Tímarit Verkfræðingafélags Íslands


Tímarit Verkfræðingafélags Íslands - 29.12.1949, Blaðsíða 18

Tímarit Verkfræðingafélags Íslands - 29.12.1949, Blaðsíða 18
92 TlMARIT V.F.I. 1949 Chemistry of Portland Cement, 1947) gengur al- gerlega fram hjá því. ! erindinu er minnst á það, að mér hafi tekizt með segulhreinsun að hækka kisilsýruhlutfallið upp í 1.84. Síðan er farið nokkrum orðum um galla þessarar aðferðar, og er m. a. vitnað í skýrslu Elm- quists. Þess er hinsvegar ekki getið, að Elmquist tókst að hækka hlutfallið í basalti frá Patreksfirði upp í 1.67 og í skeljasandi frá Önundarfirði upp í 1.86. Ekki er heldur minnzt á, að hann taldi mögu- leika fyrir því, að hægt væri að framkvæma þessa hreinsun með fleytingu, ef segulhreinsun reyndist ekki heppileg, né heldur að hann lagði áherzlu á, að gengið væri úr skugga um þessa möguleika. 1 kafla erindisins um staðsetningu verksmiðjunn- ar er tölum nokkuð breytt frá því, sem birt var í greinargerð 5.—8. ágúst nefndarinnar, en forsend- urnar eru hinar sömu. Þó ber að geta þess, að að- stæður Örfiriseyjar hafa verið endurskoðaðar, en mismunurinn á aðstæðum Akraness og Örfiriseyjar, kr. 1.50 pr. t. af sementi, er „einnig hér Akranesi í vil". Þessi mismunur kemur fram m. a. í því, að í Örfirisey er áætlað að greiða kr. 1.70 pr. t. af sem- enti fyrir flutning verkafólks til og frá vinnu, en á Akranesi mun tilætlunin vera, að starfsfólkið gangi til vinnunnar. Þessi atriði, sem hér að framan hafa verið rædd, eru of margbrotin til þess, að þeim verði gerð veru- leg skil í f jögurra dálka grein. Það er líka skoðun mín, að ágreiningsatriði okkar dr. Jóns hafi ekki verið hentugt efni til einhliða frásagnar í Ríkisút- varpinu, þótt hann hafi heldur kosið að ræða þessi mál þar en að mæta til umræðu á félagsfundi í V.F.Í. Örstutt athugasemd. Þessi ritsmíð Haralds Ásgeirssonar gæti gefið tilefni til langra andsvara, svo margt fer þar milli mála. Sumt skil ég ekki. Engin ástæða er þó til að leiðrétta hvaðeina, greinin er þannig úr garði gerð. Verð ég því fáorðari en efni standa til, nefni aðeins þrjú dæmi um málflutning Haralds. 1. 1 álitsgerð dags. 5. maí 1949 til atvinnumálaráðuneytisins segir Haraldur Ásgeirsson: „Þótt nægur sandur fyndist á Faxaflóa og við strendur Snæfellsness og Mýra er ekki vitað til þess að til séu tæki, sem með nokkru óryggi séu fær um að afla þessa hráefnis, við þau skilyrði sem fyrir hendi eru". Og síðar í sömu álitsgerð: „Viðtöl við vitamála- stjóra, hafnarstjóra Rvíkur, fv. frkv.stj. S.R. o. fl. hafa styrkt skoðun minnihlutans (þ. e. H. Á.) á því að það séu litlar líkur til þess að sandnám í Faxaflóa fyrir verksmiðju staðsetta við Reykjavik, standist samkeppni við sandnám á Patreksfirði fyrir sömu verksmiðju." — Nú segir H. Á.: „Fyrst skal sú skoðun mín staðfest, að ég álít, að sandnám við strandlengju Snæfellsness og hafnleysi Mýra muni ekki standast samkeppni við sandnám á Patreksfirði fyrir verk- smiðju við Faxaflóa, hvorki hvað kostnað né öryggi snertir." Nú er sandnámi í Faxaflóa sleppt. Að líkindum vill H. Á. dylja andúð sína á rannsóknum í Faxaflóa eða láta hana falla í gleymsku, nú, eftir að allt annað er komið á daginn en hann hélt fram. 2. I greinargerð, er fylgdi frumvarpi til laga um; sements- verksmiðju, er birt áætlun eftir H. Á. um kostnað við dreyf- ingu sements frá Önundarfirði og pökkun þess í þar til gerðu skipi. Er miðað við flutning á öllu því sementi, sem hefði þurft að flytja með skipi frá Önundarfirði til hafna hér á landi, eigi aðeins til Reykjavíkur, heldur einnig annarra hafna. Kemst hann að þeirri niðurstöðu, að þessi kostnaður verði kr. 20.00 pr. tonn af sementi. — Nú segir H. Á., að flutn- ingsgjaldið eitt saman á olíu frá Hvalfirði til Reykjavíkur sé kr. 25.00 pr. tonn. Hvoru skyldi maður eiga að trúa? Eða kannske hvorugu? 