Freyr - 01.11.1990, Side 8

Könnun á viðhorfum
kúabænda
Snemma árs 1990 kannaði Fagráð í nautgriparækt
viðhorf kúabænda að tilhlutan Landssambands
kúabænda. Búvfsindadeild Bændaskólans á
Hvanneyri vann úr gögnunum. Bændaskólinn á
Hvanneyri hefur gefið út rit um könnunina og
niðurstöður hennar (Fjölrit nr. 61 1990). Helmingi
mjólkurframleiðanda í landinu, alls 834, voru
sendir spurningalistar en 400 svöruðu. Yngstu
bændurnir voru duglegastir að að svara. Svarendur
höfðu að meðaltali 22 kýr í fjósi, en rými fyrir 28
kýr. Framleiðsluréttur þeirra var a.m.t. 75 þúsund
lítrar. Fram kom að menn voru bjartsýnir um
framtíð kúabúskapar. Fundir hreppabúnaðarfé-
laga voru best sóttir af þeim fundum sem um var
spurt og kúabændafélög og búnaðarfélög eru vin-
sælust sem umræðuvettvangur fag- og félagsmála
bænda. Svarendur vilja nreiri rannsóknir og leið-
beiningar á þeim þáttum búrekstrar sem um var
spurt, einkum þó á júgurbólgu- og sjúkdómsvörn-
um. Hvað leiðbeiningaþjónustu snerti lögðu bænd-
ur mikla áherslu á persónulegar leiðbeiningar.
Meira um viðhorf
kúabænda
Kúabændur nota mikið ársrit Búnaðarfélagsins,
Nautgriparæktina, að því er frarn kemur í könnun-
inni. í rannsóknum á öflun og verkun gróffóðurs
lögðu bændur mesta áherslu á rannsóknir á verkun
heys í rúllum. Svarendur höfðu nokkurn áhuga á
námskeiðum fyrir kúabændur á vegum bændaskól-
anna. Námskeið um fóðurverkun áttu mestu fylgi
að fagna, en helst vildu menn stutt námskeið heima
í héraði. Fjónusta mjólkureftirlits mjólkurbúa og
þjónusta dýralækna líkaði mönnum vel og flestir
vildu koma á heilbrigðiskortum fyrir nautgripi.
Ekki var talið tímabært að taka tillit til frumutölu
mjólkur þegar hún er flokkuð. en menn voru því
hlynntir að teknar verði upp sérstakar greiðslur
fyrir úrvalsmjólk. Fáir vildu að flutt yrði inn nýtt
mjólkurkyn, en skiptar skoðanir voru um innflutn-
ing á nýju holdanautakyni.
832 Freyr
150 milljarðar
til Austur-Þýskalands
Landbúnaður í Austur-Þýskalandi þarf að fá 150
milljarða króna fjárhagsstuðning fram til 1992 að
því er kemur fram í áliti frá stjórnarnefnd EB.
Nefndin leggur til að austur-þýskir bændur fái
6.570.000 tonna mjólkurkvóta sem er fimmtungi
minna en þeir framleiða nú. Landssvæði þau sem
áður tilheyrðu Austur-Þýskalandi eiga að fá fimm
ár til að laga sig að reglum EB um hreinsun lofts og
vatns.
Vcrða álaveiðar
aukabúgrein?
Aðilar í Hveragerði hafa verið að athuga með
möguleika á að hefja álaveiðar með tilliti til út-
flutnings. Markaðskannanir hafa staðið yfir nú um
nokkurn tíma og virðast þær lofa góðu. Veiðarnar
myndu byggjast upp á að gerður væri samningur
við bændur um að þeir tækju að sér veiðarnar og
geymdu álinn en söluaðilar myndu síðan safna
honum saman með nokkru millibili og flytja hann á
stað þar sem flokkun og geynrsla yrði fyrir hendi.
Allinn verðursíðan fluttur á rnarkað þegar von er á
að sem best verð fáist fyrir hann.
Forsvarsmaður fyrrnefndra aðila í Hveragerði,
Friðrik Sigurðsson, fiskeldisfræðingur, sagði í við-
tali við Frey að smærri állinn yrði einnig tekinn að
einhverju leyti, og væru í gangi tilraunir með að
koma honum á fóður og fá hann til að stækka.
Samfara þessu yrðu allar upplýsingar vel þegnar
um hugsanlega staði þar sem gleráll væri finnanleg-
ur. Með því að veiða hann hér væri hægt að leggja
grunninn að álaeldi hér á landi, en sem kunnugt er
hefur ekki þótt hættandi á að flytja inn glerál vegna
smithættu.
Áll finnst á megin hluta landsins en frekar litlar
rannsóknir hafa verið gerðar á útbreiðslu hans.
Aðilar sem stunduðu þessar veiðar á árum áður
hafa talið mikinn möguleika á veiðum og það í
töluverðu magni.
21. NÓVEMBER 1990