Árbók VFÍ - 01.01.1989, Qupperneq 56

54 ÁrbókVFÍ 1988
Einstökum framkvæmdum innan þessara liða er lýst nánar í yfirlitsgrein Pósts og síma.
A árinu hófst skipulagning þess að byggja nýja jarðstöð til þess að bæta úr þeim ágalla að
hafa aðeins einfait samband við útlönd en rekstri sæstrengjanna var hætt 1987. Póst- og
símamálastofnunin ráðgerir því að hefja byggingu nýrrar stöðvar 1990 sem yrði staðsett á
öðrum stað en Skyggnir og myndi jafnvel nota annað gervitungl.
7.3 Útvarp
Enginn vafi er á því að mikil gróska var í útvarpsmálum á Islandi á árinu 1988 og einkenndist
það af tilveru og samkeppni tveggja sjónvarpsstöðva og margra útvarpsstöðva. Þáttur íslenskra
verkfræðinga í „fjölmiðlabyltingunni“ mun þó vera mjög lítill og samkvæmt upplýsingum
yfirmanns tæknideildar Stöðvar 2 munu íslenskir verkfræðingar nær ekkert hafa komið nærri
uppbyggingu þeirrar stöðvar.
Frágangi útvarpshúss Ríkisútvarpsins að Efstaleiti 1 var haldið áfram á árinu, en það var
formlega tekið í notkun 19. júni 1987.
Dreifikerfi beggja stöðvanna var bætt á árinu og útsendingarsvæði Stöðvar 2 var stækkað en
var þó enn bundið við hluta landsins.
Hlustunarsvæði nýju útvarpsstöðvanna er takmarkað en svæðisútvörp hafa verið sett upp
utan Reykjavíkur t.d. á Akureyri.
8 Stóriöja og iðnaður almennt
8.1 Inngangur
I þessum kafla verður fjallað um starfsemi nokkra fyrirtækja sem almennt hafa verið felld hér-
lendis undir hugtak-ið stóriðjufyrirtæki. Sagt verður frá rekstri ISAL, Islenska járnblendifélags-
ins og Sementsverksmiðju ríkisins ásamt Sérsteypunni sf. sem er sameignarfyrirtæki tveggja
síðastnefndu fyrirtækjanna. Reynt verður að beina augunum meira að þeirri þróun sem fram
fór á árinu 1988 og markar brautina fyrir komandi ár en almennum rekstrartölum þó þeim
verði einnig einhver skil gerð.
Umfjöllunin byggir á greinargerðum fyrirtækjanna sjálfra og leggur höfundur þar ekkert
eigið mat á að öðru leyti en því að greinargerðir fyrirtækjanna eru ekki birtar beint heldur hefur
höfundur unnið upp úr þeim.
Síðan er fjallað um annan iðnað og er sú umfjöllun byggð á upplýsingum frá Félagi íslenskra
iðnrekenda.
8.2 ISAL
8.2.1 Almennur rekstur
Margvíslegir erfiðleikar háðu rekstrinum á árinu og mátti rekja þá flesta til galla í innfluttum
forskautum sem ekki tókst að komast fyrir fyrr en síðla hausts.
Á árinu voru framleidd í kerskála ÍSAL 82.237 tonn af áli sem var nokkur samdráttur frá
árinu áður. Raforkunotkun var 1421 GWst og fóru 92% til rafgreiningarinnar, 3% til hreinsi-
stöðva en 5% til almennra nota og orkutapa.
Notuð voru 157 þús. tonn af súráli, 48 þús. tonn af forskautum og 3.800 tonn af raflausnar-
efnum.
8.2.2 Tölvuvæðing
Árið 1987 hófst undirbúningur að tölvuvæðingu steypuskála og rannsóknarstofu.
I maí 1988 bárust tvö tilboð í gerð þessa hugbúnaðar og var annað amerískt og byggðist á
aðlögun tilbúins kerfis að þörfum ISAL en hitt var frá TölvuMyndum sf. TölvuMyndir buðu
nýtt kerfi sem skyldi lagað að þörfum ISAL og var ákveðið að taka því tilboði.