Freyr - 15.12.1979, Blaðsíða 25

teinínnihaidi), graskögglar (einnig flokk-
aðir eftir gæðum) og svo hreinar kornteg-
undir og próteinfóður svo sem fiskmjöl.
Almennar leiðbeiningar um fóðrun og
fóðurtöflur munu koma í Haridbók bænda
nú um áramótin.
4. Alltaf er vandasamt að gefa kúm mikið af
sterkjuríku kjarnfóðri, því að sé mikið
gefið í einu, getur vömbin súrnað óeðli-
lega mikið og orsakað lystarleysi, súr-
doða og lélega nýtingu á gróffóðri. Þvi
ætti alltaf að gefa gróffóður á undan
kjarnfóðrinu og gefa kjarnfóðrið í fieiri og
minni skömmtum yfir daginn. Ef annar
fóðurbætir er til staðar, t. d. graskögglar,
er til bóta að gefa hann að hluta til í stað
sterkjuríks kjarnfóðurs.
5. Þó að heyfengur bænda um sunnan- og
vestanvert landið hafi verið með minnsta
móti, voru heyin mikil að gæðum þannig
að oft þarf ekki nema 1. 6 kg í fóðurein-
inguna. Þegar heygæðin eru svo mikil,
étast heyin miklu betur en venjulega,
þannig að þeir, sem vanir eru að gefa
heyin eftir lyst, verða sérstaklega að vara
sig og takmarka heygjöfina í tíma, þannig
að þau endist.
6. Á Norður- og Austurlandi horfir málið
öðruvísi við, því þar eru heyin bæði lítil og
léleg. Illmögulegt er að fóðra gripi til ein-
hverra afurða þegar svo stendur á. Gróf-
fóður dugar tæpast til viðhalds og öll
framleiðsla fer fram á aðkeyptu fóðri.
Þegar svo stendur á, er mikilvægt að fóð-
urbætisgjöfin verði sern fjölbreyttust og í
samræmi við þarfir. Sérstaklega eru gras-
kögglar mikilvægir við þessar aðstæður
og gott að gefa þá samhliða fóðurblönd-
unumaf ástæðum, sem getið erum hérað
framan.
7. Þar sem aðstæður eru mjög mismunandi
á milli búa er eingöngu hægt að hafa al-
mennar leiðbeiningar til hliðsjónar. Því
ættu bændur að leita aðstoðar viðkom-
andi héraðsráðunauta við gerð fóður-
áætlana nú í vetur.
Bækur fyrír hestamenn.
Landssamband hestamannafélaga hefur
gefið út tvær bækur um hesta og hesta-
mennsku. Hesturinn minn, handbók hest-
amanna, er kennslubók í hestamennsku og
ýmsu, er tengist henni, Framkvæmdastjóri
útgáfunnar er formaður landssambandsins,
Albert Jóhannsson. Bókin skiptist í 13 kafla,
sem 16 höfundar hafa skrifað. Það má m. a.
nefna efni eins og skapferli og skynjun
hrossa, reiðmennska og hestamennska,
fóðrun og uppeldi reiðhesta, uppruni og
fjölhæfni og tamning og þjálfun. Þá er kafli
um helstu kviila og sjúkdóma í hrossum, og
yfirleitt eru þeir þættir teknir fyrir í bókinni,
sem nauðsynlegt er fyrir alla góða hesta-
menn að kunnaskil á. Bókin er 182 blaðsíður
og prýdd mörgum myndum. Skýringar-
myndir teiknaði Pétur Behrens, en Gísli B.
Björnsson gerði tillögur aó útliti og upp-
setningu bókarinnar.
Sprett úr spori, kennslubók fyrir nemend-
ur reiðskóla. Þetta er lítið, en handhægt kver,
sem uppfyllir þarfir þeirra, sem eru að stíga
sín fyrstu skref í hestamennskunni, Bókin er
ætluð þeim fyrst og fremst, sem stunda nám í
reiðskólum. Hún er að sjálfsögðu gagnleg
öllum, sem hafayndi og ánægju af hestum.
Samtals eru 15 greinar í bókinni eftir 7 höf-
unda.
Bókin „Hesturinn minn“ er seld í flestum
bókaverslunum landsins, en litla bókin,
„Sprett úr spori“, fæst á skrifstofu Lands-
sambands hestamannafélaga.
ULÞ.
Dönsk áform um vindmyllur.
Um alla Danmörku er nú unnið að því að veija
stæði fyrir vindmyllur, sem eiga að framleiða
rafmagn.
Gerð hefur verið áætlun um að reisa
1500—2000 vindmyllur og er þess vænst að
þær fullnægi um tíunda hluta af orkuþörf
landsins.
FREYR
831