Dagblaðið Vísir - DV - 09.08.2005, Qupperneq 16

16 ÞRIÐJUDAGUR 9. ÁGÚST2005
Fréttir DV
Hryðjuverk
í Kína
42 ára gamall kínverskur
bóndi sprengdi sjálfan sig í
loft upp með heimagerðri
sprengju í Suðaustur-Kína.
Maðurinn hafði áður verið
greindur með lungna-
krabba.Allsslösuðust31 í
árásinni. Engin ástæða
hefur verið gefin upp fyrir
árásinni, en menn grunar
að hár sjúkrahússkostnaður
hafi spilað inn í, en margir í
dreifbýlli héruðum lands-
ins hafa ekki efni á dýrri
læknishjálp.
Sandstormur
íírak
Sandstormur geisaði í
írak í gær. Loka þurfti
öllum verslunum í Bagdad,
höfuðborg íraks, og
atvinnulífið lamaðist, en
einhverjir sáu þó gróðarvon
í veðurofsanum og hófu
sölu á andlitsgrímum.
Maturbersttil
Níger
Mataraðstoð barst til
hins snauða Afríkuríkis
Níger í gær. Alþjóðlega mat-
vælastofnunin kom með
mat og aðrar nauðsynjar til
suðurhluta landsins. Mann-
réttindasamtök hafa bent á
að betur megi ef duga skal
því tugir þúsunda íbúanna
svelta.
Kvöldferðir
ídýra-
garðinn
Dýragarðurinn í Prag er
nú opinn á kvöldin fyrir
almenning og hefur þessi
nýbreytni mælst afar vel
fyrir. Boðið er upp á ferðir
með leiðsögumanni á hálf-
tímaffesti á kvöldin. Alls
hafa 750 þúsund manns
heimsótt dýragarðinn á
þessu ári.
Sahara groðrarstí
Bandarísk yfirvöld hræðast uppbyggingu hryðjuverkastarf-
semi í Sahara-eyðimörkinni. Talið er að eyðimörkin sé afar
heppilegur staður fyrir hryðjuverkamenn vegna lítils eftirlits
á svæðinu. Mikil áhersla hefur verið lögð á héraðið Sahel í
suðurhluta Sahara. „Við höfum nú þegar orðið vitni að
hryðjuverkum í Sahel og nú er þetta bara spurning um
hversu slæmt þetta getur orðið,“ segir hershöfðinginn
Charles Wald sem hefur reynt að beina augum Bandaríkja-
stjórnar að Sahara.
Hryðjuverkin í Sahel áttu sér stað
í júni þegar ráðist var á márítaníska
herstöð og 15 hermenn drepnir.
Samtök Salafista sem kalla sig GSPC
lýstu yfir ábyrgð á verknaðinum.
Salafistamir draga nafn sitt frá arab-
íska orðinu salafi og vísar til upp-
runalegra múslima. Fullt nafn sam-
takanna er Hreyfing salafista fyrir
predikun og stríði og eiga samtökin
uppruna sinn í Alsír. Boðskap þeirra
svipar mjög til Whabbadistanna í al-
Kaída og hafa Salafistar lýst yfir
stuðningi við þau samtök. .
Bandaríkin bregðast við
Alríkislögreglan í Bandaríkjun-
um, FBI, hyggst opna tvær skrifstof-
ur í Afríku snemma á næsta ári.
önnur skrifstofan verður í Dakar,
höfuðborg Senegal, hin í Freetown í
Sierra Leóne.
, „Þeir eru svo
| sannarlega andvígir
Vesturlöndum."
Mikil áhersla hefur verið lögð á
Sahel-héraðið í suðri og þá sérstak-
lega samtök Salafistanna. „Þeir eru
svo sannarlega andvígir Vesturlönd-
um og með sömu hugmyndafræði
og al-Kaída," segir Sara Daly, starfs-
maður bandarísku rannsóknarstof-
unnar RAND, sem hefur unnið fyrir
Pentagon á Sahara-svæðinu.
