Árbók VFÍ - 01.01.1989, Blaðsíða 75

Landsvirkjun 73
Mynd 13 Vatnsfellsveita. Rartinn á dœluprammanum Trölla.
Tungnaá ofan við Sigöldu. Skurður þessi hefur verið nefndur Vatnsfellsskurður og byrjar úti í
vatninu um 500 m frá landi og er botnbreidd hans 6 m. Steinsteypt lokuvirki er í skurðinum unt
það bil miðsvæðis með geiraloku til að hleypa út vatninu og hjólaloku til vara.
Þórisvatnsmiðlun var upphatlega gerð fyrir 1.000 G1 miðlun. Voru stíflur miðaðar við að
hækka vatnsborðið úr 571 m y.s. í 576 m y.s. og botnhæð skurðar þurfti þá að vera 557 m y.s.
Skurðurinn var sprengdur út í vatnið af vinnufyllingu og grafinn að mestu með dragskóflum.
Miklar tafir urðu við gröft veituskurðarins í vatninu og drógust verklok um eitt ár, frá 1972 til
1973. Var talið að erfiðleikarnir við skurðgröftinn hefðu verið vegna jarðfræðilegra aðstæðna
sem einkum lýstu sér í „endurpökkun sprengds efnis“ vegna lekastreymis niður um botninn.
Mögulegt er einnig að hluti sprenginganna hafi misfarist vegna erfiðra aðstæðna. Til að ljúka
verkinu og ná skurðinum í fulla dýpt varð að endursprengja hluta skurðarins og grafa hann
með armgröfu og var það gert af flekum sumarið 1973.
Með tilkomu Kvíslaveitu þurfti að auka miðlunarrými í Þórisvatni. Með því að hækka stíflur
um 5,0 m og dýpka Vatnsfellsskurð um 6,0 m niður í botnhæð 551,0 m y.s. mátti auka ntiðlun-
ina upp í um 1.700 Gl. Snemma árs 1982 var ráðist í að dýpka skurðinn og var hann grafinn á
þurru innan varnarstíflu sem þétt var með stálþili í enda skurðarins. Dýpkun skurðarins frá
lokuvirki og út í vatn gekk vel og var henni lokið sumarið 1982 og var þá stálþilið fjarlægt.
Vegna örrar vatnsborðshækkunar tókst ekki þá um haustið að fjarlægja að fullu leyfar af garði
sem verið hafði umhverfis stálþilið í enda skurðarins. Var ákveðið að fjarlægja þennan
þröskuld síðar með dælupramma Landsvirkjunar.
Sumarið 1974 keypti Landsvirkjun til landsins nýjan dælupramma sem hlaut nafnið Trölli.
Hefur hann síðan verið í stöðugri notkun á hverju ári frá byrjun maí til loka október, aðallega á
Bjarnalóni ofan Búrfellsstöðvar. Pramminn er búinn 200 kW rafmótor fyrir vökvakerfi og 800
kW rafmótor fyrir sanddælu. Pramminn var gerður til að dýpka vatnsvegi allt niður á 12 metra
dýpi en það var ekki nægilegt í þessu tilfelli.
Vitað var um dæmi þess að prömmum af svipaðri gerð hafði verið breytt, bæði í Banda-
ríkjunum og Hollandi, þannig að þeir gátu dælt af allt að 60 metra dýpi. Því var ráðist í að