Freyr - 01.09.1983, Side 32

Frá Búnaðar- og garðyrkjukennarafélagi íslands
Pétur Bjarnason, kennari
Bændaskólanum Hólum
Nám í fiskeldi og fiskrækt
Frá Bændaskólanum á Hólum
Fiskeldi ogfiskrœkt hafa um langtskeið verið á námsskrá bœndaskólanna. Varla verður
sagt, að viðfangsefni þessu hafi verið gerð ýtarleg skil. Staðreyndin er sú, að þeir
íslendingar, sem hug hafa haft á að kynna sér þessi frceði, hafa þurft að leita út fyrir
landssteinana til þess.
Er það miður og það af tveimur
ástæðum. í fyrsta lagi vegna þess,
að útlendir skólar leggja eðlilega
höfuðáherslu á það, sem helst
hæfir þörfum og aðstæðum við-
komandi lands, en hvað fiskeldi
og fiskrækt varðar er sérstaða ís-
lands talsverð. í öðru lagi er þetta
slæmt, vegna þess að verulegur
áhugi er á fiskrækt og fiskeldi á
íslandi, og því full þörf á fræðslu
um þau efni, þar sem byggt er á
íslenskum aðstæðum.
Fiskeldisnám á Hólum.
Er Bændaskólinn á Hólum var
endurreistur árið 1981, var ákveð-
ið, að þar skyldi boðið upp á
kennslu í fiskeldi og fiskrækt. Að-
stæður til slíkrar kennslu á Hólum
eru góðar. Skagafjörður er orðinn
mesta fiskeldishérað landsins, og
á Hólum er starfrækt ný og glæsi-
leg fiskeldisstöð, Hólalax hf, en
þar hefur skólinn fengið aðstöðu
til fiskeldiskennslu.
Síðan tekin var upp kennsla í
fiskrækt og fiskeldi við Bænda-
skólann eru liðin tvö ár. Fyrstu
fiskeldisbúfræðingarnir útskrifuð-
ust frá skólanum sl. vor, þannig að
segja má að sú námstilhögun, sem
tekin var upp hafi verið „prufu-
keyrð", þótt hún sé vitanlega enn í
mótun. Við þessi tímamót er ekki
úr vegi að gera hér nokkra grein
fyrir því, sem þarna hefur farið
fram.
Eins og kunnugt er, er búnaðar-
nám nú tveggja vetra nám. Gróf-
lega skiptist það þannig að fyrri
veturinn er lögð áhersla á vél-
fræði, almennar undirbúnings-
greinar og þriggja mánaða verk-
nám, sem fram fer á sérstökum
verknámsbúum. Hefðbundnar bú-
fræðigreinar eru svo kenndar
síðari veturinn, en þá gefst nem-
endum að verulegu leyti kostur á
að velja sér þær greinar, sem hug-
urinn helst stendur til.
Markmið og framkvæmd
fiskeldisnáms.
Það var ljóst frá upphafi, að við
skipulagningu fiskeldis og fiski-
ræktarnámsins þyrfti að taka mið
af tvenns konar sjónarmiðum.
Annars vegar þeim, að veita nem-
endum, sem hug hafa á að starfa
við fiskeldi í eldisstöð eða annars
staðar, fræðilega undirstöðu og
verklega þjálfun til slíkra starfa.
Hins vegar þurfti að stefna að því,
að veita bændaefnum fræðilegan
grunn til að meta og gera sér ljósa
þá fiskræktarmöguleika, sem finn-
ast í náttúrunni, jafnframt því, að
gera þau hæfari til þess að fylgjast
með og taka þátt í umræðum um
fiskræktarmál.
Sú fræðsla, sem Bændaskólinn á
Hólum veitir nemendum sínum í
fiskrækt og fiskeldi er felld inn í
hið almenna búnaðarnám. Bókleg
680 — FREYR