Árbók VFÍ - 01.01.1989, Síða 44

2-1
Ríkharður Kristjánsson
Tækniannáll
1 Inngangur
Þessi tækniannáll hefur tekið nokkrum breytingum frá því byrjað var að skipuleggja Arbókina.
Upphaflega var ætlunin að ráða annálsritara sem fylgdist með umfjöllun um tæknimál á Islandi
og allt sem gerðist opinberlega og snerti tæknimál. Þetta tókst þó ekki þar sem annálsritun er
Islendingum greinilega ekki lengur í blóð borin. Höfundur tók að lokum þetta verk að sér og
mótaði á nokkurn annan veg en upphaflega var ætlað og gefur annállinn nú yfirlit yfir
margháttaða starfsemi og framkvæmdir sem höfundi fannst að tengdust verkfræði á einn eða
annan máta. Hér er þó aðeins um mjög lauslegt yfirlit að ræða og snertir efalaust engan veginn
öll þau svið sem eitthvað tengjast verkfræði enda myndi þá Árbókin öll Ifklega ekki duga.
Ein af frumhugmyndunum á bak við útgáfu Árbókarinnar var að skapa grundvöll fyrir birt-
ingu vísinda- og tæknigreina og meirihluti Árbókarinnar var ætlaður undir þær. Höfundur
tækniannáls vonaðist til að þessar greinar gæfu nægjanlegt yfirlit yfir rannsóknir á árinu og
skrifaði því ekki um rannsóknir tengdar verkfræði í annálinn utan stutts yfirlits yfir rannsóknir
í orkumálum. Eftir á að hyggja telur höfundur æskilegt að birta yfirlit yfir rannsóknastarfsem-
ina hvort heldur sem það kemur í annálinn eða ekki.
Vonandi á annáll þessi eftir að þróast í framtíðinni og verða að verðmætu heimildarriti
þannig að allir aðilar keppist við að koma þar sínum málum á framfæri án þess að verulega
eftirgangssemi þurfi eins og nú reyndist vera.
Höfundur þakkar öllum þeim sem brugðust vel við bréfum hans og hringingum og veittu
umbeðnar upplýsingar. Því miður voru undirtektir ráðgefandi verkfræðinga ekki nógu góðar.
Upplýsingar um framkvæmdir hinna ýmsu aðila eru fengnar úr ársskýrslum eða sérstökum
samantektum sem þessir aðilar hafa gert. Álit eða skoðun höfundar kemur hvergi fram utan
það eitt að höfundur er byggingarverkfræðingur og mun það vissulega setja einhvern blæ á
þessa samantekt
2 Baksviö verkfræðivinnu
Engin starfsstétt getur unnið án tengsla
við umhverfi sitt og ytri aðstæður þjóð-
félagsins setja sín mörk á störf verkfræð-
inga sem raunar annarra. I þessum kafla er
því ætlunin að fjalla í stuttu máli um
almenna þróun efnahagsmála á íslandi
sem og erlendis. Samantektin styðst við
skýrslu Þjóðhagsstofnunar: „Ágrip úr
þjóðarbúskapnum."
Þróun efnahagsmála í heiminum 1988
var iðnríkjunum einstaklega hagstæð.
Ríkharöur Kristjánsson iauk prófi í byggingar-
verkfræði frá TH Darmstadt 1973, dr.ing.-prófi
1977. Rannsóknarstörf
og kennsla viö TH
Darmstadt 1973-1977.
Verkfræðingur hjá
Rannsóknastofnun
byggingariðnaöarins
1977-1980 og hjá
Línuhönnun hf. í
Reykjavík frá 1980.