Prentarinn - 01.07.1978, Blaðsíða 3
Bráðabirgðalausn —
sem ekki leysir
verðbólguvandann
Fundur í Hinu íslenzka prentarafélagi, haldinn 5. desember 1978,
fordœmir harðlega, að enn einu sinni skuli stjórnvöld landsins grípa
inn í gildandi kjarasamninga aðila vinnumarkaðarins, nú meðþví að
skerða uppbœtur á laun sem koma áttu til greiðslu vegna hœkkunar
framfœrsluvísitölu.
Fundurinn vill minna á, að verðbótavísitala á laun var eitt aðal-
atriði„sólstöðusamninganna“sem nú er verið að skerða.
Enda þótt ríkisstjórn sú, er nú situr, hafi haft samráð við fulltrúa
ASÍ um breytingar á vísitölubótum, gegn óljósum loforðum varðandi
félagslegar umbœtur, sem margar hverjar var búið að semja um áður,
þá breytirþað engu um gildi kjarasamninga einstakra félaga, þar sem
einskis umboðs hefur verið leitað frá þeim af hálfu heildarsamtak-
anna um heimild til breytinga á gildandi kjarasamningum.
Fundurinn mótmœlir þeim vinnubrögðum forystumanna A SÍ, að
boða ekki til formanna- eða kjaramálaráðstefnu nú eins og áður, þar
sem stefna verkalýðshreyfingarinnar yrði mörkuð í kaup- og kjara-
málum fyrir nœsta ár, þar eð þá má búast við frekari kjaraskerðingu,
skv. athugasemdum sem fylgdu frumvarpi um viðnám gegn verð-
bólgu.
Fundurinn mótmœlir því harðlega, að verðbólguþróunin stafi af of
háu kaupgjaldi hjá fólki sem fœr greitt samkvœmt samningum
verkalýðsfélaganna. Það er almennt viðurkennt, að engum er mögu-
legt að lifa af dagvinnutekjum einum saman og kaupgjald verkafólks
á íslandi er sannanlega mikið lœgra miðað við kaupmátt en í öllum
nágrannalöndum okkar, þar sem verðbólga er aðeins brot af því sem
hér þekkist.
Þess vegna mótmœlir fundurinn því harðlega, að nokkrar póli-
tískar ráðstafanir séu gerðar af stjórnvöldum, og einstaka forystu-
mönnum ASÍ, í efnahagsmálum, sem leiða til skerðingar á kaup-
mœtti launa eða breytinga áfrjálsum samningum.
Fundurinn lítur svo á, að kjaraskerðingin nú sé bráðabirgðaráð-
stöfun sem ekki leysi þann verðbólguvanda sem við er að glíma,
heldur aðeins frestur til stjórnvalda — frestur sem hvetur þau ekki til
að leggja fram lausn til frambúðar — lausn sem dregur úr verðbólgu
og tryggir kaupmátt launa, sem var þó eitt af mörgum loforðum
núverandi stjórnarflokka.
(Samþ. m. öllum greiddum atkvæðum.)
^rcntariitn
56. árgangur
7. til 9. tölublað
Útgefandi:
Hiö islenzka prentarafélag
fíitnefnd:
Hallgrímur T rygg vason
ritstjóri og ábyrgðarmaður
Blaðaprenti
Ingvar Sig. Vilhjálmsson
Morgunblaðinu
Jóhannes Eiríksson
Blaðaprenti
Ólafur Emilsson
formaður HÍP
Auglýsingar:
Guðmundur Kr.
Aðalsteinsson
Hilmi h.f.
Uppsetning (lay-out)
Hallgrímur Tryggvason
Ljóssetning og prentun:
Prentsmiðjan Oddi h.f.
Filmuvinna:
Korpus h.f.
Bókbandsvinna:
Sveinabókbandið
Letur:
Times og Vega
Forsíðumyndin
er af plakati, sem unniö var
af þýsku hönnuöunum
Heinz Kroehl og Peter
Offenberg, í tilefni Guten-
bergsársins. Heinz og Peter
tilheyra Die Kroehl Design
Gruppe, sem hóf starf sitt í
Mainz árið 1965.
^rcnfartmt - 3