Skátablaðið - 01.10.1953, Blaðsíða 5

þekkti umhugsunarlaust fána vorn, vissi
deili á Njálsbrennu og sagði: „Reykjavík"
eins og norðlenzkur islenzku kennari, fóru
að renna á mig tvær grímur. Síðan kom á
daginn, að náunginn var „proforma" um-
boðsmaður flugfélagsins Loftleiða í Mel-
borne.
Urðum við hinir mestu mátar og reynd-
ist hann drengur góður og hjálpsamur um
marga hluti. Meðal annars felldum við í
sameiningu háan og beinvaxinn trjávið-
ung, börkflettum, endurreistum og drógum
síðan íslenzka fánann að hún (fáni þessi
var gjöf frá skátafélaginu Faxa í Vest-
mannaeyjum).
BLAÐAMENN OG
RITHANDASAFNARAR.
Auk Jamboree-blasins, sem að sjálfsögðu
er fastur bókmenntalegur þáttur í daglegu
tjaldborgarlífi, voru þarna til staðar blaða-
menn og ljósmyndarar frá helztu dagblöð-
um Sydneyborgar. Lögðu þeir sig mjög í
framkróka til þess að seðja andlegt hungur
lesenda sinna. Sniðu þeir úr mér æfintýra-
sagnir, þar, sem ég legg að heiman búinn
nesti og nýjum skóm, ferðast í kringum
hnöttinn, og samkvæmt áætlan næ tíman-
lega í skátamótið. Reyndar rugluðust sum-
ir smávegis í ríminu, og t. d. þá taldi einn
þeirra mig vera frá Finnlandi.
Þá kom ég tvisvar fram í útvarpi og var
það mun heiðarlegri leikur.
Árangur auglýsingastarfseminnar kom
skjótt í Ijós, því nú var ég ekki einungis
umsetinn af skátum og gestum, heldur tóku
nú að streyma að mér bréf og heimboð frá
hinum ólíklegustu stöðum.
DAGLEGT LÍF.
Eins og á hverjum öðrum sumarleyfisstað,
þar sem áhyggjur hversdagslegrar tilveru
Bankastarfsemi mótsins nam að upphœð
£ 60.000. Þessi mynd er af mótshankanum.
eru víðs fjarri, beinist starfsemi hins sí-
vakandi huga að einhverjum öðrum við-
fangsefnum.
Sumir fundu ánægju í hinum skipulögðu
ferðum um nágrennið, aðrir kusu bað-
ströndina og enn aðrir settust niður og
skrifuðu bókmennta-kritik um nýútkom-
inn matseðil.
Þá settu sunnudagsmessur, íþróttir, heim-
sóknir og varðeldar sjálfsagðan svip á dag-
legt líf.
Mesta plága skátamótsins hefur eflaust
verið rithandasöfnun, sem fór um tjald-
borgina eins og hitasótt og hið allþekkta
„Change“ komst þar hvergi til saman-
burðar.
Stór slys urðu engin, en algengustu kvill-
ar voru mosquito-bit, höfuðverkur og tann-
pína.
Ein eiturslanga viltist inn í aðalstöðvar
mótsstjórnar og beið bana af.
SKÁTABLAÐIÐ
17