Árbók VFÍ - 01.01.1989, Blaðsíða 61

TækniannáH 59
burðarkerfi hússins eftir það tiltölulega fíngert sem gerir kröfur til nákvæmrar burðarþols-
greiningar og skapar mjög þéttbent þversnið. Utveggir hússins kalla einnig á sérstaka steypu-
tækni en ætlunin er að þeir verði ljósgráir á litinn en ómeðhöndlaðir eins og þeir koma úr
sléttum mótum og hvorki málaðir né klæddir. íslensk steypa sem þannig er gerð er að vísu ljós
í byrjun en dökknar mjög þegar hún veðrast og einnig þegar hún blotnar. Gerðar voru
umfangsmiklar fortilraunir og valin steypublanda sem byggir á hvítu sementi, brotnu íslensku
bergi úr Seljadal og innfluttum kvartssandi frá Jótlandi. Blandan er fíngerð og fínefnarík til
þess að skapa möguleika á að nálgast eins gallalaust yfirborð og kostur er.
Gluggar hússins verða álgluggar og einkenni þeirra verða mjög fínleg þversnið að utan og
hverfa karmar stundum bak við steypu en mjög kröftug þversnið eru að innan með djúpum
gluggaskotum. Bogar verða mjög einkennandi í húsinu og stórir bogadregnir gluggafletir
koma þar einnig fyrir.
Þak hússins sem er bogadregið verður með áli á ysta fleti en með vatnsþéttu lagi innar í
þakinu og aftur skapa bogadregnir útveggirnir sérstæðar lausnir.
9.3 Útsýnishús á Öskjuhlíö
Mjög langt er síðan arkitektar fóru að velta fyrir sér húsum tengdum hitaveitutönkunum á
Öskjuhlíð og þegar 1949 lágu fyrir teikningar eftir Sigurð Guðmundsson arkitekt; var raunar
byrjað á þeirri byggingu en aldrei lokið. Það hús sem nú rís er teiknað af Ingimundi Sveinssyni
arkitekt. Húsið er utan að sjá hálfkúla úr stáli og gleri sem hvílir ofan á silfurlituðum tönkun-
um en er í raun steinsteypt bygging á þremur hæðum með hvolfþaki og sjálfstæðu burðarkerfi
sem ekki hvílir hið minnsta á tönkunum. Jarðhæðin er nefnd Vetrargarður og er ætlað að hýsa
margháttaða menningarstarfsemi innan um suðrænan gróður. A annarri hæð er útsýnis- og
upplýsingahæð með útsýnispalli utan við húsið. Efsta hæðin er síðan veitingasalur fyrir 150-
200 gesti þar sem ysti kransinn getur snúist og sýnir gestum borgina alla meðan á máltíðinni
stendur. Hvolfþakið er hannað og smíðað af þýska fyrirtækinu Gartner og er úr stálprófílum og
spegilgleri. Heitt og kalt vatn rennur í gegnum prófílana og með því má bæði tempra hitastigið
inni sem og ráða við ýmis rakavandamál. Burðarkerfi hússins er algjörlega óháð tönkunum og
stendur húsið annars vegar á súlum og lyftukjarna en út við tankana eru steyptir bogalaga
veggir sem að innan hverfa inn í boga tankanna og bera uppi útsýnishæðina. Húsið mun verða
mjög einkennandi í mynd Reykjavíkur í framtíðinni og rísa upp úr tönkunum á vetrarkvöldum
sem lýsandi kúla.