byggja höfn þar sem
yrði í skjóli fyrir norð-
austanátt. Með því að
staðsetja iðjuver á þessum
stað væri hægt að tengja
saman í eitt atvinnusvæði
þéttbýlisstaðina Sauðár-
krók, Hofsós og Siglufjörð,
en nokkur fólksfækkun
hefur verið á öllum þessum
stöðum. Að mati Byggða-
stofnunar er vinnuradíus
um 40 km milli Siglufjarðar
og Sauðárkróks eru 96 km,
og þessi staður sem ég
bendi á er rétt norðan við
Hofsós. Þannig er þessi
staðsetning kjörin til að ná
þeim markmiðum að stað-
setja fyrirtækið m.t.t. nú-
verandi aðstæðna og hafa
áhrif á flutning fólks frá
þessum stöðum. Með
öðrum orðum að snúa
vörn í sókn. Finnur Ingólfs-
son iðnaðarráðherra sagði
frá því á miðstjómarfundi
Framsóknarflokksins að
áhugi væri hjá bandarísk-
rússnesku fyrirtæki M.D.
Seis, að byggja olíuhreins-
unarstöð á íslandi. Ég tel
því að nú sé kjörið tækifæri
fyrir sveitarstjórn Hofs-
hrepps að setja sig í sam-
band við iðnaðarráðherra
fyrst hann hefur gefið upp
boltann og vinna að því að
fyrirtækið verði staðsett
þarna.