Tímarit Verkfræðingafélags Íslands - 01.06.1950, Side 14

36
TlMARIT V.F.l. 1950
3. hefti fjallar um radiolampa, sem komu á markaðinn
á árunum 1940—1941, er það 260 bls. með 267 myndum og
línuritum.
4. hefti fjallar um notkun radiolampa í viðtækjum og
mögnurum, svo sem hátíðni- og millitiðni-mögnurum,
tíðnibreytum, skynjurum o. fl. Er heftið 467 bls. með
256 myndum.
Fjögur hefti til viðbótar í þessum sama flokki eru
væntanleg innan skamms.
Bækurnar eru allar hinar vönduðustu.
M. M.
Karl Stenstadvold: Industriell Elektrovarmeteknikk.
Oslo 1950.
Bók þessi er 572 bls. að stærð með 363 myndum, gefin
út af Norske Elektrisitetsverkers Forening. Er bókin
í 35 köflum og gefur glögga lýsingu á hinum ýmsu
aðferðum, sem notaðar eru til þess að framleiða hita
með rafstraumi ásamt hinum mismunandi gerðum ofna
til bræðslu, herzlu og þurrkunar, sem notaðir eru nú
á dögum í ýmsum iðngreinum. Er í bókinni getið nokk-
urra nýjunga, sem fram hafa komið eftir síðasta stríð.
M. M.
Dansk Ingeniörforening hefir sent Tímariti V.F.I.:
Normer for málinger pá radiomodtagere. Teknisk Forlag.
Khöfn 1950.
Er hér um að ræða reglur um mælingar á radio-
viðtækjum, og eru þær samdar af nefnd, sem kosin
var af rafmagnsverkfræðingadeild danska verkfræðinga-
félagsins árið 1944.
Ná reglurnar yfir flestar mælingar, sem nauðsyn-
legt er að gera í sambandi við prófanir á radioviðtækjum.
M. M.
Faste höjder i boligbyggeriet
nefnist lítið kver (16 síður A5), sem húsnæðismála-
ráðuneyti Dana gaf út i ágústmánuði síðastl. Nefnd
arkitekta og verkfræðinga, sem danska verkfræðinga-
félagið skipaði, hefur samið kverið.
Eins og nafnið bendir til, er efni kversins hvatning
til þess að nota ákveðna lofthæð, 280 cm, i öllum nýj-
um íbúðarhúsum. 20 cm eru valdir sem eining (mo-
dulus), enda er það hæðin á þrem múrsteinslögum. 1
samræmi við það er mælt með 4 gluggahæðum, 120,
140, 160 og 180 cm og 3 hæðum undir glugga, 60,
80 og 100 cm.
Samræmingin miðar að því, að gera húsin ódýrari
í byggingu með því að hægt verður að skera allar leiðsl-
ur i réttar lengdir fyrirfram, smíða glugga og hurðir
í verksmiðjum o. s. frv.
Tölur þær, sem kverið mælir með, eru miðaðar við
múrsteinshleðslu, og e.t.v. eru aðrar tölur heppilegri
fyrir okkar byggingarefni og aðferðir. Eigi að síður
hefðu allir, sem hér fást við byggingar, gott af að lesa
þetta kver og hugleiða boðskap þess, ef þeim mætti
þá verða ljósara en áður, hvers virði „standardiser-
ing“ er.
Ól. J.
Akademiet for de tekniske videnskaber
í Kaupmannahöfn hefur nýlega sent VFl allar vís-
indaútgáfur sínar frá árunum 1945—1950, samtals um
40 rit. Tímaritið mun á næstunni birta skrá um þessi rit.
NÝiR FÉLAGAR.
Hjálmar R. Bárðarson
er fæddur á Isafirði 8. júní 1918, sonur Bárðar G.
Tómassonar, skipasmiðs, og konu hans Filippíu Hjálm-
arsdóttur. Hjálmar tók
stúdentspróf við Mennta-
skólann í Reykjavík 1939.
Árið 1940 fór hann til Dan-
merkur og vann þar fyrst
við flugvélasmíði, en hóf
síðan nám við Danmarks
tekniske Hojskole og lauk
þar prófi í skipaverkfræði
í janúar 1947. Að námi
loknu starfaði hann um
skeið við Helsingor Skibs-
værft og Maskinbyggeri,
en siðan við skipasmíða-
stöðina í Beverley í Eng-
landi. Frá ársbyrjun 1948
hefur hann verið fram-
kvæmdaverkfræðingur (driftsingenior) við Stálsmiðjuna
h.f. í Reykjavík. Hann hefur átt sæti i skipaöryggis-
nefnd. — Hjálmar hefur fengizt nokkuð við ljósmyndun
og hlotið mikla viðurkenningu fyrir myndir sínar víða
um heim. M. a. er hann heiðursfélagi í „Danske ka-
mera pictorialister" (D.K.P.), Árið 1945 kom út eftir
hann í Danmörku kennslubók í ljósmyndun. Greinar um
ljósmyndun hefur hann skrifað í dönsk, sænsk og sviss-
nesk tímarit og víðar. Þá hefur hann ritað nokkrar
greinar um skipasmíði o. fl. Árið 1939 hlaut hann gull-
pennaverðlaun við stúdentspróf fyrir ritgerðina „Flug-
mál Islands". — Hjálmar kvæntist 16. júní 1946 Else
Sorensen, sem er fædd 6. maí 1920 í Gautaborg. Hann
var tekinn í félagið á stjórnarfundi 24. nóv. 1949.
Gestur Stefánsson
er fæddur 8. des. 1923 að Haga í Gnúpverjahreppi,
sonur Stefáns Sigurðssonar, bónda, og konu hans Mar-
grétar Eiríksdóttur. Gest-
ur tók stúdentspróf við
Menntaskólann á Akureyri
vorið 1943. Síðan stundaði
hann verkfræðinám við
Háskóla Islands og lauk
þar fyrrihlutaprófi árið
1945, en lokaprófi í bygg-
ingaverkfræði við Dan-
marks tekniske Hojskole
árið 1949. Að námi loknu
réðist hann til Bæjarverk-
fræðings í Reykjavík, en
starfar nú um skeið hjá
fél. „Fosskraft", meðan
bygging Sogsvirkjunarinn-
ar stendur yfir. — Gestur
var tekinn í félagið á stjórnarfundi 24. nóv. 1949.
STEINDÓRSPRENT H.F.