Bandaríkjamenn skipulögðu
jafnframt heræfingu á svæðinu í júní
sem var kölluð Flintlock 2005. Rúm-
lega þúsund bandarískir hermenn
tóku þátt í æfingunni ásamt herjum
landanna sem liggja að Sahara-eyði-
mörkinni. Æfingin fól í sér að hryðju-
verkasveit fór yfir landamæri Márit-
aníu, Malí, Níger og Tjad.
Árásin á máritanísku herstöðina
var gerð aðeins degi áður en heræf-
ingin átti sér stað.
Allt í plati?
Jeremy Keenan, breskur sérfiæð-
ingur í málefnum Sahara, telur hins-
vegar Salafistana ekki vera mikla
ógn. Hann telur að alsírsk yfirvöld
hafi staðið fyrir árásunum til þess að
tæla Bandaríkjamenn á svæðið.
„Enginn á Sahara-svæðinu trúir því
að Salafistamir hafi verið þama að
verki og það að hryðjuverkin vom
framin degi áður en Flintlock hófst
er bara einum of mikil tilviljun.
Stærstur hluti íbúa Sahara telur að
samtök Salafistanna sé skálkaskjól
fyrir alsírsku öryggislögreglunna og
það virðist vera mjög sennilegt," seg-
ir Jeremy. Hann segir að Alsírbúar
hafi ríka ástæðu til þess að standa á
bakvið þessi meintu hryðjuverk. Ef
Bandarflqamenn myndu fylgjast vel
með svæðinu gætu Alsíringar boðið
Bandaríkjamönnum aðstoð sína og
fengið í staðinn vopn frá þeim.
Sendiherra Bandarflqanna í
Senegal, Richard Roth, telur hins
vegar að Jeremy Keenan hafi ekki rétt
fyrir sér. „Ég tel ekki að Alsíringar
standi fyrir hryðjuverkum til þess að
beina athygli heimsins að svæðinu."
Hershöfðinginn Charles Wald er
heldur ekki sammála þeim sem segja
hættuna á hryðjuverkum í Sahara
vera ofmema. „Við þann sem telur
hættuna á hryðjuverkum á svæðinu
ofmetna segi ég að væri hann einn af
þeim sem létust í árásinni á Máritan-
íu þá fyndist honum hættan ekki of-
metin."
Demantaviðskipti hryðju-
verkamanna
Erfitt er að staðfesta vem hryðju-
verkamanna í Sahara og hversu stór
starfsemin er í sniðum, sé hún ein-
hver á annað borð. Bandarísk yfir-
völd hafa bent á árásina á márit-
anísku herstöðina og ráni á 32 evr-
ópskum ferðamönnum sem sannan-
ir fyrir því að hryðjuverkastarfsemi sé
umtalsverð á svæðinu. Einnig benda
Bandaríkjamenn á að hryðjuverka-
menn noti demanta við peninga-
þvætti. Nóg er til af demöntum í
löndum eins og Sierra Leóne þar sem
eftirlit með glæpa - og hryðjuverka-
mönnum er ekki nægilegt. Yfirvöld í
Sierra Leóne staðfesta að háttsettir
meðlimir al-Kaída hafi stimdað dem-
antaviðskipti í landinu fyrir árásina
frægu á Bandaríkin þann 11. septem-
ber 2001.
í liði með eiturlyfjasölum
Óstjómin í Sahara dregur ekki
aðeins hryðjuverkamenn að svæð-
inu heldur hafa eiturlyfjabarónar
einnig rennt hým auga til eyðimerk-
urinnar stóm. Suður-amerískir eit-
urlyfjahringir em taldir hafa fært að-
setur sitt til Sahara og þar em þeir
taldir starfa með hryðjuverkamönn-
um. Talið er að báðir aðilar hafi
hagsmuni af samstarfinu, hryðju-
verkamennimir geta veitt eiturlyfja-
hringjunum ákveðna vemd og eitur-
lyfjabarónamir geta fjármagnað
hryðjverk að einhveiju leyti.
