Árbók VFÍ - 01.01.1989, Page 50

48 Árbók VFÍ 1988
5.2 Landsvirkjun
5.2.1 Almennur rekstur
Rekstur fyrirtækisins gekk vel á árinu 1988 enda varð veruleg aukning á raforkusölunni.
Þannig jókst salan til almenningsrafveitna um 9,39% og til stóriðju um 5,5% eða alls um
7,24%. Heildarraforkusala ársins 1988 varð 3.947 GWst en framleiðsla landsins í heild varð
4.417 GWst og framleiddi Landsvirkjun þar af 93,6%.
Rekstrartekjur Landsvirkjunar námu 4.480 m.kr. og var rekstrarafgangur ársins 186 m.kr. og
var það fimmta árið í röð sem rekstrarafkoman var jákvæð. Skuldir fyrirtækisins lækkuðu um
265 m.kr. á árinu.
5.2.2 Framkvæmdir
5.2.2./ Blöndusvœðið
Umfangsmestu framkvæmdir Landsvirkjunar voru á Blöndusvæðinu en þar lauk á árinu þeirri
byggingavinnu neðanjarðar sem hægt var að vinna á þessu stigi. Byggingaverktakinn Krafttak
sf. lauk sínum verkþætti á árinu en aðalvélaverktakinn, japanska fyrirtækið Sumitomo og
undirverktakinn Fuji Electric hófu starf sitt á svæðinu með því að setja niður sográsirnar.
Metalna frá Júgóslavíu lauk við uppsetningu þrýstivatnspípanna í lóðréttu göngunum.
A árinu var framkvæmd bergþétting undir aðalstíflum virkjunarinnar og var samið um verkið
við Hagvirki hf. Verkið náði einnig yfir hreinsun stíflugrunns.
Vinna við stíflur og veituvirki var boðin út í nóvember og voru útboðin tvískipt. Tilboð voru
opnuð í byrjun árs 1989.
Fjöldi starfsmanna á virkjunarstað var 50 til 60 framan af árinu en fjölgaði verulega eftir að
vinna við hreinsun og bergþéttingu hófst. Frá miðjum júní til loka ágúst var starfsmannafjöld-
inn 120 til 130 en gert var hlé á framkvæmdum frá miðjum nóvember.
Reiknað er með að stíflugerðin taki þrjú ár og verði þeim lokið á miðju ári 1991 þannig að
rekstur geti hafist á haustmánuðum 1991.
5.2.2.2 Ný stjórnstöð og kerfiráður
Tölvuvæddur stýribúnaður fyrir stjórnkerfi Landsvirkjunar hefur verið notaður frá árslokum
1976. Búnaður þessi er nú kominn nokkuð til ára sinna og talinn úreltur. Því var nýr kerfiráður
boðinn út og var samið við Harris Corporation um smíðina með þátttöku Islendinga í sam-
setningu og uppsetningu útstöðva auk gerða ýmissa undirforrita og skjámynda. Kerfiráðurinn
er gerður til alhliða stýringar og stjórnunar raforkukerfisins með umfangsmikilli gagnasöfnun
og eftirliti. Alagsspár og skammtíma rekstraráætlanir verða auðveldari og hægt verður á
þægilegan máta að meta fyrirfram áhrif hugsanlegra bilana og gera viðeigandi ráðstafanir.
Verksmiðjuprófanir á búnaðinum fóru fram í nóvember og desember og tókust vel.
Kerfiráðnum verður komið fyrir í nýrri stjórnbyggingu sem unnið var við á árinu. Stjórn-
stöðin stendur við Bústaðaveg í Öskjuhlíðinni. A árinu var lokið við uppsteypu hússins og
fullnaðarfrágangi í kjallara og á jarðhæð. Verktaki er Hagvirki hf.
5.3 Rafmagnsveitur ríkisins
5.3.1 Helstu framkvæmdir á sviði línumála
Fremur litlar framkvæmdir voru á árinu á sviði línumála. Tvær 66 kV línur voru byggðar á
árinu 1988. Önnur lá frá Vogaskeiði við Stykkishólm til Grundarfjarðar sem áður fékk raf-
magn frá Ólafsvík. Hin línan er tengilína frá Hvolsvelli til Vestmannaeyja.
5.3.2 Fjargæslukerll h já raf'magnsveitunum
Á árinu var nýtt fjargæslukerfi tekið í notkun á Vesturlandi og opnast þar með möguleikar til
að skoða ástand aðveitustöðvanna frá svæðisskrifstofunum og safna gögnum. Útstöðin skráir
t.d. alla óeðlilega hegðun í aðveitustöð þannig að auðvelt verður að rekja viðbrögð búnaðar.