3. H. Á. virðist álíta, að ætlunin sé að dæla sandi úr fjör- unni fyrir framan verksmiðjuna á Akranesi með sjó beint inn i hráefnamylluna. Mér vitanlega hefur engum dottið það í hug nema H. Á., og ekki var ráð fyrir því gert i sementsverksmiðjunefndinni. Fyrr má nú dæla sandinum beint inn i verksmiðju en að honum sé dælt með sjó beina leið í mylluna! Á fundinum í V.F.l. 20. jan. s.l. hélt H. Á. þessu sama fram, og sagði ég honum þá, að slíkt hefði mér vitanlega aldrei komið til mála. Ætlunin væri að dæla sand- inum úr fjörunni beint inn í verksmiðju og láta hann setjast þar til. Að dómi verkfræðinga hjá F. L. Smidth & Co. myndi ekki vera þörf að þvo með vatni úr sandinum sjóinn, sem þá væri eftir. Þessum upplýsingum skeytir H. Á. engu, og er það enn ein sönnun þess, hve vitagagnslaust það er að reyna að rökræða við hann um þessi mál. Er ég búinn að fá langa reynslu í þvi efni. En ekki nóg með það, að H. Á. reikni með allt of miklu sjómagni i útreikningum sinum hér að framan, heldur virðist hann halda, að sjór innihaldi 3,5% af alkalísöltum. Hið rétta er, að sjór inniheldur um 2,8% af alkalísöltum. Svo er að sjá sem Haraldur hafi enn þá skoðun, að ráðlegt sé að brenna sement úr skeljasandi og basalti einu saman og óþarft muni að bæta þar við kísilsýruríku hráefni. Hélt ég þó sannarlega, að hann hefði séð að sér í því efni. En hvers vegna sannfærði hann ekki verkfræðinga hjá F. L. Smidth & Co. um þetta, er hann var á ferðalagi í Danmörku og víðar í erindum sementsverksmiðjunnar 1946, og aftur 1949, er verkfræðingur frá fyrirtækinu kom hingað til lands ? Og hvers vegna sannfærði hann ekki E. Elmquist í þessu efni, er hann ferðaðist með honum hér á landi 1948? Þá gáfust tækifæri til að koma skoðunum þessum á framfæri. En því getur H. Á. búist við, þótt það kunni að vera raunalegt fyrir hann, að álit hans í þessu efni mun naumast verða tekið fram yfir álit E. Elmquists, verkfræðinga hjá F. L. Smidth & Co. og annarra sérfræðinga á þessu sviði, er njóta álits víða um heim. Jón E. Vestdal. Ýmsar athuganir og fréttir. Félagsmerki. Verkfræðingafélag Islands efnir til almennrar samkeppni um félagsmerki fyrir V.F.I., sem hafa megi í stimpil á skjöl félagsins og auðkenni þess, t. d. á verkfræðingamótum og sem félagsmenn geti borið við slík tækifæri. Uppdrætti að merkinu og útskýringar skal senda félagsstjórninni fyrir 30. mai n.k. Félagsstjórnin skipar dómnefnd. Einum verð- launum — kr. 500,00 — fimm hundruð krónum — er heitið fyrir það merki, sem dómnefndin velur. Stjórn V.F.l. Norrænt efnafræðingamót i Helsingfors 1950. Dagana 21. til 25. ágúst 1950 verður haldið 7. norræna efna- fræðingamótið í Helsingfors. Islenzkum efnafræðingum hefur verið boðin þátttaka í mótinu, og er hverjum þátttakanda heimilt að taka einn gest með sér á mótið. Þeir efnafræðingar, sem vilja taka þátt I mótinu geta til- kynnt þátttöku sína til Gísla Þorkelssonar, Atvinnudeild Há- skólans, i síðasta lagi fyrir 15. maí 1950. Gísli Þorkelsson gefur einnig nánari upplýsingar varðandi mótið. G. Þ. Steindórsprent h.f.

x

Tímarit Verkfræðingafélags Íslands

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tímarit Verkfræðingafélags Íslands
https://timarit.is/publication/860

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.