Freyr - 01.09.1983, Page 25

um 2 mg/100 g í mjólk sem kemur
beint úr spenanum og það eyðist
síðan smám saman við geymslu.
Hætt er við að vítamínið eyðist
talsvert við langa flutninga. í töfl-
unni sést að C-vítamínið er mun
hærra í gerilsneyddu mjólkinni.
Það er því ljóst að C-vítamínið
varðveitist betur í mjólkinni þegar
búið er að gerilsneyða hana. Ef
litið er á B2-vítamín sést að það er
lítið eitt lægra í gerilsneyddu
mjólkinni en hrámjólkinni. Segja
má að gerilsneyðingin rýri lítið
næringargildi mjólkurinnar auk
þess sem hún lengir geymsluþol og
eyðir ýmsum gerlum.
Mjólkurafurðir
Tafla 3 sýnir meðalefnainnihald
nokkurra mjólkurafurða. Athygli
vekur hve skyrið er auðugt af
hvítu og B2-vítamíni, hve
brauðosturinn (og aðrir svipaðir
ostar) er auðugur af kalki og hve
mysuosturinn er auðugur af B2-
vítamíni.
Þá inniheldur undanrennan
svipað magn næringarefna og
mjólkin ef undan er skilin fitan og
þau vítamín sem henni fylgja (A
og D-vítamín). C-vítamín er upp-
urið í þeim afurðum sem hafa
verið gerjaðar um tíma. Natríum
er í miklu magni í afurðum eins og
ostum og smjöri enda er bætt í þær
salti (natríum klóríði).
Sauðamjólk
í maí 1982 voru efnagreind 20 sýni
af sauðamjólk. Var þeirra aflað á
Hvanneyri og Hesti. Þegar ærnar
voru mjólkaðar voru 3 til 15 dagar
liðnir frá burði. Taka verður þess-
um niðurstöðum með nokkurri
varúð þar sem erfitt var að mjólka
ærnar og mismikið mjólkurmagn
fékkst. Auk þess, er fituhlutfallið
breytilegt meðan mjólkað er.
Niðurstöður þessara mælinga eru
sýndar í töflu 4. Magn allra nær-
ingarefna sem sýnd eru í töflunni
er að meðaltali meira en í þeirri
neyslumjólk sem að framan hefur
verið greint frá. Hafa ber í huga
að mjólkin fyrst eftir burð hefur
nokkuð aðra samsetningu en síðar
verður. Athygli vekur að fituinni-
haldið er mjög breytilegt og magn
vítamína mjög hátt. C-vítamín var
að meðaltali 2,66 mg/100 g en það
var mælt aðeins nokkrum klst.
eftir að mjólkað var. Því er vel
hugsanlegt að mjólk hafi verið
mikilvægari C-vítamíngjafi áður
fyrr þegar fráfærur voru stundaðar
og kúamjólk var ekki flutt um
langan veg.
FREYR — 673