Árbók VFÍ - 01.01.1989, Side 52

50 Árbók VFÍ 1988
MW í rafmagni þegar hún verður fullbyggð. Verið er að byggja fyrsta áfanga virkjunarinnar
sem er 100 MW með um 100 kg/sek. af gufu og vatni sem koma úr fjórum borholum.
Hitaveituvatninu verður dælt í geymi á Háhrygg í 400 m y.s. en þaðan verður sjálfrennsli til
Reykjavíkur. Heildarlengd að Grafarholti er um 27,2 km. Aðveituæðin sem er stálpípa með
steinullareinangrun á að geta flutt 1870 1/s en í fyrsta áfanga verður rennsli þó aðeins 560 1/s.
Unnið varfyrir 1.029 m.kr á árinu 1988.
Annað stórverkefni sem unnið var að á vegum Hitaveitu Reykjavíkur á árinu 1988 var
bygging útsýnishúss á Öskjuhlíð inni á milli hitaveitugeymanna. Um það verkefni er fjallað
nánar síðar.
5.7 Rannsóknir í orkumálum
5.7.1 Vatnsorku- og virkjanarannsóknir
Hér á eftir verður reynt að gera grein fyrir rannsóknum á orkusviði án þess að tíundað sé hvar
og af hverjum þessar rannsóknir voru unnar né þeim gerð einhver tæmandi skil. Hér er þó
einkum um að ræða Orkustofnun, Landsvirkjun, Hitaveitu Reykjavíkur sem og ráðgjafa þess-
ara stofnana.
Starfsemi Orkustofnunar dróst saman á árinu. Vettvangsrannsóknir vegna einstakra virkjana
voru í lágmarki á árinu vegna óvissu um markaðshorfur fyrir raforku til iðnaðar. Unnið var að
ýmsum grunnrannsóknum eins og vatnamælingum og gerð jarðfræðikorta á virkjanasvæðum
Suður- og Austurlands. Þannig voru gerð berggrunns-, jarðgrunns- og jarðvatnskort af
virkjanasvæðinu ofan Búrfells. Þá gerði Orkustofnun skýrslu um náttúrufar og umhverfisáhrif
af ýmsum leiðum til að veita Jökulsá á Fjöllum til Jökulsár á Dal.
A árinu fór fram endurskoðun á verkhönnun nokkurra virkjana eins og t.d. Vatnsfellsvirkjun
sem nú gerir ráð fyrir 70 MW í stað 100 MW. Þá var endurskoðuð verkhönnun fyrir stækkun
Búrfellsvirkjunar. Endurskoðaðar voru áætlanir um smávirkjanir á Vesttjörðum.
í tengslum við athuganir á stækkun álvers eða gerð nýs álvers í Straumsvík fór fram víðtæk
áætlanagerð um nýjar virkjanir. Gerðar voru allmiklar athuganir á orkugetu virkjana og rekstri
raforkukerfisins við tilkomu nýs álvers og beindist sú athugun ekki síst að því að nýta
hagkvæmt vatnsafl á Austurlandi. Um leið fór fram endurskoðun á kostnaðarforsendum
virkjanalíkana og er reiknað með að slík endurskoðun fari fram annað hvert ár. Unnið var að
uppsetningu gagnabanka fyrir virkjanir og virkjanakosti sem mun auðvelda mönnum að átta
sig á stöðu valkostanna á hverjum tíma.
5.7.2 Raforkusala til annarra landa
í ársbyrjun 1988 gaf Landsvirkjun út skýrslu um hugsanlegan flutning á 500 MW til Skot-
lands. Miðað var við flutning með 400 kV jafnstraumsstreng til Skotlands. Niðurstöður þessar-
ar athugunar bentu til þess að orkuverð frá endastöð í Skotlandi yrði álíka eða jafnvel lægra en
verð frá nýjum kola- eða kjarnorkustöðvum á Bretlandi. Tæknikunnátta er talin nægileg til að
framleiða og leggja slíkan streng.
Þessar hugmyndir hafa verið kynntar breskum stjórnvöldum og fleiri aðilum sem hagsmuna
hafa að gæta. Árið 1991 eiga öll bresk raforkufyrirtæki að vera komin í einkaeign og er þeim
breytingum ætlað að auka samkeppni en gæti um leið auðveldað fyrirtækjum er bjóða ódýra
orku að komast inn á markaðinn.
5.7.3 Jarðhitarannsóknir
Rannsóknir á jarðhita hafa breyst nokkuð undanfarið og áherslan llust nokkuð í þá átt að kanna
orkuforða jarðhitageymanna og fylgjast með vinnslu þeirra. Hjá ýmsum hitaveitum hefur gætt