Árbók VFÍ - 01.01.1989, Blaðsíða 70

68 Árbók VFÍ 1988
Mynd 6 Blönduvirkjun. Borskjöldur dragbors-
ins sem heilboraði bæði lóðréttu göngin
(þvermál 3,7 m).
Mynd 7 Blönduvirkjun. Botnrás og lokuturn
Biöndustíjlu við Reftjarnarbungu.
A/S í Noregi um gerð neðanjarðarvirkja og stofn-
uðu þessir aðilar síðan sameignarfyrirtækið Kraft-
tak sf. Vinna við neðanjarðarvirki hófst í septem-
ber 1984 og það tókst að Ijúka allri sprengivinnu í
apríl 1987 eins og áætlað var. Jarðgöngin voru
unnin á hefðbundinn hátt með borunum og spreng-
ingum að undanskildum lóðréttu göngunum sem
voru boruð í fullri vídd (þvermál 3,7 m) með
dragbor. Alls eru jarðgöngin um 3,3 km að lengd
og um 96 þús. m3 auk stöðvarhellisins sem er um
20 þús. m3. Jarðgöngin voru víðast hvar styrkt
með þunnu lagi af sprautusteypu jafnharðan og
grafið var og sums staðar einnig með boltum eða
steinsteypu. Nánar er fjallað um jarðgangagerð
við Blöndu í sérstakri grein í þessu riti.
Að loknum gangagreftri hefur verið unnið við
að steypa upp stöðvarhúsið og steypa umhverfis
greiningu þrýstivatnspípu og sográsir. Þessum
verkþætti lauk haustið 1988.
Næsti áfangi var boðinn út í júní 1984 og var
það bygging botnrásar Blöndustíflu. í þessu verki
fólst að sprengja botnrásarskurð og að steypa
stokk og lokuturn í skurðinn. Samið var við Arn-
ardal sf. og Ola Þ. Óskarsson um þetta verk og
luku þeir við það í ársbyrjun 1986.
A árinu 1985 voru gerðir 7 verksamningar sem
náðu til framleiðslu og uppsetningu á meginhlut-
anum af vél- og rafbúnaði fyrir virkjuninaog 1987
bættust síðan 2 verksamningar við. Samnings-
aðilar eru tilgreindir í töflu 2.
Júgóslavneska fyrirtækið Metalna, sem er undir-
verktaki Ingra við framleiðslu á búnaði, hefur selt
upp krana í stöðvarhúsi, gengið frá lóðréttri þrýsti-
vatnspípu og greiningum auk þess sem gengið
hefur verið frá varaloku í botnrás Blöndustíflu.
Byggingardeild Landsvirkjunar hefur umsjón
og eftirlit með framkvæmdunum og sér um útboð
og gerð verksamninga. Hún sér einnig um rekstur
virkjunarstaðarins.
Stofnkostnaður Blönduvirkjunar var áætlaður
9.650 milljónir kr. á verðlagi í árslok 1988 (VB
401) og eru vextir á byggingartíma þar meðtaldir.
1 lok ársins 1988 hafði verið varið til fram-
kvæmdanna 3.956 milljónum kr. framreiknað
ásamt vöxtum. A árinu 1988 var 491 millj. kr.
varið til framkvæmda við Blönduvirkjun auk
fjármagnskostnaðar að fjárhæð 218 millj. kr.