Fréttabréf Ættfræðifélagsins - 01.09.1987, Page 1

FRETTABREF
ÆTTFRÆÐIFELAGSINS
1. tbl. 5. árg.
September 1987
Bjarni Vilhjálmsson fyrrverandi þjóðskjalavörður
lést að heimili sínu í Reykjavík hinn 2. mars síðast
liðinn. Með honum er horfinn af sviðinu einhver traust-
asti vinur og velunnari ættfræðinnar á Islandi. Meðan
hann gegndi starfi þjóðskjalavarðar hlynnti hann að
starfsemi fræðimanna og ættfræðinga í Þjóðskjalasafninu
og veitti þeim hina bestu fyrirgreiðslu á öllum sviðum.
Bjarni var lengi í stjórn Ættfræðifélagsins og gaf
út Manntalið 1845 fyrir félagið. Dtgáfa þessi er hin
traustasta að öllu leyti, vönduð í nákvæmni og saman-
burði öllum. Það er vandasamt verk að gefa út handrit
eins og manntalanna. Þar er um að ræða margar rithend-
ur, misjafnlega skrifaðar, og á stundum þarf að leið-
rétta margvísleg atriði. Bjarni gaf út mörg merk rit,
þar á meðal Þjóðsögur Jóns Arnasonar og gerði við þær
registur sem er hin merkasta ættfræðiheimild.
Bjarni Vilhjálmsson fæddist í Neskaupstað 12. júní
1915 og ólst þar upp. Hann varð stúdent frá Akureyri
og síðar magister í norrænum fræðum. Hann kom víða
við sögu í sambandi við fræðistörf. Hann var heiðurs-
félagi Ættfræðifélagsins.
Við vottum eftirlifandi konu hans Kristínu Eiríks-
dóttur og börnum þeirra og barnabörnum innilegustu
samúð við fráfall hans. Minning Bjarna Vilhjálmssonar
mun ávallt lifa í íslenskum fræðaheimi.
Jón Gíslason