„í undirheimunum starfa aðilar
mjög oft saman séu þeir ekki í beinni
samkeppni," segir Antonio Mazzi-
telli yfirmaður glæpa- og eiturlyfja-
deildar Sameinuðu þjóðanna. Hann
segir hryðjuverkamenn og eiturlyfja-
innflytjendur eiga samleið. „Það er
engin samkeppni á milli glæpasam-
taka sem em í gróðaleit og
hryðjverkasamtaka sem em að leita
að ójafiivægi í stjómkerfum." Hann
telur að árásimar á Madríd í mars
2004 sem drápu 194 hafi verið fjár-
magnaðar með eiturlyfjasölu að ein-
hverju leyti. kjartamadv.is
S
Kjöraðstæður Hryðju-
verkamenn sækja ÍSahara
vegna þess að fáir aðrir
vilja vera þar. Þetta fámenni
og óstjórnin í löndunum i
kring eru kjöraðstæður fyrir
þá sem vilja starfa ífriði.
SflHARfl

(eyðimörkinni Margt
bendir til þess að hryðju-
verkamenn megi nú þegar
fínna I stórum stil I
Sahara-eyðimörkinni.
STÆRSTA EYÐIM0RK i HEIMI
-> 8.600.000 FERKÍLÓMETRAR
0RÐIÐ SAHARA ER FENGIÐ ÚR ARABÍSKU 0G ÞÝÐIR EYÐIMÖRK
2,5 MILLJÓNIR BÚA í SAHARA - FLESTIR Í MÁRITANÍU, MAROKKÓ OG ALSÍR
Cindy Sheehan leitar svara hjá forsetanum við sonarmissi
Móðir mótmælir stríði við búgarð Bush
„Mig langar að spyrja forsetann af
hveiju hann drap son minn," segir
Cindy Sheehan, móðir eins af þeim
rúmlega 1800 hermönnum sem hafa
farist í stríðinu í írak. Hún ætlaði sér
að komast að búgarði George W.
Bush Bandaríkjaforseta í Texas og
mótmæla stríðsrekstrinum í írak en
var stöðvuð af lögreglu. Bush mun
dvelja á búgarði sínum næstu fimm
vikumar. Cindy er afar ósátt með
stríðsreksturinn í írak og krefst svara
frá Bush. „Hann sagði son minn hafa
dáið fyrir mikilvægan málstað og mig
langar til að vita hvaða mikilvægi
málstaður þetta er."
Cindy fékk, ásamt fjölskyldu sinni,
að hitta Bush í júm' síðastliðnum.
„Hann vildi ekki líta á myndir af syni
mínum, hann vissi ekki einu sinni
hvað sonur minn hét. í hvert skipti
sem við reyndum að tala um hann og
hversu mikið við söknuðum hans
reyndi Bush að skipta um umræðu-
efhi," segir Cindy. Hún segir sér hafa
verið mikið niðri fyrir þá og hún hafi
verið svo utan við sig að hún hefði
ekki getað spurt þeirra spuminga
sem hún vill nú fá svör við.
Cindy er einn af stofnendum sam-
taka fjölskyldna sem beita sér gegn
stríðsrekstri. Um helgina hugðist
Cindy mótmæla í grennd við búgarð
Bush ásamt öðmm félögum í sam-
tökunum. Fyrirhuguð mótmæli vom
Brjáluð Cindy Sheehan sættir sig ekki við aö
lögreglan stöðvaði mótmælin.
hinsvegar stöðvuð af lögreglunni
þegar hópurinn gekk í átt að búgarð-
inum. Yfirmaður lögreglunnar á
staðnum sagði fólkið hafa verið
stöðvað vegna þess að einhverjir
mótmælendanna hefðu gengið á
veginum en ekki meðfram honum.
Mótmælendur hafa nú slegið upp
tjaldbúðum í talsverðri fjarlægð frá
búgarðinum og bíður Cindy enn eftir
því að hitta Bush.
kjartan@dv.is